ನಟಿ ಕೀರ್ತಿ ಸುರೇಶ್ ದೇಹಾಕಾರ ಮತ್ತು ಬಿಕಿನಿ ಕಹಾನಿ

ಬಿಕಿನಿ ಧರಿಸಲು ಸಣ್ಣಗಾಗುತ್ತಿದ್ದಾರೆಯೇ ಕೀರ್ತಿ

ಕೀರ್ತಿ ಸುರೇಶ್ ಅವರು ದೊಡ್ಡ ನಟನೊಬ್ಬನ ಸಿನಿಮಾದಲ್ಲಿ ಗ್ಲಾಮರಸ್ ಪಾತ್ರ ಮಾಡುತ್ತಿದ್ದು, ಸಿನಿಮಾದಲ್ಲಿ ಬಿಕಿನಿ ಧರಿಸುವ ದೃಶ್ಯವಿದ್ದು, ಹಾಗಾಗಿಯೇ ಕೀರ್ತಿ ಸುರೇಶ್ ಸಣ್ಣ ಆಗುತ್ತಿದ್ದಾರೆ ಎಂಬ ಗಾಳಿ ಸುದ್ದಿ ದಟ್ಟವಾಗಿಯೇ ಹರಿದಾಡಿತ್ತು.

ಸುತಾರಾಂ ನಿರಾಕರಿಸಿದ ಕೀರ್ತಿ

ಆದರೆ ಬಿಕಿನಿ ಧರಿಸುವ ಸುದ್ದಿಯನ್ನು ಸುತಾರಾಂ ನಿರಾಕರಿಸಿರುವ ಕೀರ್ತಿ ಸುರೇಶ್. ಯಾವುದೇ ಕಾರಣಕ್ಕೂ ಸಿನಿಮಾದಲ್ಲಿ ಬಿಕಿನಿ ಧರಿಸುವುದಿಲ್ಲ ಎಂದಿದ್ದಾರೆ. ಗಾಳಿ ಸುದ್ದಿ ಹರಡಿರುವವರ ಬಗ್ಗೆ ಸಿಟ್ಟಾಗಿಯೇ ಕೀರ್ತಿ ಸುರೇಶ್ ಪ್ರತಿಕ್ರಿಯಿಸಿದ್ದಾರೆ.

'ದೇಹತೂಕ ಇಳಿಸಿಕೊಳ್ಳುವುದು ವೈಯಕ್ತಿಕ ನಿರ್ಧಾರ'

ದೇಹತೂಕ ಇಳಿಸಿಕೊಳ್ಳುವುದು ವೈಯಕ್ತಿಕ ನಿರ್ಣಯವಾಗಿತ್ತು, ಸತತ ಒಂದು ವರ್ಷ ಕಷ್ಟಪಟ್ಟು ದೇಹತೂಕ ಇಳಿಸಿಕೊಂಡಿದ್ದೇನೆ. ಇದಕ್ಕೂ ಸಿನಿಮಾಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ಕೀರ್ತಿ ಸುರೇಶ್ ಹೇಳಿದ್ದಾರೆ.

ಸಿನಿಮಾದಿಂದ ಹಿಂದೆ ಸರಿದಿದ್ದರು ಕೀರ್ತಿ

ಹಿಂದೊಮ್ಮೆ ಸಿನಿಮಾದಲ್ಲಿ ನಿರ್ಮಾಪಕರು ಬಿಕಿನಿ ಧರಿಸಲು ಹೇಳಿದ್ದರು. ಆದರೆ ನನಗೆ ಸರಿಬರಲಿಲ್ಲವಾದ್ದರಿಂದ ಆ ಸಿನಿಮಾದಿಂದಲೇ ಹಿಂದೆ ಸರಿಯುವ ನಿರ್ಣಯ ತಳೆದಿದ್ದೆ ಎಂದು ಕೀರ್ತಿ ಸುರೇಶ್ ಹೇಳಿದರು.