ನಟ ನಿಖಿಲ್ ಗೆ ಹನಿಮೂನ್ ಹೋಗುವಷ್ಟು ಸಮಯ ಇಲ್ಲವಂತೆ

ಕಾರ್ತಿಕೇಯ-2 ನಲ್ಲಿ ನಿಖಿಲ್ ಬ್ಯುಸಿ

ನಿಖಿಲ್ ಮತ್ತು ಪಲ್ಲವಿ ಏಪ್ರಿಲ್ ನಲ್ಲಿ ಹಸೆಮಣೆ ಏರಲು ಎಲ್ಲಾ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಮದುವೆ ಬಗ್ಗೆ ಮಾತನಾಡಿದ ನಿಖಿಲ್ "ನನ್ನ ಗಮನ ಈಗೇನಿದ್ದರು ಸಿನಿಮಾದತ್ತ ಮಾತ್ರ. ಕಾರ್ತಿಕೇಯ-2 ಸಿನಿಮಾ ರಿಲೀಸ್ ಗೆ ಸಿದ್ಧವಾಗುತ್ತಿದೆ. ದಸರಾಗೆ ಸಿನಿಮಾ ರಿಲೀಸ್ ಮಾಡಬೇಕು. ಹಾಗಾಗಿ ಸಾಕಷ್ಟು ಬ್ಯುಸಿಯಾಗಿದ್ದೀನಿ" ಎಂದಿದ್ದಾರೆ.

ಹನಿಮೂನ್ ಗೆ ಹೋಗಲು ಸಮಯವಿಲ್ಲ

ಮದುವೆ ತಯಾರಿಯ ಜೊತೆಗೆ ಸಿನಿಮಾದಲ್ಲೂ ಬ್ಯುಸಿಯಾಗಿರುವ ನಿಖಿಲ್ ಮದುವೆ ನಂತರ ಹನಿಮೂನ್ ಪ್ಲಾನ್ ಅನ್ನು ರದ್ದು ಮಾಡಿದ್ದಾರಂತೆ. "ಸಿನಿಮಾ ಮೊದಲು, ಸಿನಿಮಾ ಕೆಲಸಗಳು ಮುಗಿದ ಬಳಿಕ ಹನಿಮೂನ್ ಪ್ಲಾನ್ ಮಾಡಬೇಕು. ಮದುವೆಗಾಗಿ ಹೆಚ್ಚು ರಜೆ ತೆಗೆದುಕೊಂಡಿಲ್ಲ" ಎಂದು ಹೇಳಿದ್ದಾರೆ.

ಏಪ್ರಿಲ್ 16ಕ್ಕೆ ಮದುವೆ

ನಿಖಿಲ್ ಸಿದ್ಧಾರ್ಥ ಮತ್ತು ಪಲ್ಲವಿ ವರ್ಮಾ ಮದುವೆ ಏಪ್ರಿಲ್ 16ಕ್ಕೆ ನಡೆಯಲಿದೆ. ಹೈದರಾಬಾದ್ ನಲ್ಲಿ ಮದುವೆ ನಡೆಯಲಿದ್ದು. ಈಗಾಗಲೆ ಮದುವೆ ಸಿದ್ಧತೆ ಜೋರಾಗಿ ನಡೆಯುತ್ತಿದೆ. ಕುಟುಂಬದವರು ಮತ್ತು ಆಪ್ತರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ನಿಖಿಲ್ ಪಲ್ಲವಿ ಮದುವೆ ಅದ್ದೂರಿಯಾಗಿ ನಡೆಯಲಿದೆಯಂತೆ.

'ಕಿರಿಕ್ ಪಾರ್ಟಿ'ಯಲ್ಲಿ ಅಭಿನಯಿಸಿದ್ದ ನಿಖಿಲ್

ನಿಖಿಲ್ ಸಿದ್ದಾರ್ಥ್ ಕನ್ನಡದ ಸೂಪರ್ ಹಿಟ್ ಕಿರಿಕ್ ಪಾರ್ಟಿ ಸಿನಿಮಾದ ತೆಲುಗು ರಿಮೇಕ್ ನಲ್ಲಿ ನಾಯಕನಾಗಿ ಕಾಣಿಸಿಕೊಂಡಿದ್ದರು. ತೆಲುಗಿನಲ್ಲಿ ಹ್ಯಾಪಿಡೇಸ್, ಸ್ವಾಮಿ ರಾ ರಾ, ಸೂರ್ಯ ವರ್ಸಸ್ ಸೂರ್ಯ, ಕಾರ್ಕಿಕೇಯ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದರು. ಈಗ ಕಾರ್ತಿಕೇಯ ಪಾರ್ಟ್-2ನಲ್ಲಿ ಬ್ಯುಸಿಯಾಗಿದ್ದಾರೆ.