Click it and Unblock the Notifications
ಸುಂದರಪಾಂಡ್ಯನ್ ರೀಮೇಕ್ ನಲ್ಲಿ ರಾಕಿಂಗ್ ಸ್ಟಾರ್
ಈ ಹಿಂದೆ ಯಶ್ ಅವರು ತಮಿಳಿನ ಯಶಸ್ವಿ ಚಿತ್ರ 'ಕಲಾವಣಿ'ಯ ಕನ್ನಡ ರೀಮೇಕ್ 'ಕಿರಾತಕ' ಚಿತ್ರದಲ್ಲಿ ಅಭಿನಯಿಸಿದ್ದರು. ಆ ಚಿತ್ರ ಹಿಟ್ ಪಟ್ಟಿ ಸೇರಿತು. ಈಗ ರೀಮೇಕ್ ಆಗುತ್ತಿರುವ 'ಸುಂದರಪಾಂಡ್ಯನ್' ಚಿತ್ರಕ್ಕೆ ಇನ್ನೂ ಕನ್ನಡದ ಶೀರ್ಷಿಕೆ ಇಟ್ಟಿಲ್ಲ. ಈ ಚಿತ್ರಕ್ಕೆ ಗುರು ದೇಶಪಾಂಡೆ ಆಕ್ಷನ್ ಕಟ್ ಹೇಳಲಿದ್ದಾರೆ.
ಚಿತ್ರ ರೀಮೇಕ್ ಆದರೂ ಚಿತ್ರಕಥೆಯಲ್ಲಿ ಹೊಸತನವಿದೆ. ಹಾಗಾಗಿ ರೀಮೇಕ್ ಆದರೂ ಪರ್ವಾಗಿಲ್ಲ ಎಂದು ಚಿತ್ರವನ್ನು ಒಪ್ಪಿಕೊಂಡಿದ್ದಾಗಿ ಯಶ್ ತಿಳಿಸಿದ್ದಾರೆ. ಇನ್ನು 'ಸುಂದರಪಾಂಡ್ಯನ್' ಚಿತ್ರದ ವಿಚಾರಕ್ಕೆ ಬರುವುದಾದರೆ ತಮಿಳಿನ ಶಶಿಕುಮಾರ್, ಲಕ್ಷ್ಮಿ ಮೆನನ್ ಮುಖ್ಯಪಾತ್ರಗಳಲ್ಲಿ ಅಭಿನಯಿಸಿರುವ ಚಿತ್ರ.
ಕನ್ನಡದ 'ಸುಂದರಪಾಂಡ್ಯನ್' ಚಿತ್ರದ ಉಳಿದ ಪಾತ್ರವರ್ಗ, ತಾಂತ್ರಿಕ ಬಳಗ ಆಯ್ಕೆ ಇನ್ನಷ್ಟೆ ನಡೆಯಬೇಕಿದೆ. ತಮಿಳು ನಟ ಶಶಿಕುಮಾರ್ ಅವರ ನಾಡೋಡಿಗಳ್, ಸುಬ್ರಮಣ್ಯಪುರಂ, ಪೊರಾಳಿ ಚಿತ್ರಗಳು ಕ್ರಮವಾಗಿ ಹುಡುಗರು, ಪ್ರೇಮ್ ಅಡ್ಡ ಹಾಗೂ ಯಾರೇ ಕೂಗಾಡಲಿ ಹೆಸರಲ್ಲಿ ರೀಮೇಕ್ ಆಗಿವೆ. ಈಗ ಸುಂದರಪಾಂಡ್ಯನ್ ಕೂಡ ರೀಮೇಕ್ ಆಗುತ್ತಿದೆ. (ಏಜೆನ್ಸೀಸ್)
Continue with Google