ಹಿಂದೊಮ್ಮೆ ಜ್ಯೂನಿಯರ್ ಆರ್ಟಿಸ್ಟ್ ಆಗೂ ಆಯ್ಕೆ ಆಗದವ ಇಂದು ದೊಡ್ಡ ಸ್ಟಾರ್

ಸಿಮೆಂಟ್ ಅಂಗಡಿಯಲ್ಲಿ ಕೆಲಸ

ಸಿಮೆಂಟ್ ಅಂಗಡಿಯಲ್ಲಿ ಕೆಲಸ, ನಂತರ ಜವಳಿ ಅಂಗಡಿಯಲ್ಲಿ ಲೆಕ್ಕಿಗ, ಟೆಲಿಫೋನ್ ಬೂತ್ ನೋಡಿಕೊಳ್ಳುವವ ಹೀಗೆ ಬದುಕು ದೂಡಲು ಏನೇನೋ ಕೆಲಸ ಮಾಡಿದರು. ಕೊನೆಗೆ 12,000 ಸಂಬಳಕ್ಕೆ ದುಬೈಗೂ ಹೋದರು. ಆದರೆ ನಟನಾಗುವ ಆಸೆ ಅವರನ್ನು ಬಿಟ್ಟಿರಲಿಲ್ಲ.

ದುಬೈನಿಂದ ಚೆನ್ನೈಗೆ ಆಗಮಿಸಿದ ವಿಜಯ್

ದುಬೈನಿಂದ ಚೆನ್ನೈಗೆ ಬಂದು ನಟನಾ ತಂಡದಲ್ಲಿ ಅವಕಾಶ ಕೇಳಿದರು ಆದರೆ ಸಿಗಲಿಲ್ಲ, ಆದರೆ ಅದೇ ತಂಡದ ಲೆಕ್ಕಿಗನಾಗಿ ಕೆಲಸಕ್ಕೆ ಸೇರಿಕೊಂಡರು. ಅಲ್ಲಿಯೇ ಕೆಲವು ಸಣ್ಣ-ಪುಟ್ಟ ಪಾತ್ರಗಳನ್ನು ಮಾಡಿದರು. ಈಗಿನ ಸ್ಟಾರ್ ನಿರ್ದೇಶಕ ಕಾರ್ತಿಕ್ ಸುಬ್ಬರಾಜ್ ನಿರ್ದೇಶಿಸಿದ ಕೆಲವು ಕಿರು ಚಿತ್ರಗಳಲ್ಲಿ ನಟಿಸಿದರು.

ಪಿಜ್ಜಾ ಸಿನಿಮಾ ಹಿಟ್ ಆಯಿತು

ವಿಜಯ್ ನಟನೆಯ ಬಗ್ಗೆ ಅಪಾರ ನಂಬಿಕೆಯಿದ್ದ ಕಾರ್ತಿಕ್ ಸುಬ್ಬರಾಜ್ ವಿಜಯ್ ಸೇತುಪತಿಯನ್ನು ತಮ್ಮ ಮೊದಲ ಸಿನಿಮಾ 'ಪಿಜ್ಜಾ' ಗೆ ನಾಯಕನನ್ನಾಗಿ ಮಾಡಿದರು. ಅದು ಬಿಡುಗಡೆ ಆಗಲು ಎರಡು ವರ್ಷವಾಯಿತು. ಆಗ ವಿಜಯ್ ವಯಸ್ಸು 34.

ಹಲವು ಸಣ್ಣ-ಪುಟ್ಟ ಪಾತ್ರಗಳು ನಿರ್ವಹಿಸಿದ್ದರು

ಅದಕ್ಕೂ ಮುನ್ನಾ ಹಲವು ಸಿನಿಮಾಗಳಲ್ಲಿ ಸಣ್ಣ-ಪುಟ್ಟ ಪಾತ್ರಗಳನ್ನು ವಿಜಯ್ ಸೇತುಪತಿ ಮಾಡಿದ್ದರು. ಪಿಜ್ಜಾ ಹಿಟ್ ಆದ ಬಳಿಕ ಬಂದ 'ನಡುವುಲ ಕೊಂಜಂ ಪಕ್ಕತ ಕಾಣುಂ' ಸಿನಿಮಾ ಸಹ ಹಿಟ್ ಆಯಿತು ಇದು ಕನ್ನಡದಲ್ಲಿ ಕ್ವಾಟ್ಲೆ ಸತೀಶ ಹೆಸರಲ್ಲಿ ರೀಮೇಕ್ ಆಯಿತು. ನಂತರ ಬಂದ ಸುದು ಕುವಂ ವಿಜಯ್ ಸೇತುಪತಿ ಗೆ ಇನ್ನಷ್ಟು ಅವಕಾಶಗಳನ್ನು ತಂದುಕೊಟ್ಟಿತು.

ಹಿಟ್ ಆದ ಸದುಕುವಂ ಸಿನಿಮಾ

'ಸದುಕುವಂ' ಗೆಲುವಿನ ನಂತರ ಸಾಕಷ್ಟು ಅವಕಾಶಗಳು ವಿಜಯ್ ಪಾಲಿಗೆ ಒದಗಿದವು. ಆದರೆ 2017 ರಲ್ಲಿ ಬಂದ 'ವಿಕ್ರಂ ವೇದ' ವಿಜಯ್ ವೃತ್ತಿ ಜೀವನದ ಅತಿ ದೊಡ್ಡ ಹಿಟ್ ಎನಿಸಿಕೊಂಡಿತು. ಆ ವರೆಗೂ ಕೇವಲ ತಮಿಳಿಗಷ್ಟೆ ಸೀಮಿತವಾಗಿದ್ದ ವಿಜಯ್ ಗೆ ಬೇರೆ ಭಾಷೆಗಳಿಂದಲೂ ಅವಕಾಶ ಒದಗಿಬರಲು ಪ್ರಾರಂಭವಾಯಿತು. ಅಲ್ಲಿಂದ ವಿಜಯ್ ಸೇತುಪತಿ ಹಿಂತುರಿಗಿ ನೋಡಿದ್ದೇ ಇಲ್ಲ.