ಹಾದಿ ಬದಲಿಸಿದ 'ಉಪ್ಪೆನ' ಬೇಬಮ್ಮ: ಸದ್ದು ಮಾಡುತ್ತಿದೆ ಕೃತಿ ಶೆಟ್ಟಿ ಮುತ್ತಿನ ದೃಶ್ಯ!

ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡ ಕೃತಿ ಶೆಟ್ಟಿ!

ದೊಡ್ಡ ತಾರ ಬಳಗ ಹೊಂದಿರುವ 'ಶ್ಯಾಮ್‌ ಸಿಂಗ ರಾಯ್‌' ಚಿತ್ರದಲ್ಲಿ ನಟ ನಾನಿಗೆ ಕೃತಿ ಶೆಟ್ಟಿ ಜೊತೆಯಾಗಿದ್ದಾರೆ. ಸದ್ಯ ಚಿತ್ರದ ಟೀಸರ್‌ ರಿಲೀಸ್‌ ಆಗಿದೆ. ಈ ಟೀಸರ್‌ನಲ್ಲಿ ಹೆಚ್ಚಾಗಿ ಗಮನ ಸೆಳೆದಿರುವುದು ಕೃತಿ ಶೆಟ್ಟಿ ಮುತ್ತಿನ ಸೀನ್. ಹಾಗಂತಾ ಈ ಮುತ್ತಿದ ದೃಶ್ಯ ಕೆಟ್ಟದಾಗಿ ಏನು ಇಲ್ಲ. ಆದರೂ ನಟಿ ಕೃತಿ ಇಲ್ಲಿ ಕೊಂಚ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ಕೃತಿ ಗ್ಲ್ಯಾಮ್‌ ಪಾತ್ರಗಳಲ್ಲಿ ಅಭಿನಯಿಸೋಕೆ ಹೆಜ್ಜೆ ಇಟ್ಟಿದ್ದಾರೆ.

ಈ ಮುತ್ತಿನ ದೃಶ್ಯ ಈಗ ಟಾಲಿವುಡ್‌ನಲ್ಲಿ ಬಿಸಿ ಬಿಸಿ ಸುದ್ದಿ ಆಗಿದೆ. ಇದಕ್ಕೆ ಕಾರಣ ಕೃತಿ ಶೆಟ್ಟಿ ಈ ಹಿಂದೆ ನೀಡಿದ್ದ ಹೇಳಿಕೆ.

ಪರದೆಯ ಹಾಟ್‌ ರೊಮ್ಯಾನ್ಸ್‌ಗೆ ಮಣೆ ಹಾಕುವುದಿಲ್ಲ ಎಂದಿದ್ದ ಕೃತಿ ಶೆಟ್ಟಿ!

'ಉಪ್ಪೆನ' ಚಿತ್ರ ಬಿಡುಗಡೆಯಾದಾಗ ಬೆಂಗಳೂರು ಮೂಲದ ಚೆಲುವೆ ಕೃತಿ ಶೆಟ್ಟಿ, ತೆಲುಗು ಚಿತ್ರರಂಗದಲ್ಲಿ ಚರ್ಚೆಗೆ ಗ್ರಾಸವಾಗಿದ್ದರು. ಸ್ಕಿನ್ ಶೋಗಳಿಗೆ ಮತ್ತು ಪರದೆಯ ಮೇಲೆ ಹಾಟ್ ರೊಮ್ಯಾನ್ಸ್‌ಗಳಿಗೆ ನಾನು ಮಣೆ ಹಾಕುದಿಲ್ಲ ಎಂದು ಕೃತಿ ಶೆಟ್ಟಿ ಹೇಳಿಕೊಂಡಿದ್ದರು.

ಆದರೆ ಈಗ ನಾನಿ ಜೊತೆಗೆ ರೊಮ್ಯಾಂಟಿಕ್‌ ದೃಶ್ಯದಲ್ಲಿ ನಟಿಸುವುದರ ಜೊತೆಗೆ ಮುತ್ತಿನ ದೃಶ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದುವೇ ತೆಲುಗು ಸಿನಿಮಾ ರಂಗದಲ್ಲಿ ಸುದ್ದಿ ಆಗುತ್ತಿದೆ.

ರಶ್ಮಿಕಾ ಮಂದಣ್ಣ ದಾರಿ ಹಿಡಿದ ಕೃತಿ ಶೆಟ್ಟಿ!

ಗೀತಾ ಗೋವಿಂದಂ ಸಿನಿಮಾದಲ್ಲಿನ ಮುತ್ತಿನ ದೃಶ್ಯದಿಂದ ನಟಿ ರಶ್ಮಿಕಾ ಸಿಕ್ಕಾಪಟ್ಟೆ ಸುದ್ದಿ ಆಗಿದ್ದರು. ಈಗ ಅದೇ ಹಾದಿಯಲ್ಲಿದ್ದಾರೆ ಕೃತಿ. ಮೈ ಕಾಣಿಸುವ ಮತ್ತು ರೊಮ್ಯಾಂಟಿಕ್‌ ದೃಶ್ಯಗಳಲ್ಲಿ ನಾನು ಅಭಿನಯಿಸವುದಿಲ್ಲ ಎಂದು ಹೇಳಿಕೊಂಡಿದ್ದ ಕೃತಿ ಈಗ ತಮ್ಮ ವರಸೆ ಬದಲಿಸಿದ್ದಾರೆ.

ಸಮಂತಾ, ಕಾಜಲ್ ಅಗರ್ವಾಲ್, ತ್ರಿಶಾ ಮತ್ತು ಇತರ ಅನೇಕ ಟಾಪ್ ಸ್ಟಾರ್‌ ನಟಿಯರು ತಮ್ಮ ಚಿತ್ರಗಳಲ್ಲಿ ಈ ಹಿಂದೆ ಇಂತಹ ಸ್ಮೂಚ್ ದೃಶ್ಯಗಳನ್ನು ಮಾಡಿದ್ದಾರೆ. ಹಾಗಾಗಿ 'ಉಪ್ಪೆನ' ಸುಂದರಿ ತನ್ನ ಹಾದಿಯನ್ನು ಬದಲಾಯಿಸಿ ಕೊಂಡಿದ್ದಾಳೆ ಮತ್ತು ಚಿತ್ರರಂಗದ ಸೂತ್ರಗಳನ್ನು ಫಾಲೋ ಮಾಡುತ್ತಿದ್ದಾಳೆ ಎಂದು ಹಲವರು ಆಶ್ಚರ್ಯ ಪಡುತ್ತಿದ್ದಾರೆ.

ಕರುನಾಡಿನ ಕುವರಿ ಕೃತಿ ಶೆಟ್ಟಿ!

ಕೃತಿ ಶೆಟ್ಟಿ ಮೂಲತಃ ಮಂಗಳೂರಿನವರು. ಕೃತಿ ತನ್ನ ಪ್ರಾಥಮಿಕ, ಪ್ರೌಢಶಾಲಾ ಶಿಕ್ಷಣವನ್ನು ಮಂಗಳೂರಿನಲ್ಲಿಯೇ ಮುಗಿಸಿದ್ದಾರೆ. ಕೃತಿ ಶೆಟ್ಟಿಯನ್ನು 'ಉಪ್ಪೆನ' ಸಿನಿಮಾ ನಾಯಕಿಯಾಗಿ ಆಯ್ಕೆ ಮಾಡುವ ಮುನ್ನ ನಿರ್ದೇಶಕ ಬುಚ್ಚಿಬಾಬು 2000 ಕ್ಕೂ ಹೆಚ್ಚು ಯುವತಿಯರನ್ನು ಆಡಿಷನ್ ಮಾಡಿದ್ದರಂತೆ. 2000 ಯುವತಿಯರನ್ನು ಮೀರಿಸಿ ಕೃತಿ ಶೆಟ್ಟಿ ಅವಕಾಶ ಪಡೆದುಕೊಂಡು ಈಗ ಬೇಡಿಕೆಯ ನಟಿ ಆಗಿದ್ದಾರೆ. ಮೊದಲ ಸಿನಿಮಾದ ಬಳಿಕ ಕೃತಿ ತಮ್ಮ ಸಂಭಾವನೆಯನ್ನೂ ಹೆಚ್ಚಿಸಿಕೊಂಡಿದ್ದಾರೆ.