Don't Miss!
- News ಲೋಕಸಭಾ ಚುನಾವಣೆ: ಮೈಸೂರು ಜಿಲ್ಲೆಯಲ್ಲಿ ಭದ್ರತೆಗೆ 5 ಸಾವಿರ ಪೊಲೀಸರ ನಿಯೋಜನೆ
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೂರ್ಯಾ ಹೊಸ ಸಿನಿಮಾ ಲುಕ್ ಲೀಕ್: ಅಭಿಮಾನಿಗಳಿಗೆ ಕುತೂಹಲ
ನಟ ಸೂರ್ಯಾ ಪ್ರತಿ ಸಿನಿಮಾಗೂ ತಮ್ಮ ಲುಕ್ ಬದಲಿಸುತ್ತಿರುತ್ತಾರೆ. ಒಂದೇ ಸಿನಿಮಾದಲ್ಲಿ ಹಲವು ಲುಕ್ಗಳಲ್ಲಿ ಕಾಣಿಸಿಕೊಂಡಿದ್ದೂ ಸಹ ಇದೆ.
ಇದೀಗ ಸೂರರೈ ಪೊಟ್ರು ಸಿನಿಮಾದಲ್ಲಿ ನಾಲ್ಕು ಭಿನ್ನ ಲುಕ್ಗಳಲ್ಲಿ ಕಾಣಿಸಿಕೊಂಡಿದ್ದ ಸೂರ್ಯಾ, ತಮ್ಮ ಹೊಸ ಸಿನಿಮಾಕ್ಕೆ ಸಂಪೂರ್ಣ ಹೊಸ ಲುಕ್ ಗೆ ಮೇಕ್ಓವರ್ ಆಗಿದ್ದಾರೆ.
ಹೌದು, ಗೌತಮ್ ಮೆನನ್ ನಿರ್ದೇಶನದ ಹೊಸ ಸಿನಿಮಾಕ್ಕೆ ನಟ ಸೂರ್ಯಾ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದು, ಚಿತ್ರೀಕರಣ ಸೆಟ್ನ ಚಿತ್ರಗಳು ಲೀಕ್ ಆಗಿವೆ. ಅದರಲ್ಲಿನ ಸೂರ್ಯಾ ಲುಕ್ ನೋಡಿ ಅಭಿಮಾನಿಗಳು ಸಂತಸಗೊಂಡಿದ್ದಾರೆ.
ಈ ವರೆಗೆ ಕಾಣದಿದ್ದ ಹೊಸ ಅವತಾರದಲ್ಲಿ ನಟ ಸೂರ್ಯಾ ಕಾಣಿಸಿಕೊಳ್ಳುತ್ತಿದ್ದಾರೆ. ಕರ್ಲಿ ಆದರೆ ಉದ್ದ ಕೂದಲು, ಮೀಸೆ ಇರದ, ರಾಕ್ಸ್ಟಾರ್ ಮಾದರಿಯ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ ನಟ ಸೂರ್ಯಾ.
ಸೂರ್ಯಾ ಲುಕ್ ಬಹಳ ಭಿನ್ನವಾಗಿದೆ
ಗೌತಮ್ ಮೆನನ್ ಸಿನಿಮಾಗಳು ನಿಜಜೀವನಕ್ಕೆ ಬಹು ಹತ್ತಿರವಾಗಿರುತ್ತವೆ, ಅವರ ಸಿನಿಮಾಗಳಲ್ಲಿ ಕಮರ್ಶಿಯಲ್ ಅಂಶಗಳು, 'ಲಾರ್ಜರ್ ದ್ಯಾನ್ ಲೈಫ್' ರೀತಿಯ ಪಾತ್ರಗಳು ಇರುವುದಿಲ್ಲ, ಆದರೆ ಕತೆಯಲ್ಲಿ ತಾಜಾತನ ಇರುತ್ತದೆ, ಹಾಗಾಗಿ ನಟ ಸೂರ್ಯಾ ಜೊತೆಗೆ ಎಂಥಹಾ ಕತೆ ಹೇಳಲು ಹೊರಟಿದ್ದಾರೆ ಎಂಬ ಕುತೂಹಲ ಎದ್ದಿದೆ.
ಹಲವು ನಿರ್ದೇಶಕರು ಒಟ್ಟು ಸೇರಿರುವ ಸಿನಿಮಾ
ಗೌತಮ್-ಸೂರ್ಯಾ ಜೋಡಿಯ ಈ ಸಿನಿಮಾಕ್ಕೆ ನವರಸ ಎಂದು ಹೆಸರಿಡಲಾಗಿದೆ. ಈ ಸಿನಿಮಾವನ್ನು ಗೌತಮ್ ವಾಸುದೇವ್ ಮೆನನ್ ಮಾತ್ರವೇ ನಿರ್ದೇಶಿಸುತ್ತಿಲ್ಲ. ಸಿನಿಮಾವನ್ನು ಇನ್ನೂ ಕೆಲವು ನಿರ್ದೇಶಕರು ಒಟ್ಟಿಗೆ ಸೇರಿ ನಿರ್ದೇಶಿಸುತ್ತಿದ್ದಾರೆ. ಇದೊಂದು ಅಂತಾಲಜಿ ಸಿನಿಮಾ ಆಗಿರಲಿದೆ.
ನವರಸ ಸಿನಿಮಾದಲ್ಲಿ ಒಂಬತ್ತು ಕಿರುಚಿತ್ರ
'ನವರಸ' ಸಿನಿಮಾದಲ್ಲಿ ಒಟ್ಟು ಒಂಬತ್ತು ಕಿರು ಸಿನಿಮಾಗಳಿರಲಿದ್ದು, ಎಲ್ಲ ಸಿನಿಮಾಗಳು ನವ ಭಾವಗಳ ಮೇಲೆ ಆಧರಿಸಿದ್ದಾಗಿರಲಿವೆ. ಎಲ್ಲಾ ಒಂಬತ್ತೂ ಕಿರುಚಿತ್ರಗಳಲ್ಲಿಯೂ ಸೂರ್ಯಾ ಮುಖ್ಯ ಪಾತ್ರದಲ್ಲಿರುತ್ತಾರೆ ಎನ್ನಲಾಗುತ್ತಿದೆ. 'ನವರಸ' ಸಿನಿಮಾವನ್ನು ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ಮಿಸುತ್ತಿದ್ದಾರೆ.
Recommended Video
ಈಗಾಗಲೇ ಒಂದು ಸಿನಿಮಾ ಬಿಡುಗಡೆ ಆಗಿದೆ
ಈಗಾಗಲೇ ತಮಿಳಿನ ಒಂದು ಅಂತಾಲಜಿ ಸಿನಿಮಾ 'ಪುತ್ತು ಪುದು ಕಾಲೈ' ಒಟಿಟಿಯಲ್ಲಿ ಬಿಡುಗಡೆ ಆಗಿ ಭಾರಿ ಜನಮೆಚ್ಚುಗೆ ಗಳಿಸಿದೆ. ಇದೇ ತಿಂಗಳ 18 ಕ್ಕೆ 'ಪಾವ ಕದೈಗಳ್' ಎಂಬ ಮತ್ತೊಂದು ಅಂತಾಲಜಿ ಸಿನಿಮಾ ಬಿಡುಗಡೆ ಆಗುತ್ತಿದೆ. ನವರಸ ಸಹ ಅಂತಾಲಜಿ ಸಿನಿಮಾ ಆಗಿದ್ದು, ಇದು ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆಗಲಿದೆ.