ಹರ್ಷ ಮಾತು ಕೇಳಿ 'ಕಿಕ್' ಕೊಡಲಿರುವ ಸುದೀಪ್

ಕಿಚ್ಚ ಸುದೀಪ್ ವಿಷ್ಣುವರ್ಧನ್ ಚಿತ್ರದ ನಂತರ ಬಹಳಷ್ಟು ಬ್ಯುಸಿಯಾಗಿದ್ದಾರೆ. ಈಗಷ್ಟೇ ತೆಲುಗು 'ಈಗ'ವನ್ನು ಮುಗಿಸಿರುವ ಸುದೀಪ್, ಸದ್ಯದಲ್ಲೇ ಎ ಹರ್ಷ ನಿರ್ದೇಶನದ, ತೆಲುಗು ಚಿತ್ರ 'ಕಿಕ್' ರೀಮೇಕ್ ಕನ್ನಡದ ಚಿತ್ರದಲ್ಲಿ ನಟಿಸಲಿದ್ದಾರೆ. ತೆಲುಗಿನಲ್ಲಿ ಸೂಪರ್ ಹಿಟ್ ಆಗಿದ್ದ ಕಿಕ್ ಚಿತ್ರವನ್ನು ಕನ್ನಡದಲ್ಲಿ ನಿರ್ಮಿಸಲಿದ್ದಾರೆ ಎನ್ ಕುಮಾರ್.

ದರ್ಶನ್ ಚಿಂಗಾರಿ ಯಶಸ್ವಿ ಚಿತ್ರ ನಿರ್ದೇಶಸಿರುವ ಎ ಹರ್ಷ ಈ ಚಿತ್ರವನ್ನು ಸುದೀಪ್ ನಾಯಕತ್ವದಲ್ಲಿ ನಿರ್ದೇಶಿಸುತ್ತಿರುವುದು ವಿಶೇಷವಾಗಿದೆ. ಆಶ್ಚರ್ಯವೆಂದರೆ ಬಹಳ ಹಿಂದೆ ನಿರ್ಮಾಪಕ ಕುಮಾರ್ ಗೆ ಸುದೀಪ್ ಡೇಟ್ ಕೊಟ್ಟಿದ್ದರಂತೆ. ಇದೀಗ ಕಿಕ್ ರೀಮೇಕ್ ಹಕ್ಕು ಹೊಂದಿರುವ ಕುಮಾರ್, ಸುದೀಪ್ ಅವರನ್ನು ಈ ಚಿತ್ರಕ್ಕೆ ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಚಿಂಗಾರಿ ಚಿತ್ರದ ನಂತರ ಹರ್ಷ, ಖ್ಯಾತ ನಿರ್ದೇಶಕರ ಸಾಲಿಗೆ ಸೇರಿದ್ದಾರೆ. ಇದೀಗ ಸುದೀಪ್ ಅವರಿಗೆ ನಿರ್ದೇಶನ ಮಾಡಲಿರುವ ಹರ್ಷ, ಸದ್ಯದಲ್ಲೇ ಈ ಚಿತ್ರದ ಸ್ಕ್ರಿಪ್ಟ್ ಕೆಲಸ ಪ್ರಾರಂಭಿಸಲಿದ್ದಾರೆ. ಮೇ ಮೊದಲ ವಾರದಲ್ಲಿ ಈ ಹರ್ಷ-ಸುದೀಪ್ ಹೊಸ ಚಿತ್ರ ಸೆಟ್ಟೇರುವ ಸಾಧ್ಯತೆ ಇದೆ. ಮತ್ತೆ ಕನ್ನಡಿಗರು ಸುದೀಪ್ ಕಿಕ್ ನೋಡಬಹುದು. (ಒನ್ ಇಂಡಿಯಾ ಕನ್ನಡ)