Don't Miss!
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Lifestyle ಸೌರಮಂಡಲದಲ್ಲಿದೆ 9ನೇ ಗ್ರಹ..! ಯಾವುದದು..? ಎಲ್ಲಿದೆ..?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಟ ವಿಜಯ್ ಮಗ ಸಿನಿಮಾ ಪ್ರವೇಶಿಸಲು ಸಜ್ಜು, ಮೊದಲ ಸಿನಿಮಾ ರೀಮೇಕ್
ಸ್ಟಾರ್ ನಟ ವಿಜಯ್ ಸಿನಿಮಾದಲ್ಲಿ ಮಿರಿ-ಮಿರಿ ಮಿಂಚುತ್ತಿರುವಾಗಲೇ ಅವರ ಪುತ್ರನನ್ನು ಸಿನಿಮಾ ಉದ್ಯಮಕ್ಕೆ ಎಳೆತಂದಿದ್ದಾರೆ. ದಳಪತಿ ವಿಜಯ್ ಪುತ್ರ ನಾಯಕನಾಗಿ ಮಿಂಚಲು ವೇದಿಕೆ ಸಿದ್ಧವಾಗಿದೆ.
ವಿಜಯ್ ಪುತ್ರ ಸಂಜಯ್ ಜಾಸೊನ್ ಸಿನಿಮಾ ಪ್ರವೇಶಿಸುತ್ತಿದ್ದಾರೆ. ಈ ಹಿಂದೆ ಸಿನಿಮಾವೊಂದರಲ್ಲಿ ಅಪ್ಪನೊಂದಿಗೆ ಒಂದು ಹಾಡಿನಲ್ಲಿ ಕಾಣಿಸಿಕೊಂಡಿದ್ದ ಜಾಸನ್ ಈಗ ಪೂರ್ಣ ಪ್ರಮಾಣದ ನಾಯಕನಾಗಿ ತೆರೆಯ ಮೇಲೆ ಬರುತ್ತಿದ್ದಾರೆ.
ವಿಜಯ್ ಮಗನ ಸಿನಿಮಾದ ಮತ್ತೊಂದು ವಿಶೇಷವೆಂದರೆ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿರುವುದು ವಿಜಯ್ ಸ್ನೇಹಿತ, ಖ್ಯಾತ ನಟ ವಿಜಯ್ ಸೇತುಪತಿ.
ತೆಲುಗಿನ ಸಿನಿಮಾದ ರೀಮೇಕ್ ಮೂಲಕ ಎಂಟ್ರಿ
ತೆಲುಗಿನ 'ಉಪ್ಪೆನಾ' ಸಿನಿಮಾದ ರೀಮೇಕ್ ತಮಿಳಿನಲ್ಲಿ ನಿರ್ಮಿಸುತ್ತಿದ್ದೇ, ಇದೇ ವಿಜಯ್ ಮಗನ ಮೊದಲ ಸಿನಿಮಾ ಆಗಲಿದೆ. ಏಪ್ರಿಲ್ ಎರಡರಂದು ಬಿಡುಗಡೆಯಾಗಬೇಕಿದ್ದ 'ಉಪ್ಪೆನಾ' ಚಿತ್ರ ಕೊರೊನಾ ವೈರಸ್ ಲಾಕ್ಡೌನ್ ಕಾರಣದಿಂದ ಇನ್ನೂ ತೆರೆ ಕಾಣಲು ಸಾಧ್ಯವಾಗಿಲ್ಲ.
ಕೆನಡಾದಲ್ಲಿ ಸಿನಿಮಾ ಸಂಬಂಧಿತ ಕೋರ್ಸ್ ಕಲಿಯುತ್ತಿದ್ದಾರೆ
ಜಾಸನ್ ಸಂಜಯ್ ಪ್ರಸ್ತುತ ಕೆನಡಾದಲ್ಲಿ ಸಿನಿಮಾ ಕುರಿತ ಎಬಿಸಿಡಿ ಕಲಿಯುತ್ತಿದ್ದಾರೆ. ಅಲ್ಲಿ ಅವರು ಸಿನಿಮಾ ಸಂಬಂಧಿತ ಕೋರ್ಸ್ ಕಲಿಯುತ್ತಿದ್ದಾರೆ. ಲಾಕ್ಡೌನ್ ಅಂತ್ಯವಾದ ಕೆಲವೇ ದಿನಗಳಲ್ಲಿ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದ್ದು, ಮುಂದಿನ ವರ್ಷ ಸಿನಿಮಾ ಬಿಡುಗಡೆ ಆಗಲಿದೆ.
ಉಪ್ಪೆನ ನಿರ್ದೇಶಿಸಿದ್ದ ಬುಚ್ಚಿ ಬಾಬು ಸನಾ
ತೆಲುಗಿನಲ್ಲಿ 'ಉಪ್ಪೆನ' ಸಿನಿಮಾ ನಿರ್ದೇಶಿಸಿದ್ದ ಬುಚ್ಚಿ ಬಾಬು ಸನಾ ಅವರೇ ತಮಿಳಿನಲ್ಲಿಯೂ ನಿರ್ದೇಶನ ಮಾಡಲಿದ್ದಾರೆ. ಇದು ಅವರ ಎರಡನೇ ಸಿನಿಮಾ ಎನಿಸಿಕೊಳ್ಳಲಿದೆ. ಉಪ್ಪೆನ ಸಿನಿಮಾ ಮರ್ಯಾದೆ ಹತ್ಯೆಯ ಕತೆ ಹೊಂದಿತ್ತು, ತೆಲುಗಿನಲ್ಲಿ ನಟ ವರುಣ್ ತೇಜ ಸಹೋದರ ಪಂಜ ವೈಷ್ಣವ್ ತೇಜ್ ಈ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಕಾಲಿಟ್ಟರು.
ಅಪ್ಪ-ಮಗ ಇಬ್ಬರಿಗೂ ವಿಲನ್!
ವಿಜಯ್ ಸೇತುಪತಿ ಈ ಸಿನಿಮಾದ ನಿರ್ಮಾಣ ಮಾಡುವ ಜೊತೆಗೆ ವಿಲನ್ ಆಗಿ ಅಭಿನಯಿಸಲಿದ್ದಾರೆ. ವಿಜಯ್ ಸೇತುಪತಿ ಪ್ರಸ್ತುತ ಮಾಸ್ಟರ್ ಸಿನಿಮಾದಲ್ಲಿ ವಿಜಯ್ ಗೆ ವಿಲನ್ ಆಗಿದ್ದಾರೆ. ಮಾಸ್ಟರ್ ಸಿನಿಮಾ ಲಾಕ್ಡೌನ್ ನಂತರ ಬಿಡುಗಡೆ ಆಗಲಿದೆ. ಅಪ್ಪ-ಮಗ ಇಬ್ಬರಿಗೂ ವಿಲನ್ ಆಗಲಿದ್ದಾರೆ ವಿಜಯ್ ಸೇತುಪತಿ.