2021ರಲ್ಲಿ ರಿಲೀಸ್ ದಿನಾಂಕ ಕಾಯ್ದಿರಿಸಿದ ಸೌತ್ ಸ್ಟಾರ್ಸ್: ಯಾರು ಯಾವಾಗ ಬರ್ತಾರೆ?

ದಸರಾ ಹಬ್ಬಕ್ಕೆ ಆರ್‌ಆರ್‌ಆರ್‌

ಭಾರತೀಯ ಚಿತ್ರರಂಗದಲ್ಲಿ ಭಾರಿ ನಿರೀಕ್ಷೆ ಮೂಡಿಸಿರುವ ಆರ್ ಆರ್ ಆರ್ ಸಿನಿಮಾ ದಸರಾ ಹಬ್ಬದ ಪ್ರಯುಕ್ತ ರಿಲೀಸ್ ಆಗಲಿದೆ. ಅಕ್ಟೋಬರ್ 13ಕ್ಕೆ ಆರ್‌ಆರ್‌ಆರ್‌ ಚಿತ್ರ ವರ್ಲ್ಡ್ ವೈಡ್ ಬಿಡುಗಡೆಯಾಗಲಿದೆ. ಬಹುಭಾಷೆಯಲ್ಲಿ ಈ ಚಿತ್ರ ಬಿಡುಗಡೆಯಾಗಲಿದ್ದು, ಈ ಚಿತ್ರದ ಎದುರು ಬೇರೆ ಯಾವ ಚಿತ್ರವೂ ಬರುವುದು ಅನುಮಾನ.

ದೀಪಾವಳಿ ಹಬ್ಬಕ್ಕೆ ಅಣ್ಣಾತ್ತೆ

ಸೂಪರ್ ಸ್ಟಾರ್ ರಜನಿಕಾಂತ್ ನಟನೆಯ ಅಣ್ಣಾತ್ತೆ ಸಿನಿಮಾದ ಬಿಡುಗಡೆ ದಿನಾಂಕವೂ ಘೋಷಣೆಯಾಗಿದೆ. ಸದ್ಯ ಚಿತ್ರೀಕರಣ ಮಾಡುತ್ತಿರುವ ಅಣ್ಣಾತ್ತೆ ಸಿನಿಮಾ ದೀಪಾವಳಿ ಹಬ್ಬದ ಪ್ರಯುಕ್ತ ನವೆಂಬರ್ 4 ರಂದು ವರ್ಲ್ಡ್ ವೈಡ್ ತೆರೆಗೆ ಬರಲಿದೆ. ತಮಿಳು, ತೆಲುಗು ಭಾಷೆಗಳಲ್ಲಿ ತಯಾರಾಗುತ್ತಿರುವ ಈ ಚಿತ್ರ ಪ್ಯಾನ್ ಇಂಡಿಯಾ ಬಿಡುಗಡೆಯಾಗಬಹುದು.

ಸ್ವಾತಂತ್ರ್ಯ ದಿನಾಚರಣೆಗೆ ಅಜಿತ್ ಚಿತ್ರ

ತಲಾ ಅಜಿತ್ ನಟಿಸುತ್ತಿರುವ ವಾಲಿಮೈ ಸಿನಿಮಾ ಕೊನೆಯ ಹಂತದ ಶೂಟಿಂಗ್ ಮಾಡುತ್ತಿದೆ. ವಿಶ್ವಾಸಂ ಬಳಿಕ ಅಜಿತ್ ಚಿತ್ರ ಯಾವುದು ಪ್ರೇಕ್ಷಕರ ಮುಂದೆ ಬಂದಿರಲಿಲ್ಲ. ಎಚ್ ವಿನೋದ್ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ವಾಲಿಮೈ ಮೇಲೆ ಹೆಚ್ಚಿನ ಲೆಕ್ಕಾಚಾರವಿದೆ. ಸದ್ಯದ ಮಾಹಿತಿ ಪ್ರಕಾರ ಆಗಸ್ಟ್ ಮೂರನೇ ವಾರಕ್ಕೆ ಮುಹೂರ್ತ ಫಿಕ್ಸ್ ಮಾಡಿಕೊಂಡಿದೆಯಂತೆ.

2022 ಸಂಕ್ರಾಂತಿಗೆ ವಿಜಯ್ 65!

ವಿಜಯ್ ನಟನೆಯ ಮಾಸ್ಟರ್ ಸಿನಿಮಾ ತೆರೆಕಂಡು ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿದೆ. ಮುಂದಿನ ಸಿನಿಮಾವನ್ನು ಸನ್‌ ಪಿಕ್ಚರ್ಸ್ ಜೊತೆ ಮಾಡುತ್ತಿದ್ದು, ನೆಲ್ಸನ್ (ಕೋಲಮಾವು ಕೋಕಿಲಾ) ನಿರ್ದೇಶನ ಮಾಡಲಿದ್ದಾರೆ. ಸದ್ಯದಲ್ಲೇ ಚಿತ್ರೀಕರಣ ಆರಂಭಿಸಲಿದ್ದು, ಜುಲೈವೊತ್ತಿಗೆ ಶೂಟಿಂಗ್ ಮುಗಿಸುವ ಯೋಜನೆಯಲ್ಲಿದ್ದಾರೆ. ಪೋಸ್ಟ್ ಪ್ರೊಡಕ್ಷನ್ ಹಾಗೂ ಪ್ರಚಾರಕ್ಕೆ ಸಮಯ ತೆಗೆದುಕೊಂಡ 2022ರ ಸಂಕ್ರಾಂತಿಗೆ ವಿಜಯ್ 65ನೇ ಸಿನಿಮಾ ತೆರೆಗೆ ಬರಬಹುದು.

ಏಪ್ರಿಲ್‌ನಲ್ಲಿ ಧನುಶ್, ವಿಕ್ರಂ

ಏಪ್ರಿಲ್ ತಿಂಗಳಲ್ಲಿ ಧನುಶ್ ಅಭಿನಯದ 'ಜಗಮೇ ತಂಥೀರಮ್' ಸಿನಿಮಾ ಬಿಡುಗಡೆಯಾಗುವ ಸಾಧ್ಯತೆ ಹೆಚ್ಚಿದೆ. ವಿಕ್ರಮ್ ನಟನೆಯ ಕೋಬ್ರಾ ಚಿತ್ರವೂ ಏಪ್ರಿಲ್ ಕೊನೆಯಲ್ಲಿ ರಿಲೀಸ್ ಆಗಬಹುದು. ಶಿವಕಾರ್ತಿಕೇಯನ್ ಅವರ ಡಾಕ್ಟರ್ ಚಿತ್ರವೂ ಅದೇ ತಿಂಗಳಿಗೆ ಪ್ರವೇಶಿಸಬಹುದು.

ಆಚಾರ್ಯ ಯಾವಾಗ?

ಚಿರಂಜೀವಿ ನಟನೆಯ ಆಚಾರ್ಯ ಸಿನಿಮಾದ ರಿಲೀಸ್ ದಿನಾಂಕ ಸದ್ಯಕ್ಕೆ ತಿಳಿದಿಲ್ಲ. ಆದರೆ, ವೇಗವಾಗಿ ಶೂಟಿಂಗ್ ನಡೆಯುತ್ತಿದೆ. ಕೊರಟಲಾ ಶಿವ ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ಕಾಜಲ್ ಅಗರ್‌ವಾಲ್, ರಾಮ್ ಚರಣ್ ತೇಜ ಸಹ ಅಭಿನಯಿಸುತ್ತಿದ್ದಾರೆ. ಬಹುಶಃ ಈ ಚಿತ್ರವೂ ಸಮ್ಮರ್‌ಗೆ ರಿಲೀಸ್ ಆಗಬಹುದು.

ಕೆಜಿಎಫ್ ಚಾಪ್ಟರ್ 2 ಕಥೆ ಏನು?

ದಸರಾ ಸಮಯಕ್ಕೆ ಆರ್ ಆರ್ ಆರ್, ದೀಪಾವಳಿಗೆ ಅಣ್ಣಾತ್ತೆ, ಆಗಸ್ಟ್ ತಿಂಗಳಲ್ಲಿ ಅಜಿತ್ ಸಿನಿಮಾ ಎಂದು ನಿರ್ಧರಿಸಿದ್ದಾರೆ. ಈ ಎಲ್ಲ ಚಿತ್ರಗಳ ಜೊತೆ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಯಾವಾಗ ರಿಲೀಸ್ ಆಗಬಹುದು ಎಂಬ ಚರ್ಚೆಯೂ ಜೋರಾಗಿದೆ. ಟಾಲಿವುಡ್‌ನಲ್ಲಿ ವರದಿಯಾಗಿರುವ ಪ್ರಕಾರ ಮೇ ತಿಂಗಳ ಕೊನೆಯಲ್ಲಿ ಕೆಜಿಎಫ್ ಎಂಟ್ರಿಯಾಗಬಹುದು ಎನ್ನಲಾಗಿದೆ.

Recommended Video

ದರ್ಶನ್ ಮತ್ತು ಸುದೀಪ್ ಸ್ನೇಹದಲ್ಲಿ ಬಿರುಕು, ಸ್ಪಷ್ಟನೆ ಕೊಟ್ಟ ದೊಡ್ಡಣ್ಣ | Filmibeat Kannada

ಕನ್ನಡ ಚಿತ್ರಗಳ ಬಿಡುಗಡೆಯ ವಿವರ

ಜನವರಿ 29ಕ್ಕೆ ರಾಮಾರ್ಜುನ ಸಿನಿಮಾ, ಫೆಬ್ರವರಿ 19ಕ್ಕೆ ಪೊಗರು, ಮಾರ್ಚ್ 11ಕ್ಕೆ ರಾಬರ್ಟ್, ಏಪ್ರಿಲ್ 1ಕ್ಕೆ ಸಲಗ, ಏಪ್ರಿಲ್ 15ಕ್ಕೆ ಸಲಗ, ಏಪ್ರಿಲ್ 29ಕ್ಕೆ ಕೋಟಿಗೊಬ್ಬ 3, ಮೇ 14ಕ್ಕೆ ಭಜರಂಗಿ 2 ಚಿತ್ರಗಳು ರಿಲೀಸ್ ಆಗಲಿದೆ.