ದಿಶಾ ಪಟಾನಿ ನಂತರ ಅಲ್ಲು ಡ್ಯಾನ್ ಗೆ ಫಿದಾ ಆದ ಮತ್ತೋರ್ವ ಬಾಲಿವುಡ್ ಸ್ಟಾರ್ ನಟ

ಸ್ಟೈಲಿಶ್ ಸ್ಟಾರ್ ನೃತ್ಯಕ್ಕೆ ಶಾಹಿದ್ ಕಪೂರ್ ಫಿದಾ

ಬಾಲಿವುಡ್ ನಟ ಸ್ಟಾರ್ ನಟ ಶಾಹಿದ್ ಕಪೂರ್ ಅಲ್ಲು ಅರ್ಜುನ್ ನೃತ್ಯಕ್ಕೆ ಅಭಿಮಾನಿಯಾಗಿದ್ದಾರೆ. ದಕ್ಷಿಣ ಭಾರತ ಸೂಪರ್ ಹಿಟ್ ಸಿನಿಮಾಗಳಾದ ಅರ್ಜುನ್ ರೆಡ್ಡಿ, ಜರ್ಸಿ ಸಿನಿಮಾಗಳನ್ನು ಬಾಲಿವುಡ್ ನಲ್ಲಿ ರಿಮೇಕ್ ಮಾಡುತ್ತಿರುವ ಶಾಹಿದ್, ಇತ್ತೀಚಿಗೆ ಅಲ್ಲು ಅರ್ಜುನ್ ಬಗ್ಗೆ ಮಾತನಾಡಿದ್ದಾರೆ.

ನೆಟ್ಟಿಗರ ಪ್ರಶ್ನೆಗೆ ಶಾಹಿದ್ ಉತ್ತರ

ನೆಟ್ಟಿಗರ ಪ್ರಶ್ನೆಗೆ ಬಾಲಿವುಡ್ ನಟ ಶಾಹಿದ್ ಕಪೂರ್ ಟ್ವಿಟ್ಟರ್ ನಲ್ಲಿ ಉತ್ತರ ನೀಡಿದ್ದಾರೆ. ಇತ್ತೀಚಿಗೆ ಅಭಿಮಾನಿಗಳ ಪ್ರಶ್ನೆಗೆ ಉತ್ತರ ನೀಡುವ 'ಆಸ್ಕ್ ಎನಿಥಿಂಗ್ ಮಿ' ಸೆಶನ್ ನಲ್ಲಿ ನೆಟ್ಟಿಗರು ಶಾಹಿದ್ ಗೆ ಅಲ್ಲು ಅರ್ಜುನ್ ಬಗ್ಗೆ ಹೇಳಿ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿದ ಶಾಹಿದ್, "ಅಲ್ಲು ಅರ್ಜುನ್ ನೃತ್ಯ ನನಗೆ ತುಂಬ ಇಷ್ಟ" ಎಂದು ಹೇಳಿದ್ದಾರೆ.

ಅಲ್ಲು ನೃತ್ಯಕ್ಕೆ ದಿಶಾ ಫಿದಾ

ಅಲಾ ವೈಕುಂಠಪುರಂಲೋ ಸಿನಿಮಾದ 'ಬುಟ್ಟ ಬೊಮ್ಮ...' ಹಾಡಿನ ಸ್ಟೈಲಿಶ್ ಸ್ಟಾರ್ ಸಖತ್ ಸ್ಟೆಪ್ ಗೆ ದಿಶಾ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಹಾಡಿನ ವಿಡಿಯೋ ಕ್ಲಿಪ್ ಶೇರ್ ಮಾಡಿ "ಹೇಗೆ ಡ್ಯಾನ್ಸ್ ಮಾಡುತ್ತೀರಿ ಅಲ್ಲು ಅರ್ಜುನ್" ಎಂದು ಪ್ರಶ್ನಿಸಿದ್ದರು.

ದಿಶಾಗೆ ಪ್ರತಿಕ್ರಿಯೆ ನೀಡಿದ್ದ ಅಲ್ಲು

ದಿಶಾ ಪಟಾನಿ ದಕ್ಷಿಣ ಭಾರತೀಯ ನಟನ ನೃತ್ಯಕ್ಕೆ ಮನಸೋತಿರುವುದು ಅಲ್ಲು ಅಭಿಮಾನಿಗಳಿಗೆ ಸಂತಸ ಮೂಡಿಸಿದೆ. ದಿಶಾ ಪ್ರಶ್ನೆಗೆ ಉತ್ತರಿಸಿದ್ದ ಅಲ್ಲು "ನನಗೆ ಸಂಗೀತ ತುಂಬಾ ಇಷ್ಟ. ಉತ್ತಮ ಸಂಗೀತ ನೃತ್ಯ ಮಾಡಿಸುತ್ತೆ. ನೀವು ಇಷ್ಟ ಪಟ್ಟಿದ್ದಕ್ಕೆ ಧನ್ಯವಾದಗಳು" ಎಂದು ಅಲ್ಲು ಅರ್ಜುನ್ ಪ್ರತಿಕ್ರಿಯೆ ನೀಡಿದ್ದರು.