Don't Miss!
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- News Annamalai: ಒಂದು ಲಕ್ಷ ಮತದಾರರ ಹೆಸರು ಪಟ್ಟಿಯಿಂದ ಕಾಣೆಯಾಗಿದೆ: ಅಣ್ಣಾಮಲೈ ಆರೋಪ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರಭಾಸ್-ಪೂಜಾ ಹೆಗ್ಡೆಯ ಸುಂದರ ಪ್ರೇಮ ಕಾವ್ಯ!
ನಟ ಪ್ರಭಾಸ್ ಮತ್ತು ಪೂಜಾ ಹೆಗ್ಡೆ ಅಭಿನಯದ ರಾಧೆ ಶ್ಯಾಮ್ ಚಿತ್ರ ಹಲವು ಕಾರಣಕ್ಕೆ ಈಗಾಗಲೇ ಸಾಕಷ್ಟು ನಿರೀಕ್ಷೆಗಳನ್ನು ಮೂಡಿಸಿದೆ. ಚಿತ್ರದ ರಿಲೀಸ್ ಹತ್ತಿರ ಆಗುತ್ತಿದ್ದಂತೆಯೇ ಚಿತ್ರದ ಕುತೂಹಲಕಾರಿ ವಿಚಾರಗಳನ್ನು ಚಿತ್ರ ತಂಡ ಹಂಚಿಕೊಳ್ಳುತ್ತಾ ಇದೆ.
ರಾಧೆ ಶ್ಯಾಮ್ಗಾಗಿ ಕಾಯುತ್ತಿದ್ದವರ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ ಸದ್ಯ ರಿಲೀಸ್ ಆಗಿರುವ ಹಾಡಿನ ಟೀಸರ್. ಈ ಟೀಸರ್ ಸಿನಿಮಾದ ಮೇಲೆ ಮತ್ತು ಪ್ರಭಾಸ್ ಹಾಗು ಪೂಜಾ ಹೆಗ್ಡೆ ಪಾತ್ರದ ಮೇಲೆ ಎಲ್ಲಿಲ್ಲದ ನಿರೀಕ್ಷೆ ಮೂಡಿಸಿದೆ.
ಚಿತ್ರದಲ್ಲಿ ಪ್ರಭಾಸ್ ಹಾಗು ಪೂಜಾ ಹೆಗ್ಡೆ ಹೇಗೆ ಕಾಣಿಸಿಕೊಂಡಿದ್ದಾರೆ ಎನ್ನುವುದಕ್ಕೆ ಈ ಟೀಸರ್ ಮತ್ತೊಂದು ಉದಾಹರಣೆ ಆಗಿದೆ.
ರಾಧೆಗಾಗಿ ಹಾಡಿದ ಶ್ಯಾಮ!
ರಾಧೆಶ್ಯಾಮ್ ಚಿತ್ರ ಒಂದು ಸುಂದರ ಪ್ರೇಮಕಾವ್ಯ ಎನ್ನುವುದು ಈಗಾಲೇ ಗೊತ್ತಾಗಿದೆ. ಈಗಾಗಲೇ ರಿಲೀಸ್ ಆಗಿರುವ ಟೀಸರ್ ಮತ್ತು ಹಾಡುಗಳು ಈ ರಾಧೆ ಶ್ಯಾಮ್ ಇಬ್ಬರ ಪ್ರೇಮ್ ಕಹಾನಿ ಬಗ್ಗೆ ಸಾರಿ ಸಾರಿ ಹೇಳುತ್ತಿವೆ. ಈಗ ಈ ಸಾಲಿಗೆ 'ಆಶಿಕಿ ಆಗಯಿ' ಹಾಡು ಕೂಡ ಸೇರಿಕೊಂಡಿದೆ.
ಸದ್ಯ ಆಶಿಕಿ ಹಾಡಿನ ಸಣ್ಣ ತುಣುಕು ರಿಲೀಸ್ ಆಗಿದೆ. ಈ ಹಾಡಿನಲ್ಲಿ ಕೇವಲ ಎರಡು ದೃಶ್ಯದ ತುಣುಕುಗಳನ್ನು ಮಾತ್ರ ಸೇರಿಸಿದೆ ಚಿತ್ರ ತಂಡ. ಮೊದಲನೆಯದಾಗಿ ನಟಿ ಪೂಜಾ ಹೆಗ್ಡೆ ರೈಲಿನಿಂದ ಇಳಿಯುವುದು, ಆಕೆಗಾಗಿ ನಟ ಪ್ರಭಾಸ್ ಬೈಕ್ ಬಳಿ ಕಾದಿರುವುದು. ನಂತರ ಬೀಚ್ ಬಳಿಯಲ್ಲಿ ಇರುವ ದೃಶ್ಯಗಳನ್ನು ಮಾತ್ರ ಟೀಸರ್ನಲ್ಲಿ ಬಿಟ್ಟು ಕೊಡಲಾಗಿದೆ. ಜೊತೆಗೆ 'ಏ ಹಮೇ ಆಶಿಕೀ... ಆಗಯಿ..' ಎನ್ನುವ ಒಂದೇ ಒಂದು ಸಾಲಿನ ಸಾಹಿತ್ಯ ಮಾತ್ರ ಇದೆ.
36 ಸೆಕೆಂಡಿನ ಟೀಸರ್ನಲ್ಲಿ ರಾಧೆ ಶ್ಯಾಮನ ಪ್ರೇಮ ಕಾವ್ಯ!
ಕೇವಲ 36 ಸೆಕೆಂಡಿನ ಈ ಟೀಸರ್ನಲ್ಲಿ ರಾಧೆ ಶ್ಯಾಮನ ಪ್ರೇಮ ಕಾವ್ಯ ಅನಾವರಣಗೊಂಡಿದೆ. ಈ ಚಿತ್ರ ಸಂಪೂರ್ಣವಾಗಿ ಒಂದು ಮ್ಯೂಜಿಕಲ್ ಪ್ರೇಮ್ ಕಹಾನಿ. ಹಾಗಾಗಿ ಚಿತ್ರದ ಸಾಲು ಸಾಲು ಹಾಡುಗಳು ರಿಲೀಸ್ ಆಗುತ್ತಿವೆ. ಇದೀಗ ರಿಲೀಸ್ ಆಗಿರುವ ಆಶಿಕಿ ಹಾಡಿನ ಟೀಸರ್ ಕೂಡ ಹೆಚ್ಚಿನ ಗಮನ ಸೆಳೆದಿದೆ.
ಸಾಲು ಸಾಲು ಅಪ್ಡೇಟ್ ಕೊಡುತ್ತಿರುವ ರಾಧೆಶ್ಯಾಮ್!
ರಾಧೆ ಶ್ಯಾಮ್ ಚಿತ್ರದ ಅಪ್ಡೇಟ್ಗಾಗಿ ಪ್ರಭಾಸ್ ಅಭಿಮಾನಿಗಳು ಮತ್ತು ಪ್ರೇಕ್ಷಕರು ಕಾಯುತ್ತಿದ್ದರು. ಪ್ರಭಾಸ್ ಹುಟ್ಟು ಹಬ್ಬಕ್ಕೆ ಒಂದು ಟೀಸರ್ ಮಾತ್ರ ರಿಲೀಸ್ ಆಗಿತ್ತು. ಆದರೆ ಅದು ಪ್ರಭಾಸ್ ಅಭಿಮಾನಿಗಳಿಗೆ ಸಾಕಾಗಿಲ್ಲ. ಹಾಗಾಗಿ ಟ್ರೇಲರ್ ಅಥವಾ ಹಾಡು ರಿಲೀಸ್ಗಾಗಿ ಪ್ರಭಾಸ್ ಅಭಿಮಾನಿಗಳು ಕಾಯುತ್ತಾ ಇದ್ದರು. ಈಗ ಚಿತ್ರ ತಂಡ ಚಿತ್ರದ ಸಾಲು ಸಾಲು ಹಾಡುಗಳನ್ನು ರಿಲೀಸ್ ಮಾಡಲು ಸಿದ್ಧವಾಗಿದೆ.
ಡಿಸೆಂಬರ್ 1ರಂದು ಆಶಿಕಿ ಪೂರ್ತಿ ಹಾಡು ರಿಲೀಸ್!
2022 ಜನವರಿ 14ಕ್ಕೆ ರಾಧೆ ಶ್ಯಾಮ್ ಚಿತ್ರದ ರಿಲೀಸ್ ದಿನಾಂಕ ನಿಗದಿ ಆಗಿದೆ. ಆದರೆ ಅದನ್ನೂ ಮುನ್ನ ಚಿತ್ರದ ಹಲವು ಕಂಟೆಂಟ್ಗಳ ಮೂಲಕ ನಿರೀಕ್ಷೆ ದುಪ್ಪಟ್ಟ ಮಾಡುವ ಯೋಜನೆಯಲ್ಲಿದೆ ಚಿತ್ರ ತಂಡ. ಅಂತೆಯೇ ಸದ್ಯ ರಿಲೀಸ್ ಆಗಿರುವ ಚಿತ್ರದ ಹಾಡಿನ ಟೀಸರ್ಗೆ ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ಈ ಡಿಸೆಂಬರ್ 1ರಂದು ತೆರೆಗೆ ಬರಲಿದೆ. ಟೀಸರ್ ನೋಡಿದರವರು ಪೂರ್ತಿ ಹಾಡು ನೋಡಲು ಕಾಯುತ್ತಲಿದ್ದಾರೆ.