ಆರಂಭಕ್ಕೂ ಮುನ್ನವೇ ನಿಂತು ಹೋಯ್ತು ವಿಜಯ್ 66ನೇ ಸಿನಿಮಾ?

ಕೋವಿಡ್ ಮುಗಿದ ಮೇಲೆ ಘೋಷಣೆ?

ವಿಜಯ್-ವಂಶಿ ಪೈದಿಪಲ್ಲಿ ಹಾಗೂ ದಿಲ್ ರಾಜು ಕಾಂಬಿನೇಷನ್‌ನಲ್ಲಿ ಪ್ಲಾನ್ ಮಾಡಲಾಗಿದ್ದ ಪ್ರಾಜೆಕ್ಟ್‌ ಕುರಿತು ಅಧಿಕೃತ ಘೋಷಣೆಗೆ ತಯಾರಿ ನಡೆಸಲಾಗಿತ್ತು. ಕೋವಿಡ್ ಎರಡನೇ ಅಲೆಯ ಪರಿಸ್ಥಿತಿ ನಿಯಂತ್ರಣಕ್ಕೆ ಬಂದು, ಸಹಜ ಸ್ಥಿತಿ ನಿರ್ಮಾಣವಾಗುತ್ತಿದ್ದಂತೆ ಪ್ರಕಟಿಸಲು ನಿರ್ಧರಿಸಿದ್ದರು. ಆದ್ರೀಗ, ಸಿನಿಮಾವೇ ನಿಂತು ಹೋಗಿರುವ ವಿಚಾರ ವರದಿಯಾಗಿದೆ.

ವಂಶಿ ಸ್ಕ್ರಿಪ್ಟ್‌ ಇಷ್ಟ ಆಗಿಲ್ಲ

ತಮಿಳು-ತೆಲುಗು ಭಾಷೆಯಲ್ಲಿ ಸಿದ್ದವಾಗಬೇಕಿರುವ ವಂಶಿ ಪೈದಿಪಲ್ಲಿ ಸ್ಕ್ರಿಪ್ಟ್ ಬಗ್ಗೆ ವಿಜಯ್ ಖುಷಿಯಾಗಿಲ್ಲ. ಈ ಕಥೆ ಇನ್ನು ಆರಂಭಿಕ ಹಂತದಲ್ಲಿದೆ, ಇದನ್ನು ಡೆವಲಪ್ ಮಾಡಬೇಕು ಎಂದು ನಿರ್ಧರಿಸಿ ಸದ್ಯಕ್ಕೆ ಈ ಸಿನಿಮಾ ಮಾಡದಿರಲು ನಿರ್ಧರಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಬೇರೊಬ್ಬ ನಿರ್ದೇಶಕನ ಹುಡುಕಾಟ

ವಂಶಿ ಜೊತೆಗಿನ ಚಿತ್ರವನ್ನು ತಾತ್ಕಾಲಿಕವಾಗಿ ಕೈಬಿಟ್ಟಿರುವ ವಿಜಯ್ ಹೊಸ ಪ್ರಾಜೆಕ್ಟ್ ಹುಡುಕಾಟದಲ್ಲಿದ್ದಾರೆ. ಸಮಯ ವ್ಯರ್ಥ ಮಾಡುವುದು ಬೇಡ ಎಂದು ಚಿಂತಿಸಿ ಬೇರೊಬ್ಬ ನಿರ್ದೇಶಕನ ಜೊತೆ ಸಿನಿಮಾ ಮಾಡಲು ಆಸಕ್ತಿ ತೋರಿದ್ದಾರೆ. ಮತ್ತೊಂದೆಡೆ ನಿರ್ದೇಶಕ ವಂಶಿ ಕಾದು ವಿಜಯ್‌ಗೆ ಸಿನಿಮಾ ಮಾಡ್ತಾರಾ ಅಥವಾ ಬೇರೊಬ್ಬ ನಟನೊಂದಿಗೆ ಮುಂದೆ ಸಾಗ್ತಾರಾ ಕಾದು ನೋಡಬೇಕಿದೆ.

Recommended Video

ಸಂಚಾರಿ ವಿಜಯ್ ಹೆಸರಲ್ಲಿ ದೇವರು ಮೆಚ್ಚುವ ಕೆಲಸ ಮಾಡಿದ ಚಕ್ರವರ್ತಿ ಚಂದ್ರಚೂಡ್ | Filmibeat Kannada

ವಿಜಯ್ 65 ಕುರಿತು

ಸನ್ ಪಿಕ್ಚರ್ಸ್ ಸಂಸ್ಥೆ ಅಡಿಯಲ್ಲಿ ತಯಾರಾಗುತ್ತಿರುವ ವಿಜಯ್ 65ನೇ ಸಿನಿಮಾ ಜಾರ್ಜಿಯಾದಲ್ಲಿ ಮೊದಲ ಹಂತದ ಶೂಟಿಂಗ್ ಮುಗಿಸಿದೆ. ಈಗ ಅನ್‌ಲಾಕ್‌ ಪ್ರಕ್ರಿಯೆ ಆರಂಭವಾಗಿದ್ದು ಮುಂದಿನ ಶೂಟಿಂಗ್‌ಗೆ ಪ್ಲಾನ್ ಮಾಡುತ್ತಿದ್ದಾರೆ. 'ಕೋಲಮಾವು ಕೋಕಿಲಾ' ಖ್ಯಾತಿಯ ನೆಲ್ಸನ್ ದಿಲೀಪ್ ಕುಮಾರ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದು, ಪೂಜಾ ಹೆಗ್ಡೆ ನಾಯಕಿಯಾಗಿದ್ದಾರೆ.