ದೀಪಿಕಾ ಪಡುಕೋಣೆ ಚಿತ್ರದ ರೀಮೇಕ್‌ನಲ್ಲಿ ತ್ರಿಷಾ ನಟನೆ!

ರೀಮೇಕ್ ಹಕ್ಕು ಖರೀದಿ!

ತಮಿಳಿನ ವೆಬ್‌ಸೈಟ್‌ವೊಂದು ವರದಿ ಮಾಡಿರುವ ಪ್ರಕಾರ, ದೊಡ್ಡ ನಿರ್ಮಾಣ ಸಂಸ್ಥೆಯೊಂದು ಪೀಕು ಚಿತ್ರದ ರೀಮೇಕ್ ಹಕ್ಕೂ ಖರೀದಿಸಿದೆಯಂತೆ. ತಮಿಳಿನ ಜೊತೆ ತೆಲುಗಿನಲ್ಲೂ ಈ ಸಿನಿಮಾ ಮಾಡುವ ಯೋಜನೆ ಹಾಕಿದ್ದು, ದೀಪಿಕಾ ಪಾತ್ರದಲ್ಲಿ ತ್ರಿಷಾ ನಟಿಸಬಹುದು ಎಂದು ವರದಿಯಾಗಿದೆ.

ಅಮಿತಾಭ್ ಬಚ್ಚನ್ ಪಾತ್ರಕ್ಕೆ ಯಾರು?

ದೀಪಿಕಾ ಪಡುಕೋಣೆ ಪಾತ್ರದಲ್ಲಿ ತ್ರಿಷಾ ಅವರನ್ನು ನೋಡಲು ನಿರ್ಮಾಪಕರು ನಿರ್ಧರಿಸಿದ್ದಾರೆ. ಆದ್ರೆ, ಅಮಿತಾಭ್ ಬಚ್ಚನ್ ಅವರ ಪಾತ್ರಕ್ಕೆ ಯಾರು ಎಂಬ ಪ್ರಶ್ನೆ ಉಂಟಾಗಿದೆ. 70 ವರ್ಷದ ಹಿರಿಯ ವ್ಯಕ್ತಿ ಪಾತ್ರದಲ್ಲಿ ಬಿಗ್ ಬಿ ನಟಿಸಿದ್ದರು. ಈ ಪಾತ್ರವನ್ನು ಸೌತ್‌ನಲ್ಲಿ ಮಾಡುವುದಾದರೇ ಯಾರು ಎಂದು ಹುಡುಕಲಾಗುತ್ತಿದೆ.

ಇರ್ಫಾನ್ ಖಾನ್ ಸಹ ಇದ್ದರು

ಶೂಜಿಕ್ ಸರ್ಕಾರ್ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಅಮಿತಾಬ್, ದೀಪಿಕಾ ಪಡುಕೋಣೆ ಜೊತೆ ಇರ್ಫಾನ್ ಖಾನ್ ಸಹ ಪ್ರಮುಖ ಪಾತ್ರ ವಹಿಸಿದ್ದರು. ಸುಮಾರು 24 ಕೋಟಿ ವೆಚ್ಚದಲ್ಲಿ ತಯಾರಾಗಿದ್ದ ಈ ಸಿನಿಮಾ 145 ಕೋಟಿಗೂ ಹೆಚ್ಚು ಗಳಿಕೆ ಕಂಡಿತ್ತು. ಈ ಪಾತ್ರಕ್ಕಾಗಿ 2016ನೇ ವರ್ಷದಲ್ಲಿ ಅಮಿತಾಬ್ ಬಚ್ಚನ್ ಗೆ ಅತ್ಯುತ್ತಮ ನಟ ಪ್ರಶಸ್ತಿ ಸಹ ಲಭಿಸಿತ್ತು.

Recommended Video

ಆತ ನನ್ನ ಯಜಮಾನರ ಮಗ ಎಂದ ಜಗ್ಗೇಶ್ | Filmibeat Kannada

ತ್ರಿಷಾ ಮುಂದಿನ ಚಿತ್ರಗಳು

ಮಣಿರತ್ನಂ ನಿರ್ದೇಶನದ ಪೊನ್ನಿಯನ್ ಸೆಲ್ವನ್ ಸಿನಿಮಾದಲ್ಲಿ ತ್ರಿಷಾ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಚದುರಂಗ ವೇಟೈ 2, ರಾಮ್, ಶುಗರ್, ರಾಂಗೀ, ಘರ್ಜನೈ ಸೇರಿದಂತೆ ಇನ್ನು ಕೆಲವು ಹೊಸ ಪ್ರಾಜೆಕ್ಟ್‌ಗಳಲ್ಲಿ ತ್ರಿಷಾ ನಟಿಸುತ್ತಿದ್ದಾರೆ.