Don't Miss!
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಕಾಶ್ ರೈ ನೋಡಿ ಭಯ ಪಟ್ಟಿದ್ದರಂತೆ ನಟಿ ಸಾಯಿ ಪಲ್ಲವಿ
ನಟಿ ಸಾಯಿ ಪಲ್ಲವಿ ತನ್ನ ಪ್ರತಿಭೆ, ಪಾತ್ರಗಳ ಆಯ್ಕೆ, ಸೌಂದರ್ಯದಿಂದ ಸಿನಿಪ್ರೇಮಿಗಳನ್ನು ಸೆಳೆಯುತ್ತಿರುವ ನಟಿ.
ಮಲಯಾಳಂ ಸಿನಿಮಾ ಪ್ರೇಮಂ ಮೂಲಕ ನಾಯಕಿಯಾದ ನಟಿ ಸಾಯಿ ಪಲ್ಲವಿ, ಆ ನಂತರ ಬಹು ಬೇಗನೆ ಅತ್ಯಂತ ಬೇಡಿಕೆಯ ನಟಿಯಾಗಿಬಿಟ್ಟರು. ಆದರೆ ಸಿಕ್ಕ ಅವಕಾಶಗಳನ್ನೆಲ್ಲಾ ಒಪ್ಪಿಕೊಳ್ಳದೆ, ಪಾತ್ರದ ಮಹತ್ವದ ಆಧಾರದಲ್ಲಿ ಸಿನಿಮಾ ಒಪ್ಪಿಕೊಳ್ಳುವ ಸಾಯಿ ಪಲ್ಲವಿ, ಈ ವರೆಗೆ ನಟಿಸಿರುವ ಸಿನಿಮಾಗಳೆಲ್ಲವೂ ಬಹುತೇಕ ಹಿಟ್.
ಇದೀಗ ತಮಿಳಿನ 'ಪಾವ ಕದೈಗಳ್' ಸಿನಿಮಾದಲ್ಲಿ ನಟಿ ಸಾಯಿ ಪಲ್ಲವಿ ನಟಿಸಿದ್ದು, ಆ ಸಿನಿಮಾ ಕೆಲವೇ ದಿನಗಳಲ್ಲಿ ಅಮೆಜಾನ್ ನಲ್ಲಿ ಬಿಡುಗಡೆ ಆಗಲಿದೆ. ಸಿನಿಮಾ ಕುರಿತಂತೆ ಮಾಧ್ಯಮದೊಟ್ಟಿಗೆ ಮಾತನಾಡಿರುವ ಸಾಯಿ ಪಲ್ಲವಿ. ಸೆಟ್ನಲ್ಲಿ ಪ್ರಕಾಶ್ ರೈ ಅವರನ್ನು ನೋಡಿ ಭಯಪಟ್ಟಿದ್ದರ ಬಗ್ಗೆ ಮಾತನಾಡಿದ್ದಾರೆ.
'ತಂದೆಯ ಗಾಂಭೀರ್ಯ, ಶಿಸ್ತು ಅವರ ಮುಖದಲ್ಲಿತ್ತು'
ಸಿನಿಮಾದಲ್ಲಿ ಸಾಯಿ ಪಲ್ಲವಿ ತಂದೆಯ ಪಾತ್ರದಲ್ಲಿ ನಟಿಸಿದ್ದಾರೆ ಪ್ರಕಾಶ್ ರೈ. ಮೊದಲ ದಿನ ಪ್ರಕಾಶ್ ರೈ ಸೆಟ್ಗೆ ಬಂದಾಗ ಅವರ ಮುಖದ ಮೇಲಿದ್ದ ತಂದೆಯ ಆ ಗಾಂಭೀರ್ಯ, ಶಿಸ್ತು ನೋಡಿ ನಿಜಕ್ಕೂ ಹೆದರಿದ್ದರಂತೆ ಸಾಯಿ ಪಲ್ಲವಿ. ಸೆಟ್ಗೆ ಬರುವಾಗಲೇ ಪಾತ್ರವನ್ನು ಆವಾಹಿಸಿಕೊಂಡಿದ್ದರು ಪ್ರಕಾಶ್ ರೈ ಎಂದಿದ್ದಾರೆ ಸಾಯಿ ಪಲ್ಲವಿ.
ಮೊದಲ ಭಾರಿ ಭೇಟಿ ಆದಾಗ ಭಯವಾಗಿತ್ತು: ಸಾಯಿ ಪಲ್ಲವಿ
'ಸಿನಿಮಾದ ಕತೆ ನನಗೆ ಗೊತ್ತಿತ್ತು, ಸಿನಿಮಾದ ಕತೆಯಲ್ಲಿ ತಂದೆ ಎಷ್ಟು ಶಿಸ್ತಿನ ವ್ಯಕ್ತಿ, ತಂದೆ-ಮಗಳ ಸಂಬಂಧದ ಬಗ್ಗೆ ಅರಿವಿತ್ತು. ಅದು ಪ್ರಕಾಶ್ ರೈ ಅವರಿಗೂ ಗೊತ್ತಿತ್ತು. ಮೊದಲ ದಿನ ಅವರು ಸೆಟ್ ಗೆ ಬಂದಾಗಲೇ ಆ ಸಿನಿಮಾದ ತಂದೆಯ ಪಾತ್ರವನ್ನು ಆವಾಹಿಸಿಕೊಂಡಿದ್ದರು. ಅವರನ್ನು ಮೊದಲ ಬಾರಿ ಭೇಟಿ ಆಗಿ ನನ್ನ ಪರಿಚಯ ಮಾಡಿಕೊಳ್ಳುವಾಗಲೇ ನನಗೆ ತಪ್ಪು ಮಾಡಿದ ಮಗಳು ಹೇಗೆ ತಂದೆಗೆ ಹೆದರುತ್ತಾಳೊ ಆ ರೀತಿಯ ಹೆದರಿಕೆ ಪ್ರಾರಂಭವಾಗಿತ್ತು ಎಂದಿದ್ದಾರೆ ಸಾಯಿ ಪಲ್ಲವಿ.
ಡಿಸೆಂಬರ್ 18 ಕ್ಕೆ ಬಿಡುಗಡೆ
'ಪಾವ ಕದೈಗಳ್' ಸಿನಿಮಾದ ಟ್ರೇಲರ್ ಬಿಡುಗಡೆ ಆಗಿದ್ದು, ಸಿನಿಮಾ ಬಗ್ಗೆ ಕುತೂಹಲ ಕೆರಳಿಸಿದೆ. ಜೀವನದ 'ಡಾರ್ಕ್' ಭಾಗವನ್ನು ತೋರಿಸುವ ಸಿನಿಮಾ ಇದಾಗಿದ್ದು, ನಾಲ್ಕು ನಿರ್ದೇಶಕರು ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಇದೊಂದು ಅಂತಾಲಜಿ ಸಿನಿಮಾ ಆಗಿದ್ದು, ಡಿಸೆಂಬರ 18 ಕ್ಕೆ ಒಟಿಟಿಯಲ್ಲಿ ಬಿಡುಗಡೆ ಆಗಲಿದೆ.
Recommended Video
ಹಲವು ಸಿನಿಮಾಗಳಲ್ಲಿ ಸಾಯಿ ಪಲ್ಲವಿ ಬ್ಯುಸಿ
ಪಾವ ಕದೈಗಳ್ ಹೊರತುಪಡಿಸಿದಂತೆ ಸಾಯಿ ಪಲ್ಲವಿ ನಟಿಸಿರುವ ಲವ್ ಸ್ಟೋರಿ ಸಿನಿಮಾ ಚಿತ್ರೀಕರಣ ಮುಗಿದಿದ್ದು, ಬಿಡುಗಡೆಗೆ ತಯಾರಾಗಿದೆ. ವಿರಾಟ ಪರ್ವಂ ಹೆಸರಿನ ನಕ್ಸಲೈಟ್ ಜೀವನ ಆಧರಿಸಿದ ಸಿನಿಮಾದಲ್ಲಿ ಸಹ ನಟಿಸುತ್ತಿದ್ದಾರೆ ಸಾಯಿ ಪಲ್ಲವಿ. ನಂತರ ಶ್ಯಾಮ್ ಸಿಂಗ್ ರಾಯ್ ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ ಸಾಯಿ ಪಲ್ಲವಿ.