Don't Miss!
- Sports CSK vs LSG IPL 2024: ರುತುರಾಜ್ ಭರ್ಜರಿ ಶತಕ, ದುಬೆ ಸ್ಫೋಟಕ ಬ್ಯಾಟಿಂಗ್; ಲಕ್ನೋಗೆ ಬೃಹತ್ ಗುರಿ ನೀಡಿದ ಚೆನ್ನೈ
- News Narendra Modi: ಕರ್ನಾಟಕಕ್ಕೆ ಏಪ್ರಿಲ್ 29, 29ಕ್ಕೆ ಪ್ರಧಾನಿ ಮೋದಿ ಆಗಮನ
- Lifestyle UPSCಯಲ್ಲಿ 2ನೇ ರ್ಯಾಂಕ್ ಗಳಿಸಿದ ಸಾಧಕನ ಡ್ಯಾನ್ಸ್ ವೀಡಿಯೋ ವೈರಲ್: ಇವರ ಬದುಕಿನಲ್ಲಿ ನಡೆದಿದೆ ಹಲವು ದುರಂತಗಳು
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
14 ದಿನಗಳಲ್ಲಿ 40 ಕೋಟಿ ಗಳಿಸಿದ್ದ 'ಲವ್ ಟುಡೇ' ಸಿನಿಮಾದ ಹೆಚ್ಡಿ ಪ್ರಿಂಟ್ ಲೀಕ್!
ಲವ್ ಟುಡೇ, ಕರ್ನಾಟಕದಲ್ಲಿರುವ ಸಿನಿ ರಸಿಕರು ಈ ತಮಿಳು ಚಿತ್ರವನ್ನು ನೋಡಿರದಿದ್ದರೂ ಸಹ ಖಂಡಿತವಾಗಿಯೂ ಸಾಮಾಜಿಕ ಜಾಲತಾಣದಲ್ಲಿ ಈ ಚಿತ್ರದ ಹೆಸರನ್ನು ಕೇಳಿಯೇ ಇರುತ್ತಾರೆ. ಅಷ್ಟರ ಮಟ್ಟಿಗೆ ಸದ್ದು ಮಾಡುತ್ತಿದೆ ಈ ಚಿತ್ರ. ಮಾಡರ್ನ್ ಡೇ ಲವರ್ಸ್ ಕುರಿತಾದ ಈ ಚಿತ್ರ ಪಕ್ಕಾ ಕಾಮಿಡಿ ಎಂಟರ್ಟೈನರ್ ಆಗಿದ್ದು ಸಿನಿ ರಸಿಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
ಇನ್ನು ನವೆಂಬರ್ 4ರಂದು ತಮಿಳುನಾಡಿನಲ್ಲಿ ಬಿಡುಗಡೆಯಾಗಿದ್ದ ಈ ಚಿತ್ರಕ್ಕೆ ಈ ಹಿಂದೆ ಕೊಮಾಲಿ ಎಂಬ ಸೂಪರ್ ಹಿಟ್ ಚಿತ್ರ ನಿರ್ದೇಶಿಸಿದ್ದ ನಿರ್ದೇಶಕ ಪ್ರದೀಪ್ ರಂಗನಾಥನ್ ಆಕ್ಷನ್ ಕಟ್ ಹೇಳುವುದು ಮಾತ್ರವಲ್ಲದೇ ತಾನೇ ನಾಯಕನಾಗಿ ಅಭಿನಯಿಸಿದ್ದಾರೆ. 5 ಕೋಟಿ ವೆಚ್ಚದಲ್ಲಿ ತಯಾರಾಗಿದ್ದ ಲವ್ ಟುಡೇ ಚಿತ್ರ 14 ದಿನಗಳಲ್ಲಿ 40 ಕೋಟಿ ಗಳಿಸಿ ಬಾಕ್ಸ್ ಆಫೀಸ್ ಧೂಳೀಪಟ ಮಾಡಿತ್ತು. ನಾಯಕ ಪ್ರದೀಪ್ ರಂಗನಾಥನ್ ಹಾಗೂ ನಾಯಕಿ ಇವಾನಾ ನಡುವಿನ ಹಾವು ಮುಂಗುಸಿಯಾಟಕ್ಕೆ ತಮಿಳು ಸಿನಿ ಪ್ರೇಕ್ಷಕರು ಫುಲ್ ಮಾರ್ಕ್ಸ್ ಕೊಟ್ಟಿದ್ದರು.
ಹೀಗೆ ತಮಿಳಿನಲ್ಲಿ ಅಬ್ಬರಿಸಿದ್ದ ಈ ಚಿತ್ರವನ್ನು ಲವ್ ಟುಡೇ ಎಂಬ ಶೀರ್ಷಿಕೆಯಡಿಯಲ್ಲಿಯೇ ತೆಲುಗಿಗೆ ಡಬ್ ಮಾಡಲು ತೀರ್ಮಾನಿಸಿದ ಚಿತ್ರತಂಡ ಈಗಾಗಲೇ ತೆಲುಗು ಡಬಿಂಗ್ ಕೆಲಸವನ್ನು ಮುಗಿಸಿದ್ದು ಇದೇ ತಿಂಗಳ 25ರಂದು ತೆಲುಗು ಡಬ್ ವರ್ಷನ್ ಬಿಡುಗಡೆಯಾಗಲಿದೆ ಎಂದು ಘೋಷಿಸಿತ್ತು. ಹೀಗೆ ತಮಿಳಿನಲ್ಲಿ ದೊಡ್ಡ ಸಕ್ಸಸ್ ಕಂಡು ತೆಲುಗಿನಲ್ಲಿ ಬಿಡುಗಡೆ ಮಾಡುವ ಯೋಜನೆಯಲ್ಲಿದ್ದ ಲವ್ ಟುಡೇ ಚಿತ್ರತಂಡಕ್ಕೆ ತಮಿಳ್ ಎಂವಿ ವೆಬ್ಸೈಟ್ ಶಾಕ್ ನೀಡಿದೆ. ಚಿತ್ರ ಬಿಡುಗಡೆಯಾಗಿ ಸರಿಯಾಗಿ 15 ದಿನಕ್ಕೆ ಅಂದರೆ ನವೆಂಬರ್ 19ರಂದು ಈ ಚಿತ್ರದ ಸಂಪೂರ್ಣ ಹೆಚ್ಡಿ ಪ್ರಿಂಟ್ ಅನ್ನು ತಮಿಳ್ ಎಂವಿ ಲೀಕ್ ಮಾಡಿದೆ.
ಇನ್ನು ಇಂದಿಗೂ ಸಹ ಲವ್ ಟುಡೇ ಅದ್ಭುತ ಪ್ರದರ್ಶನ ಕಾಣುತ್ತಿದ್ದು ಐವತ್ತು ಕೋಟಿ ಕಲೆಕ್ಷನ್ ಸಂಭ್ರಮಾಚರಣೆ ಆರಂಭಗೊಳ್ಳುವ ಮುನ್ನವೇ ಚಿತ್ರತಂಡಕ್ಕೆ ಚಿತ್ರ ಲೀಕ್ ಆದದ್ದು ಹಿನ್ನಡೆ ಉಂಟುಮಾಡಿದೆ. ಅಲ್ಲದೇ ಚಿತ್ರ ಲೀಕ್ ಆಗಿರುವುದರಿಂದ ತಮಿಳುನಾಡಿನಂತೆಯೇ ತೆಲುಗು ರಾಜ್ಯಗಳಲ್ಲಿಯೂ ಚಿತ್ರ ಉತ್ತಮ ಆರಂಭ ಪಡೆದುಕೊಳ್ಳುವುದು ಅನುಮಾನವೇ ಸರಿ.