ಸಬ್ ಇನ್ಸ್‌ಪೆಕ್ಟರ್ ವಿರುದ್ಧ ಕಿರುಕುಳ ದೂರು ನೀಡಿದ ಖ್ಯಾತ ನಟಿ

ಪೊಲೀಸ್ ಸಬ್‌ಇನ್ಸ್‌ಪೆಕ್ಟರ್ ವಿರುದ್ಧ ದೂರು

ಕೆಲವು ಮಾಧ್ಯಮಗಳು ವರದಿ ಮಾಡಿರುವಂತೆ, ಅದಾಗಲೇ ಪೊಲೀಸ್ ಸಬ್‌ಇನ್ಸ್‌ಪೆಕ್ಟರ್‌ಗೆ ಮದುವೆಯಾಗಿ ಮಕ್ಕಳಿದ್ದರು. ಹಾಗಿದ್ದರೂ ರಾಧ ಅವರ ಜೊತೆ ರಹಸ್ಯವಾಗಿ ಮದುವೆಯಾಗಿದ್ದರು. ಈ ಕಡೆ ಮೊದಲ ಪತಿಯಿಂದ ಡಿವೋರ್ಸ್ ಪಡೆದಿದ್ದ ನಟಿ ರಾಧ ಸಹ ವಸಂತ ರಾಜ ಅವರ ಜೊತೆ ಲೀವ್ ಇನ್ ಸಂಬಂಧದಲ್ಲಿದ್ದರು ಎಂದು ವರದಿಯಾಗಿದೆ. ಈಗ ಅದೇ ವಸಂತ ರಾಜ ವಿರುದ್ಧ ರಾಧಾ ದೂರು ನೀಡಿದ್ದಾರೆ.

ಉದ್ಯಮಿ ವಿರುದ್ಧ ದೂರು ನೀಡಿದ್ದ ರಾಧ

2013ರ ನವೆಂಬರ್ ತಿಂಗಳಲ್ಲಿ ಉದ್ಯಮಿ ಫೈಜುಲ್ ಎನ್ನುವವರ ವಿರುದ್ಧ ನಟಿ ರಾಧಾ ದೂರು ದಾಖಲಿಸಿದ್ದರು. ಆರು ವರ್ಷಗಳ ಲೈವ್-ಇನ್ ಸಂಬಂಧದಲ್ಲಿದ್ದ ಫೈಜುಲ್ ನಂತರ ತನ್ನನ್ನು ಮದುವೆಯಾಗಲು ನಿರಾಕರಿಸಿದ್ದೇನೆ. ನಮ್ಮಿಬ್ಬರ ಖಾಸಗಿ ವೀಡಿಯೊಗಳನ್ನು ಸಾರ್ವಜನಿಕಗೊಳಿಸುವುದಾಗಿ ಬೆದರಿಕೆ ಹಾಕಿರುವುದಾಗಿ ಆರೋಪಿಸಿ ರಾಧಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದರು. ನಿರ್ದೇಶಕ ಈರೋಡ್ ಸೌಂದರ್, ಫೈಜುಲ್ ಜೊತೆ ಕೈಜೋಡಿಸಿದ್ದ ಎಂದು ದೂರಿನಲ್ಲಿ ತಿಳಿಸಿದ್ದರು. ಅದ್ಯಾಗೋ ಕೆಲವು ದಿನಗಳ ಬಳಿಕ ಈ ದೂರು ವಾಪಸ್ ಪಡೆದುಕೊಂಡರು.

ರೌಡಿ ಶೀಟರ್ ವಿರುದ್ಧ ದೂರು

2016ರಲ್ಲಿ ವೈರಂ ಎಂಬ ರೌಡಿ ಶೀಟರ್ ನನಗೆ ಬೆದರಿಕೆಯೊಡ್ಡಿದ್ದಾನೆ ಎಂದು ನಟಿ ರಾಧಾ ದೂರು ನೀಡಿದ್ದರು. ''ನಿರ್ಮಾಪಕ ಮುನಿವೇಲ್ ಜೊತೆಗಿನ ಸಂಬಂಧದ ಬಗ್ಗೆ ಕರೆ ಮಾಡಿ ಬೆದರಿಕೆ ಹಾಕಿದ್ದಾನೆ'' ಎಂದು ದೂರು ನೀಡಿದ್ದರು. ಈ ಘಟನೆ ಬಳಿಕ ನಿರ್ಮಾಪಕ ಮುನಿವೇಲ್ ಅವರ ಪತ್ನಿ ಮಾಧ್ಯಮಗಳಲ್ಲಿ ''ನನ್ನ ಮತ್ತು ನನ್ನ ಪತಿಯ ಸಂಬಂಧವನ್ನು ರಾಧಾ ಹಾಳು ಮಾಡಿದ್ದಾರೆ'' ಎಂದು ಆರೋಪಿಸಿದ್ದರು.

Recommended Video

ಬಿಗ್ ಬಾಸ್ ನಿಂದ ಹೊರ ಬಂದ ಕಿಚ್ಚ ಸುದೀಪ್..? | Filmibeat Kannada

ಚೆನ್ನೈನಲ್ಲಿ ಪರಿಚಯ ಆಗಿತ್ತು

ಚೆನ್ನೈನ ತಿರುವನ್ಮುಯೂರ್ ಪೊಲೀಸ್ ಠಾಣೆಯಲ್ಲಿ ಕೆಲಸ ಮಾಡುತ್ತಿದ್ದಾಗ ರಾಧಾ ಪರಿಚಯ ಆಯಿತು. ನಂತರ ಚೆನ್ನೈನಿಂದ ವಡಪಲಾನಿ ಠಾಣೆಗೆ ವರ್ಗಾವಣೆ ಮಾಡಿಕೊಂಡರು. ನಂತರ ರಾಧಾ ಅವರ ಜೊತೆ ರಹಸ್ಯವಾಗಿ ವಿವಾಹವಾಗಿ ಸಾಲಿಗ್ರಾಮ ನಿವಾಸದಲ್ಲಿ ಒಟ್ಟಿಗೆ ಇದ್ದರು ಎಂದು ಪೊಲೀಸರ ವಿಚಾರಣೆ ವೇಳೆ ಬಹಿರಂಗವಾಗಿದೆ ಎಂದು pinkvilla, indiaglitz ವೆಬ್‌ಸೈಟ್ ವರದಿ ಮಾಡಿದೆ.