ಅನುಷ್ಕಾ ಶೆಟ್ಟಿ ಜೊತೆ ನಟ ನಾಗಾರ್ಜುನ್ ಡೇಟಿಂಗ್ ವದಂತಿ: ಸ್ಟಾರ್ ನಟ ಹೇಳಿದ್ದೇನು?

3 ನಟಿಯರ ಜೊತೆ ನಾಗಾರ್ಜುನ್ ಹೆಸರು ಲಿಂಕ್ ಅಪ್

ಒಂದು ಕಾಲದಲ್ಲಿ ನಾಗಾರ್ಜುನ್ ಹೆಸರು ಖ್ಯಾತ ನಟಿಯರ ಜೊತೆ ಕೇಳಿಬರುತ್ತಿತ್ತು. ಚಾರ್ಮಿ ಕೌರ್, ಟಬು ಮತ್ತು ಅನುಷ್ಕಾ ಶೆಟ್ಟಿ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗಿತ್ತು. ಡೇಟಿಂಗ್ ವದಂತಿ ಬಗ್ಗೆ ನಟ ನಾಗಾರ್ಜುನ್ ಸಂದರ್ಶನವೊಂದರಲ್ಲಿ ಪ್ರತಿಕ್ರಿಯೆ ನೀಡಿದ್ದರು.

ಚಾರ್ಮಿ ಕೌರ್ ಬಗ್ಗೆ ನಾಗಾರ್ಜುನ್ ಹೇಳಿದ್ದೇನು?

2017ರಲ್ಲಿ ನಾಗಾರ್ಜುನ್ ಸಂದರ್ಶನವೊಂದರಲ್ಲಿ ಮಾತನಾಡಿ, "ನಾನು ಈ ಸುದ್ದಿ ತುಂಬಾ ನಕ್ಕಿದ್ದೇನೆ. ಚಾರ್ಮಿ ಅವಳು ತುಂಬಾ ಚಿಕ್ಕವಳು. ಮೂರು ನಟಿಯರ ಜೊತೆ ನನ್ನ ಹೆಸರು ಕೇಳಿ ಬರುತ್ತಿದೆ. ಚಾರ್ಮಿ, ಪೂನಮ್ ಕೌರ್ ಮತ್ತು ಅನುಷ್ಕಾ ಶೆಟ್ಟಿ. ಇವರೆಲ್ಲರೂ ಪ್ರಾರಂಭದಲ್ಲಿ ನನ್ನ ಜೊತೆ ಸಿನಿಮಾ ಮಾಡಿದವರು. ಎಂದು ಹೇಳಿದ್ದಾರೆ.

ನನ್ನ ಜೀವನದಲ್ಲಿ ಈ 2 ದಿನಗಳನ್ನು ಮರೆಯಲು ಸಾಧ್ಯವಿಲ್ಲ: ನಟ ನಾಗಾರ್ಜುನ

ಅನುಷ್ಕಾ ನಮ್ಮ ಕುಟುಂಬದ ಒಂದು ಭಾಗವಾಗಿದ್ದಾರೆ

ಅನುಷ್ಕಾ ಶೆಟ್ಟಿ ಬಗ್ಗೆ ಮಾತನಾಡಿದ ನಾಗಾರ್ಜುನ್, ಅನುಷ್ಕಾ ಶೆಟ್ಟಿ ನಮ್ಮ ಕುಟುಂಬಕ್ಕೆ ತುಂಬಾ ಹತ್ತಿರದವರು. ನಮ್ಮ ಕುಟುಂಬದ ಭಾಗವಾಗಿದ್ದಾರೆ. ನನ್ನ ಪೋಷಕರು ಅವಳನ್ನು ತುಂಬಾ ಇಷ್ಟ ಪಡುತ್ತಾರೆ. ಅವಳು ತುಂಬಾ ಒಳ್ಳೆಯ ಹುಡುಗಿ. ಎಂದಿದ್ದಾರೆ. ಚಾರ್ಮಿ ಕೌರ್ ನನ್ನನ್ನು 'ಮನಿ' ಎಂದು ಕರೆಯುತ್ತಾರೆ. ಯಾಕೆಂದರೆ ಅವಳು ಪಡೆದ ಮೊದಲ ದೊಡ್ಡ ಸಂಭಾವನೆಯನ್ನು ನಾನು ನೀಡಿದ್ದೇನೆ ಎಂದಿದ್ದಾರೆ.

ಸೊಸೆ ಸಮಂತಾಗೆ ಮಾವ ನಾಗಾರ್ಜುನ ನೀಡಿದ ಉಡುಗೊರೆ ಇದೆ

ತೀರಾ ಅಸಮಾಧಾನವುಂಟು ಮಾಡಿದ ಸಂಗತಿ ಇದು

ಇದ್ಯಾವುದಕ್ಕು ಹೆಚ್ಚು ತಲೆಕೆಡಿಸಿಕೊಳ್ಳದ ನಾಗಾರ್ಜುನ್, ಅನುಷ್ಕಾ ಶೆಟ್ಟಿ ವಿಚಾರದಲ್ಲಿ ಹರಿದಾಡಿದ್ದ ವದಂತಿ ಬಗ್ಗೆ ತುಂಬಾ ನೋವುತಂದಿತ್ತಂತೆ. ಅನುಷ್ಕಾ ಮತ್ತು ನನ್ನ ಬಗ್ಗೆ ಗಾಳಿಸುದ್ದಿ ಹಬ್ಬಿಸುತ್ತಾರೆ. ನಂತರ ಅನುಷ್ಕಾ ಮತ್ತು ನನ್ನ ಮಗನ ಬಗ್ಗೆ ಬರೆಯುತ್ತಾರೆ. ಇದು ಅಸಹ್ಯಕರವಾದ ಸಂಗತಿ. ಇದು ನನಗೆ ತೀವ್ರ ಅಸಮಾಧಾನವುಂಟು ಮಾಡಿತ್ತು ಎಂದು ನಾಗಾರ್ಜುನ್ ಹೇಳಿದ್ದಾರೆ.

10ಕ್ಕು ಹೆಚ್ಚು ಸಿನಿಮಾಗಳಲ್ಲಿ ಅನುಷ್ಕಾ-ನಾಗಾರ್ಜುನ್ ಅಭಿನಯ

ನಾಗಾರ್ಜುನ್ ಮತ್ತು ಅನುಷ್ಕಾ ಶೆಟ್ಟಿ ಇಬ್ಬರು ಸಾಕಷ್ಟು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಸುಮಾರು 10ಕ್ಕು ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಸೂಪರ್, ಡಾನ್, ರಗಡ, ತಾಂಡವಂ, ಓಂ ನಮೋ, ಕೇಡಿ ಮುಂತಾದ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಇಬ್ಬರು 10ಕ್ಕು ಹೆಚ್ಚು ಸಿನಿಮಾಗಳಲ್ಲಿ ನಟಿಸುತ್ತಿದ್ದಂತೆ ಇಬ್ಬರ ನಡುವೆ ಗಾಸಿಪ್ ಕೂಡ ಹೆಚ್ಚಾಗಿತ್ತು. ಬಳಿಕ ಇಬ್ಬರು ಒಟ್ಟಿಗೆ ಸಿನಿಮಾ ಮಾಡುವುದನ್ನು ನಿಲ್ಲಿಸಿದರು.