'ಆಚಾರ್ಯ' 2ನೇ ದಿನದ ಬಾಕ್ಸಾಫೀಸ್ ರಿಪೋರ್ಟ್: ಚಿರಂಜೀವಿಗೆ ಸೋಲಿನ ಸೂಚನೆ!

ಆಚಾರ್ಯ ಎಡರನೆ ದಿನದ ಕಲೆಕ್ಷನ್ ರಿಪೋರ್ಟ್!

'ಆಚಾರ್ಯ' ಚಿತ್ರಕ್ಕೆ ಒಟ್ಟು 132 ಕೋಟಿ ರೂ. ಬಂಡವಾಳ ಹೂಡಲಾಗಿದೆ. ಆರಂಭದ ಎರಡು ದಿನದ ಕಲೆಕ್ಷನ್ ಗಮನಿಸಿದರೆ ಹಾಕಿದ ಬಂಡವಾಳ ಹಿಂಪಡೆಯಲು ಹೆಚ್ಚು ಸಮಯ ಬೇಕಾಗುವ ಸಾಧ್ಯತೆ ಇದೆ. ದಿನ ಗಳೆದಂತೆ ಸಿನಿಮಾಗಳ ಕಲೆಕ್ಷನ್ ಕಡಿಮೆ ಆಗುವುದು ಸಾಮಾನ್ಯ ಹಾಗಾಗಿ 'ಆಚಾರ್ಯ' ಫ್ಲಾಪ್ ಸಿನಿಮಾ ಎನಿಸಿಕೊಳ್ಳುವ ಸಾಧ್ಯತೆಯೂ ಇದೆ. ವಾರಂತ್ಯದಲ್ಲಿ ಸಿನಿಮಾ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರನ್ನು ಸೆಳೆಯಲು ವಿಫಲವಾದರೆ ಸಿನಿಮಾಕ್ಕೆ ಹಾಕಿದ ಬಂಡವಾಳವೂ ಬರದೆ ಆಗಬಹುದು.

ಕೊರಟಾಲ ಶಿವ ನಿರ್ದೇಶನಕ್ಕೆ ಕಳಂಕ!

'ಆಚಾರ್ಯ' ಕೊರಟಾಲ ಶಿವ ನಿರ್ದೇಶನದ ಆ್ಯಕ್ಷನ್ ಚಿತ್ರ ಇದು. ರಾಮ್ ಚರಣ್ ತೇಜ ಮತ್ತು ಚಿರಂಜೀವಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಪೂಜಾ ಹೆಗ್ಡೆ, ಸೋನು ಸೂದ್ ಮತ್ತು ಇತರರು ಇದ್ದಾರೆ. ಚಿತ್ರವನ್ನು ಅದ್ಧೂರಿ ಬಜೆಟ್‌ನಲ್ಲಿ ದೊಡ್ಡ, ದೊಡ್ಡ ಕಲಾವಿದರನ್ನು ಇಟ್ಟುಕೊಂಡು ಮಾಡಲಾಗಿದೆ. ಆದರೆ ಚಿತ್ರ ಪ್ರೇಕ್ಷಕರ ನಿರೀಕ್ಷೆಯನ್ನು ಮುಟ್ಟುವಲ್ಲಿ ಎಡವಿದೆ.

ಆಚಾರ್ಯ ಚಿತ್ರಕ್ಕೆ ನೀರಸ ಪ್ರತಿಕ್ರಿಯೆ!

'ಆಚಾರ್ಯ'ನ ಪಾತ್ರದಲ್ಲಿ ಚಿರಂಜೀವಿ ನಟಿಸಿದ್ದಾರೆ. 'ಸಿದ್ಧ'ನ ಪಾತ್ರದಲ್ಲಿ ರಾಮ್‌ ಚರಣ್ ತೇಜ ಅಬ್ಬರಿಸಿದ್ದಾರೆ.ಧರ್ಮಸ್ಥಲಿ ಊರನ್ನು ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಚಿರಂಜೀವಿ ಮತ್ತು ರಾಮ್ ಚರಣ್ ಪಾತ್ರಗಳು ಹೋರಾಡುತ್ತವೆ, ಇಡೀ ಚಿತ್ರದಲ್ಲಿ ಚಿರಂಜೀವಿ ಸ್ಟೈಲ್ ಮತ್ತು ಅಪ್ಪ ಮಗನ ಡ್ಯಾನ್ಸ್ ಮಾತ್ರ ಎಂಜಾಯ್ ಮಾಡಬಹುದು.

ಚಿರಂಜೀವಿ ಫ್ಯಾನ್ಸ್‌ಗೆ ಅಸಮಾಧಾನ!

'ಆಚಾರ್ಯ' ಚಿತ್ರ ಮೆಗಾ ಫ್ಯಾಮಿಲಿ ಫ್ಯಾನ್ಸ್‌ಗೂ ಕೂಡ ಅಸಮಾಧಾನ ತಂದಿದೆ. 'ಆಚಾರ್ಯ' ವಿಶ್ವದಾದ್ಯಂತ 2,000 ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ ನಾಲ್ಕು ದಿನಗಳ ಹಿಂದೆಯೇ ಚಿತ್ರದ ಬುಕ್ಕಿಂಗ್ ಶುರುವಾಗಿದೆ. ಅದರೂ ಚಿತ್ರದ ಬುಕ್ಕಿಂಗ್ ಬಗ್ಗೆಯೂ ಜನ ಹೆಚ್ಚಿನ ಆಸಕ್ತಿ ತೋರಿಲ್ಲ.