'ಸರಳ ಜೀವಿ' ವಿಜಯ್ ಧರಿಸಿರುವ ಈ ಚಪ್ಪಲಿಯ ಬೆಲೆ ಎಷ್ಟು ಗೊತ್ತೆ?

ವೈರಲ್ ಆಗಿದೆ ವಿಜಯ್ ಚಿತ್ರ

ಇತ್ತೀಚೆಗೆ ನಟ ವಿಜಯ್‌, ಅಂಗವಿಕಲ ಅಭಿಮಾನಿಯೊಬ್ಬನನ್ನು ತನ್ನ ಕೈಯಲ್ಲಿ ಎತ್ತಿಕೊಂಡು ಫೋಟೊಕ್ಕೆ ಫೋಸ್ ನೀಡಿರುವ ಚಿತ್ರವೊಂದು ವೈರಲ್ ಆಗಿದೆ. ಈ ಚಿತ್ರದಲ್ಲಿ ಸಹ ವಿಜಯ್ ಬಹಳ ಸರಳವಾಗಿ ಒಂದು ಸಾಮಾನ್ಯ ಶರ್ಟ್, ಕಪ್ಪು ಬಣ್ಣದ ಪ್ಯಾಂಟು ಕಾಲಿಗೆ ಸಾಮಾನ್ಯ ಎನಿಸುವ ಸ್ಲಿಪ್ಪರ್ ಧರಿಸಿದ್ದಾರೆ. ನೋಡಲು ಬಹಳ ಸಾಮಾನ್ಯದಂತೆ ಕಾಣುವ ಆ ಚಪ್ಪಲಿಯ ಬೆಲೆ ಕಡಿಮೆಯೇನಲ್ಲ.

ವಿಜಯ್ ಧರಿಸಿರುವ ಚಪ್ಪಲಿಯ ಬೆಲೆ ಎಷ್ಟು?

ಸಾಮಾನ್ಯ ವ್ಯಕ್ತಿ ಒಂದು ಜೊತೆ ಚಪ್ಪಲಿಗೆ ಕೊಡಬಹುದಾದ ಹಣವೆಷ್ಟು? 500 ರಿಂದ ಆರಂಭಿಸಿ ಸುಮಾರು 1000 ಅಥವಾ ಇನ್ನೂ ತುಸು ಹಣ ಹೆಚ್ಚಿತ್ತೆಂದರೆ 2000 ವರೆಗೂ ಕೊಡಬಹುದು. ಆದರೆ ವಿಜಯ್ ಧರಿಸಿರುವ ಚಪ್ಪಲಿಯ ಬೆಲೆ ಬರೋಬ್ಬರಿ 6000 ರುಪಾಯಿಗಳು. ವಿಜಯ್ ಧರಿಸಿರುವುವು ಬಿರ್ಕೆನ್ ಸ್ಟಾಕ್ ಹೆಸರಿನ ಬ್ರ್ಯಾಂಡ್‌ನ ಚಪ್ಪಲಿಗಳು, ಭಾರತೀಯರ ಸ್ಟೈಲ್‌ಗೆ ಹೊಂದಿಕೆ ಆಗುವ ಗುಣಮಟ್ಟದ ಚಪ್ಪಲಿಗಳನ್ನು ಈ ಬ್ರ್ಯಾಂಡ್ ತಯಾರಿಸುತ್ತದೆ. ವಿಜಯ್ ಧರಿಸಿರುವ ಚಪ್ಪಲಿಯೆ ಹೆಸರು 'ಮಯಾರಿ ಬಿರ್ಕೊ' ಎಂದು.

ವಿಜಯ್ ಧರಿಸಿರುವ ಶರ್ಟ್-ಪ್ಯಾಂಟ್‌ನ ಬೆಲೆ?

ಅದೇ ಚಿತ್ರದಲ್ಲಿ ವಿಜಯ್ ಧರಿಸಿರುವ ಶರ್ಟ್ ಹಾಗೂ ಪ್ಯಾಂಟಿನ ಬೆಲೆಯೂ ಕಡಿಮೆ ಇಲ್ಲ ಎನ್ನಲಾಗುತ್ತಿದೆ. ವಿಜಯ್ ಧರಿಸಿರುವ ಶರ್ಟ್‌ನ ಅಂದಾಜು ಬೆಲೆ ಸುಮಾರು ಹತ್ತು ಸಾವಿರವು, ಪ್ಯಾಂಟಿನ ಬೆಲೆ ಸುಮಾರು ಹದಿನೈದು ಸಾವಿರವೂ ಇರಬಹುದೆಂಬುದು ಫ್ಯಾಷನ್ ತಜ್ಞರ ಊಹೆ. ಅಸಲಿಗೆ ಈ ಬೆಲೆ ತುಸು ಕಡಿಮೆಯೇ ಬಾಲಿವುಡ್‌ನ ಸಾಧಾರಣ ನಟರೂ ಸಹ ಲಕ್ಷಾಂತರ ಮೌಲ್ಯದ ಉಡುಗೆಗಳನ್ನು ಹಾಕಿ ಪಾಪರಾಟ್ಜಿಗಳಿಗೆ ಫೋಸು ಕೊಡುವಾಗ ವಿಜಯ್ ಹತ್ತು ಸಾವಿರ ಬೆಲೆ ಯ ಶರ್ಟ್‌ ಧರಿಸಿದರೆ ಅದೇನು ಮಹಾ ದೊಡ್ಡದಲ್ಲ ಬಿಡಿ. ಎಷ್ಟು ಬೆಲೆಯ ಉಡುಗೆಯಾದರೂ ಧರಿಸಲಿ ವಿಜಯ್‌ ಸರಳತೆಯನ್ನು ತುಸುವಾದರೂ ಆಚರಿಸುತ್ತಾರೆ, ಮಾನವೀಯ ಗುಣಗಳನ್ನು ಆಗಾಗ್ಗೆ ಪ್ರದರ್ಶಿಸುತ್ತಿರುತ್ತಾರೆ ಎಂಬುದು ಖುಷಿಯ ಸಂಗತಿ.

'ವಾರಿಸು' ಬಿಡುಗಡೆಗೆ ಸಜ್ಜು

ವಿಜಯ್‌ರ ಸಿನಿಮಾಗಳ ವಿಷಯಕ್ಕೆ ಮರಳುವುದಾದರೆ ವಿಜಯ್‌ ನಟನೆಯ ತಮಿಳು ಸಿನಿಮಾ 'ವಾರಿಸು' ಬಹುತೇಕ ಪೂರ್ಣಗೊಂಡಿದ್ದು ಮುಂದಿನ ತಿಂಗಳು ಸಂಕ್ರಾಂತಿಗೆ ಬಿಡುಗಡೆ ಆಗಲಿದೆ. ಸಿನಿಮಾವನ್ನು ತೆಲುಗಿನ ಸ್ಟಾರ್ ನಿರ್ಮಾಪಕ ದಿಲ್ ರಾಜು ನಿರ್ಮಿಸುತ್ತಿದ್ದಾರೆ. ಸಿನಿಮಾವು ತೆಲುಗು-ತಮಿಳಿನಲ್ಲಿ ಏಕಕಾಲಕ್ಕೆ ಬಿಡುಗಡೆ ಆಗಲಿದೆ. ಆ ಸಿನಿಮಾದ ಬಳಿಕ ಲೋಕೇಶ್ ಕನಕರಾಜ್ ನಿರ್ದೇಶನದ ಹೊಸ ಸಿನಿಮಾದಲ್ಲಿ ವಿಜಯ್ ನಟಿಸಲಿದ್ದಾರೆ. ಈ ಸಿನಿಮಾ ವಿಜಯ್ ಅಭಿಮಾನಿಗಳಲ್ಲಿ ಭಾರಿ ಕುತೂಹಲ ಮೂಡಿಸಿದೆ. ಇಂಗ್ಲೀಷ್ ಸಿನಿಮಾದಿಂದ ಸ್ಪೂರ್ತಿ ಪಡೆದ ಸಿನಿಮಾ ಇದು ಎನ್ನಲಾಗುತ್ತಿದೆ.