ಎಲ್ಲಾ ಲವ್‌ ಸ್ಟೋರಿಗಳನ್ನು ಮೀರಿಸಿದ 'ಪವಿತ್ರ' ಲವ್ ಸ್ಟೋರಿ: ಟಾಲಿವುಡ್‌ನಲ್ಲಿ ಇದೇ ಹಾಟ್ ಟಾಪಿಕ್!

ನರೇಶ್ - ಪವಿತ್ರಾರದ್ದು ಬೆಸ್ಟ್‌ ಲವ್ ಸ್ಟೋರಿ!

ಸೋಶಿಯಲ್ ಮೀಡಿಯಾದಲ್ಲೀಗ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಲವ್ ಸ್ಟೋರಿ ಸಖತ್ ಟ್ರೋಲ್ ಆಗ್ತಿದೆ. ತೆಲುಗಿನ ಸೂಪರ್ ಹಿಟ್ ಸಿನಿಮಾಗಳ ಪೋಸ್ಟರ್‌ಗಳ ಜೊತೆಗೆ ಇವರಿಬ್ಬರ ಫೋಟೊ ಸೇರಿಸಿ 'ಪವಿತ್ರ ಪ್ರೇಮ' ಎಂದು ಕ್ಯಾಪ್ಷನ್ ಕೊಟ್ಟು ವೈರಲ್ ಮಾಡುತ್ತಿದ್ದಾರೆ. ತೆಲುಗಿನ ಸೂಪರ್ ಹಿಟ್ 'ಆರ್ಯ', 'ಡಾರ್ಲಿಂಗ್', 'ಸೀರಾ ರಾಮಂ' ಸಿನಿಮಾಗಳ ಪೋಸ್ಟರ್ ಜೊತೆ ನರೇಶ್ ಹಾಗೂ ಪವಿತ್ರಾ ಫೋಟೊ ಕೊಲಾಜ್ ಮಾಡಿ ಮೀಮ್ಸ್ ಕ್ರಿಯೇಟ್ ಮಾಡಿ ಹಲ್‌ಚಲ್ ಎಬ್ಬಿಸಿದ್ದಾರೆ. ಇವರದ್ದು ನಿಜವಾದ ಲವ್ ಸ್ಟೋರಿ, ಪ್ರೀತಿಗೆ ಕಣ್ಣಿಲ್ಲ, ಇವರಿಬ್ಬರ ಕಥೆಯನ್ನು ಸಿನಿಮಾ ಮಾಡಿ ಅಂತೆಲ್ಲಾ ಟ್ರೋಲ್ ಮಾಡುತ್ತಿದ್ದಾರೆ.

ಇಬ್ಬರ ಎಂಟ್ರಿಗೆ ಪ್ರೇಕ್ಷಕರ ಶಿಳ್ಳೆ ಚಪ್ಪಾಳೆ

ಇತ್ತೀಚೆಗೆ ರವಿತೇಜಾ ನಟನೆಯ 'ರಾಮಾರಾವ್ ಆನ್ ಡ್ಯೂಟಿ' ಸಿನಿಮಾ ಬಿಡುಗಡೆಯಾಗಿತ್ತು. ಚಿತ್ರದಲ್ಲಿ ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಅಣ್ಣ- ತಂಗಿ ಆಗಿ ಬಣ್ಣ ಹಚ್ಚಿದ್ದರು. ಆಂಧ್ರದಲ್ಲಿ ಇವರಿಬ್ಬರು ಸಿಲ್ವರ್‌ ಸ್ಕ್ರೀನ್‌ ಮೇಲೆ ಕಾಣಿಸಿಕೊಂಡಾಗ ಪ್ರೇಕ್ಷಕರು ಹುಚ್ಚೆದ್ದು ಶಿಳ್ಳೆ ಚಪ್ಪಾಳೆ ಹೊಡೆದು ಕಿರುಚಾಡಿದ್ದರು. ಹೀರೊ ರವಿತೇಜಾ ಎಂಟ್ರಿಗೆ ಸಿಗದ ರೆಸ್ಪಾನ್ಸ್ ಇವರಿಬ್ಬರು ತೆರೆಮೇಲೆ ಇದ್ದಷ್ಟು ಹೊತ್ತು ಕಂಡು ಬಂದಿತ್ತು.

ಡೇಟಿಂಗ್‌ಗಾಗಿ ಇಬ್ಬರ ನಡುವೆ ಒಪ್ಪಂದ?

ನಟ ನರೇಶ್ ಜೊತೆ ಡೇಟಿಂಗ್ ಮಾಡುವುದಕ್ಕೆ ನಟಿ ಪವಿತ್ರಾ ಲೋಕೇಶ್ ಒಂದು ಒಪ್ಪಂದ ಮಾಡಿಕೊಂಡಿದ್ದರು ಅನ್ನುವ ಮಾತುಗಳು ಇತ್ತೀಚೆಗೆ ಕೇಳಿ ಬಂದಿತ್ತು. ಆ ಗಾಳಿ ಸುದ್ದಿ ಪ್ರಕಾರ ನರೇಶ್ ತಿಂಗಳಿಗೆ 25 ಲಕ್ಷ ರೂ. ಹಣವನ್ನು ಪವಿತ್ರಾ ಲೋಕೇಶ್‌ಗೆ ನೀಡುತ್ತಿದ್ದಾರಂತೆ. ಅಪ್ಪಿ ತಪ್ಪಿ ಪವಿತ್ರಾ ಲೋಕೇಶ್‌ಗೆ ಕೈ ಕೊಟ್ಟರೆ ಪರಿಹಾರವಾಗಿ 50 ಕೋಟಿ ರೂ. ಕೊಡುವಂತಹ ವಿಚಿತ್ರ ಒಪ್ಪಂದ ಅದು ಅನ್ನಲಾಗುತ್ತಿದೆ.

ಮದುವೆ ಬೇಡ ಎಂದು ನಿರ್ಧಾರ

ತೆಲುಗು ನಟ ನರೇಶ್ ಈಗಾಗಲೇ 3 ಮದುವೆ ಆಗಿದ್ದಾರೆ. ಇನ್ನು ಮುಂದೆ ಮದುವೆ ಬೇಡ, ರಿಲೇಶನ್‌ಶಿಪ್ ಸಾಕು. ಇದರಿಂದ ಫ್ಯಾಮಿಲಿ ಗಲಾಟೆ ಇರಲ್ಲ ಎಂದು ತೀರ್ಮಾನಿಸಿದ್ದಾರಂತೆ. ಬರೀ ರಿಲೇಶನ್‌ಶಿಪ್‌ಗೆ ಮಾತ್ರ ಪವಿತ್ರಾ ಲೋಕೇಶ್ ಕೂಡ ಒಪ್ಪಿದ್ದಾರೆ ಅನ್ನುವ ಗುಸುಗುಸು ಕೇಳಿಬರ್ತಿದೆ. ಇದೇ ಕಾರಣಕ್ಕೆ ಇಬ್ಬರ ನಡುವೆ ಒಪ್ಪಂದ ನಡೆದಿದೆ ಅನ್ನುವುದು ಕೆಲವರ ವಾದ.