Don't Miss!
- News ಬೆಂಗಳೂರಿನ ಜನತೆಗೆ ಬಾಂಬು..ಮತಾಂಧರಿಗೆ ಕೊಂಬು: ಚೊಂಬು ಜಾಹೀರಾತಿಗೆ ಆರ್.ಅಶೋಕ್ ಗುಡುಗು
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿಲ್ಕ್ ಸ್ಮಿತಾ ಜೀವನ ಆಧಾರಿತ ಸಿನಿಮಾದ ನಾಯಕಿ ಇವರೇ
ಜೀವನ ಆಧರಿಸಿದ ಸಿನಿಮಾಗಳ ಟ್ರೆಂಡ್ ಈಗ ನಡೆಯುತ್ತಿದೆ. ಬಾಲಿವುಡ್ನಿಂದ ಪ್ರಾರಂಭವಾದ ಟ್ರೆಂಡ್ ದಕ್ಷಿಣ ಭಾರತದ ಸಿನಿರಂಗಗಳಿಗೂ ವ್ಯಾಪಿಸಿದೆ. ಜೀವನ ಆಧರಿತ ಸಿನಿಮಾಗಳು ಹಿಟ್ ಆಗುತ್ತಿರುವುದು ಇನ್ನಷ್ಟು ಇಂಥಹಾ ಸಿನಿಮಾಗಳನ್ನು ಮಾಡಲು ಪ್ರೇರಣೆ ಒದಗಿಸುತ್ತಿದೆ.
ಸಾಧಕರ ಜೀವನ ಆಧರಿಸಿ ಸಿನಿಮಾ ಮಾಡುವರ ಗುಂಪು ಒಂದೆಡೆಯಾದರೆ, ವಿವಾದಿತ ವ್ಯಕ್ತಿಗಳ ಜೀವನ ಸಿನಿಮಾ ಮಾಡುವವರು ಸಹ ಕಡಿಮೆ ಇಲ್ಲ. ಇದೀಗ ಒಂದು ಕಾಲದ ಮಾದಕ ನಟಿ ಸಿಲ್ಕ್ ಸ್ಮಿತಾ ಜೀವನವನ್ನು ಸಿನಿಮಾ ಮಾಡುವ ತಯಾರಿ ಮಾಡಿಕೊಳ್ಳಲಾಗಿದೆ.
ಈ ಮೊದಲು 'ಡರ್ಟಿ ಪಿಕ್ಚರ್' ಸಿನಿಮಾದಲ್ಲಿ ವಿದ್ಯಾ ಬಾಲನ್ ಸಿಲ್ಕ್ ಸ್ಮಿತಾ ಪಾತ್ರದಲ್ಲಿ ನಟಿಸಿದ್ದರು. ಅದ್ಭುತವಾಗಿ ಮೂಡಿಬಂದಿದ್ದ ಆ ಸಿನಿಮಾ ದೊಡ್ಡ ಹಿಟ್ ಸಹ ಆಯಿತು. ವಿದ್ಯಾ ಬಾಲನ್, ಸಿಲ್ಕ್ ಸ್ಮಿತಾ ಅದ್ಭುತವಾಗಿ ನಟಿಸಿದ್ದರು.
ಸಿಲ್ಕ್ ಸ್ಮಿತಾ ಪಾತ್ರದಲ್ಲಿ ಅನುಸೂಯಾ ಭಾರಧ್ವಜ್
ಇದೀಗ ತಮಿಳು ಚಿತ್ರರಂಗದಲ್ಲಿ ಸಿಲ್ಕ್ ಸ್ಮಿತಾ ಜೀವನವನ್ನು ಸಿನಿಮಾ ಆಗಿ ತೆರೆಗೆ ತರಲು ಸಜ್ಜಾಗಿದ್ದು, ಸಿಲ್ಕ್ ಸ್ಮಿತಾ ಪಾತ್ರಕ್ಕೆ ಅನುಸೂಯಾ ಭಾರಧ್ವಜ್ ಅನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ತಮ್ಮ ಗ್ಲಾಮರಸ್ ನಟನೆಯಿಂದ ಈಗಾಗಲೇ ಗಮನ ಸೆಳೆದಿರುವ ಅನುಸೂಯಾ ಭಾರಧ್ವಜ್, ಇದೀಗ ಸಿಲ್ಕ್ ಸ್ಮಿತಾ ಜೀವನ ಆಧರಿತ ಸಿನಿಮಾದಲ್ಲಿ ಇನ್ನಷ್ಟು ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬುದರಲ್ಲಿ ಸಂಶಯವಿಲ್ಲ.
ವಿಜಯ್ ಸೇತುಪತಿ ಸಹ ಇದ್ದಾರೆ
ಅನುಸೂಯಾ ಭಾರಧ್ವಜ್ ನಟಿಸುತ್ತಿರುವ ಮೊದಲ ತಮಿಳು ಸಿನಿಮಾ ಇದಾಗಿದೆ. ವಿಶೇಷವೆಂದರೆ ಇದೇ ಸಿನಿಮಾದಲ್ಲಿ ಖ್ಯಾತ ನಟ ವಿಜಯ್ ಸೇತುಪತಿ ಸಹ ನಟಿಸಲಿದ್ದಾರೆ. ಸಿನಿಮಾದ ಚಿತ್ರೀಕರಣ ಈಗಾಗಲೇ ಪ್ರಾರಂಭವಾಗಿದ್ದು, ಪಾತ್ರಕ್ಕೆ ತಯಾರಾಗಿರುವ ತಮ್ಮ ಚಿತ್ರವನ್ನು ಹಂಚಿಕೊಂಡಿದ್ದಾರೆ ಅನುಸೂಯಾ ಭಾರಧ್ವಜ್.
ಹಲವು ಸಿನಿಮಾಗಳಲ್ಲಿ ನಟಿಸಿರುವ ಅನುಸೂಯಾ
ಮೊದಲಿಗೆ ಟಿವಿ ನಿರೂಪಕಿ ಆಗಿದ್ದ ಅನುಸೂಯಾ ಭಾರಧ್ವಜ, ನಂತರ ನಿಧಾನಕ್ಕೆ ಸಿನಿಮಾಗಳಿಗೆ ಜಾರಿಕೊಂಡರು. ರಂಗಸ್ಥಳಂ, ಎಫ್2, ಯಾತ್ರಾ ಸಿನಿಮಾಗಳಲ್ಲಿ ನಟಿಸಿರುವ ಅನುಸೂಯಾ, ಅಲ್ಲು ಅರ್ಜುನ್ ನಟನೆಯ ಪುಷ್ಪಾ, ರವಿತೇಜ ನಟನೆಯ ಕಿಲಾಡಿ, ಕೃಷ್ಣವಂಶಿ ಜೊತೆಗೆ ರಂಗ ಮಾರ್ತಾಂಡ, ಥ್ಯಾಂಕ್ ಯೂ ಬ್ರದರ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಬಿಡುಗಡೆ ಆಗುತ್ತಿದೆ ಶಕೀಲಾ ಸಿನಿಮಾ
ಇದೇ ಸಮಯದಲ್ಲಿ ಸಾಫ್ಟ್ ಪಾರ್ನ್ ನಟಿ ಶಕೀಲಾ ಹೆಸರಿನ ಸಿನಿಮಾ ಸಹ ಇದೇ ತಿಂಗಳಿನಲ್ಲಿ ಬಿಡುಗಡೆ ಆಗುತ್ತಿದೆ. ಕನ್ನಡದ ಇಂದ್ರಜಿತ್ ಲಂಕೇಶ್ ನಿರ್ದೇಶನದ ಶಕೀಲಾ ಸಿನಿಮಾದಲ್ಲಿ ನಟಿ ರೀಚಾ ಚಡ್ಡಾ ಶಕೀಲಾ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.