'ಮಾಸ್ಟರ್' ಆಡಿಯೋ ಬಿಡುಗಡೆಯಲ್ಲಿ ತಲಾ ಅಜಿತ್ ಬಗ್ಗೆ ವಿಜಯ್ ಹೇಳಿದ್ದೇನು?

ಅಭಿಮಾನಿಗಳಲ್ಲಿ ಕ್ಷಮೆ ಕೇಳಿದ ವಿಜಯ್

ವಿಜಯ್ ಮಾತು ಪ್ರಾರಂಭಿಸುತ್ತಿದ್ದಂತೆ ವಿಜಯ್ ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿದ್ದಾರೆ. ಈ ಕಾರ್ಯಕ್ರಮವನ್ನು ದೊಡ್ಡ ಮಟ್ಟಕ್ಕೆ ಅಭಿಮಾನಿಗಳ ಮಧ್ಯೆ ಮಾಡಬೇಕೆಂದು ಚಿತ್ರತಂಡ ಪ್ಲಾನ್ ಮಾಡಿತ್ತು. ಆದರೆ ಕೊರೊನಾ ವೈರಸ್ ಹಾವಳಿಯಿಂದ ಕಾರ್ಯಕ್ರಮವನ್ನು ಕಡಿಮೆ ಜನ ಸಂಖ್ಯೆಯ ನಡುವೆ ಮಾಡಲಾಯಿತು ಹಾಗಾಗಿ ವಿಜಯ್ ಕ್ಷಮೆ ಕೇಳಿದ್ದಾರೆ.

ಅಭಿಮಾನಿಗಳು ನನ್ನ ಹೃದಯದಲ್ಲಿ ನೆಲೆಸಿದ್ದಾರೆ

"ನನ್ನ ಪ್ರೀತಿಯ ಅಭಿಮಾನಿಗಳು ನನ್ನ ಹೃದಯದಲ್ಲಿ ನೆಲೆಸಿದ್ದಾರೆ. ನನ್ನ ಅಭಿಮಾನಿಗಳು ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತಿಲ್ಲವೆಂಬ ಬೇಸರವಿದೆ. ನನ್ನ ಕಡೆಯಿಂದ ಕ್ಷಮೆಯಾಚಿಸುತ್ತೇನೆ" ಎಂದು ಹೇಳಿದರು.

ಅಜಿತ್ ಬಗ್ಗೆ ಮಾತನಾಡಿದ ವಿಜಯ್

ಕಾಲಿವುಡ್ ಲನಲ್ಲಿ ನಟ ಅಜಿತ್ ಮತ್ತು ವಿಜಯ್ ಅಭಿಮಾನಿಗಳ ನಡುವೆ ಆಗಾಗ ಕಿತ್ತಾಟ ನಡೆಯುತ್ತಿರುತ್ತೆ. ವಿಜಯ್ ಮತ್ತು ಅಜಿತ್ ಅಭಿಮಾನಿಗಳು ಹಾವು ಮುಂಗುಸಿ ಹಾಗೆ. ಒಮ್ಮೊಮ್ಮೆ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಕಿತ್ತಾಡುತ್ತಿರುತ್ತಾರೆ. ಹೀಗಿರುವಾಗ ವಿಜಯ್ ಆಡಿಯೋ ರಿಲೀಸ್ ನಲ್ಲಿ ಅಜಿತ್ ಬಗ್ಗೆ ಮಾತನಾಡಿ ಅಚ್ಚರಿ ಮೂಡಿಸಿದ್ದಾರೆ.

ಅಜಿತ್ ಹಾಗೆ ಬ್ಲೇಸರ್ ಧರಿಸಿ ಬಂದಿದ್ದೀನಿ

ನಟ ವಿಜಯ್ ಮಾಸ್ಟರ್ ಚಿತ್ರದ ಆಡಿಯೋ ಮತ್ತು ಸಿನಿಮಾದ ಬಗ್ಗೆ ಮಾತನಾಡುತ್ತ ಮಧ್ಯದಲ್ಲಿ ತಲಾ ಅಜಿತ್ ಹೆಸರನ್ನು ಹೇಳುತ್ತಿದ್ದಂತೆ ಕಾರ್ಯಕ್ರಮದಲ್ಲಿ ನೆರೆದಿದ್ದ ಅಭಿಮಾನಿಗಳು ಮತ್ತು ಗಣ್ಯರು ಜೋರಾಗಿ ಚಪ್ಪಾಳೆ ತಟ್ಟುತ್ತಾರೆ. ನಾನು "ಈ ಕಾರ್ಯಕ್ರಮಕ್ಕೆ ನನ್ನ ಸ್ನೇಹಿತ ಅಜಿತ್ ಹಾಗೆ ಬ್ಲೇಸರ್ ಧರಿಸಿ ಬಂದಿದ್ದೀನಿ" ಎಂದು ವಿಜಯ್ ಹೇಳುತ್ತಾರೆ. ವಿಜಯ್ ಯಾಕೆ ತಲಾ ಡ್ರೆಸ್ ಬಗ್ಗೆ ಮಾತನಾಡಿದ್ದಾರೆ ಎನ್ನುವುದು ಸದ್ಯ ಚರ್ಚೆಗೆ ಕಾರಣವಾಗಿದೆ.