ಎಸ್‌ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ: ಆಸ್ಪತ್ರೆ ನೀಡಿದ ಅಧಿಕೃತ ಮಾಹಿತಿ

ಎಲ್ಲರ ಬಗ್ಗೆ ವಿಚಾರಿಸಿದರು ಎಸ್‌ಪಿಬಿ: ಚರಣ್

ತಾವು ಹುಷಾರಾಗುತ್ತಿರುವುದಾಗಿ ಎಸ್‌ಪಿಬಿ ಹೇಳಿದರು. ಅಮ್ಮನ ಬಗ್ಗೆ ಇನ್ನಿತರರ ಬಗ್ಗೆ ಅವರು ವಿಚಾರಿಸಿದರು. ವೆಂಟಿಲೇಟರ್‌ನಲ್ಲಿ ಇರುವ ಕಾರಣ ಮಾತನಾಡದೆ ಬಹುತೇಕ ಸಂಜ್ಞೆಯಲ್ಲಿಯೇ ಅವರು ಮಾತನಾಡಿದರು ಎಂದಿದ್ದಾರೆ ಚೇತನ್.

ಆಸ್ಪತ್ರೆ ಹೆಲ್ತ್ ಬುಲೆಟಿನ್ ಬಿಡುಗಡೆ ಮಾಡಿದೆ

ಚೆನ್ನೈನ ಎಂಜಿಎಂ ಆಸ್ಪತ್ರೆಯು ಸಂಜೆ ವೇಳೆಗೆ ಎಸ್‌ಪಿಬಿ ಅವರ ಆರೋಗ್ಯದ ಕುರಿತಂತೆ ಅಧಿಕೃತ 'ಹೆಲ್ತ್ ಬುಲೆಟಿನ್' ಬಿಡುಗಡೆ ಮಾಡಿದ್ದು, ಎಸ್‌ಪಿಬಿ ಆರೋಗ್ಯ ಗಂಭೀರ ಪರಿಸ್ಥಿತಿಯಲ್ಲಿಯೇ ಮುಂದುವರೆಯುತ್ತಿದೆ ಎಂದು ಹೇಳಿದೆ.

ಎಸ್ ಪಿ ಬಾಲಸುಬ್ರಹ್ಮಣ್ಯಂ ಆರೋಗ್ಯ ಕುರಿತು ಹರಿದಾಡುತ್ತಿದ್ದ ವದಂತಿಗೆ ತೆರೆ ಎಳೆದ ಪುತ್ರ ಚರಣ್

ವೆಂಟಿಲೇಟರ್‌ನಲ್ಲೇ ಮುಂದುವರೆದಿರುವ ಎಸ್‌ಪಿಬಿ

ಎಸ್‌ಪಿಬಿ, ವೆಂಟಿಲೇಟರ್‌ ಹಾಗೂ ಇಸಿಎಂವೋ ಸಹಾಯದಲ್ಲಿಯೇ ಇದ್ದಾರೆ. ಎಸ್‌ಪಿಬಿ ಅವರ ಸದ್ಯದ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ ಎಂದಿರುವ ಆಸ್ಪತ್ರೆ. ಆರೋಗ್ಯದಲ್ಲಿ ಮಂದಗತಿಯ ಚೇತರಿಕೆ ಕಾಣುತ್ತಿದೆ ಎಂದಿದೆ. ಎಸ್‌ಪಿಬಿ ಆರೋಗ್ಯದ ಬಗ್ಗೆ ತೀವ್ರ ನಿಘಾವಹಿಸಲಾಗಿದೆ ಎಂದಿದೆ.

ಆಗಸ್ಟ್ 5 ರಂದು ಆಸ್ಪತ್ರೆಗೆ ದಾಖಲಾಗಿದ್ದ ಎಸ್‌ಪಿಬಿ

ಎಸ್‌ಪಿಬಿ ಅವರು ಆಗಸ್ಟ್ 5 ರಂದು ಆಸ್ಪತ್ರೆಗೆ ದಾಖಲಾಗಿದ್ದರು. ಕೋವಿಡ್ ಪಾಸಿಟಿವ್ ಆದಾಗ ಮನೆಯಲ್ಲೇ ಇದ್ದ ಅವರಿಗೆ ನಂತರ ಎದೆನೋವು ಕಾಣಿಸಿಕೊಂಡಿತ್ತು. ಹಾಗಾಗಿ ಆಸ್ಪತ್ರೆಗೆ ಸ್ಥಳಾಂತರಗೊಂಡಿದ್ದರು. ಆಗಸ್ಟ್ 9 ರಂದು ಅವರನ್ನು ಐಸಿಯುಗೆ ವರ್ಗಾಯಿಸಲಾಗಿತ್ತು.