ಸಾಯಿ ಪಲ್ಲವಿ ಹುಟ್ಟುಹಬ್ಬ: ವಿಶೇಷದಿನದಂದು ಯಾರಿಗಾಗಿ ಕಾಯುತ್ತಿದ್ದಾರೆ 'ಪ್ರೇಮಂ' ಸುಂದರಿ

ಯಾರಿಗಾಗಿ ಕಾಯುತ್ತಿದ್ದಾರೆ ಸಾಯಿ

ಸಾಯಿ ಪಲ್ಲವಿ ಹುಟ್ಟುಹಬ್ಬದ ದಿನ ಅವರಕ ವಿಶೇಷ ಫೋಟೋವೊಂದು ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಡಿ ಗ್ಲಾಮ್ ಲುಕ್ ನಲ್ಲಿ ಸಾಯಿ ಹುತಾತ್ಮರ ಸ್ಮಾರಕದ ಮೇಲೆ ಕುಳಿತು ಯಾರಿಗಾಗಿಯೂ ಕಾಯುತ್ತಿದ್ದಾರೆ. ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

'ವಿರಾಟಪರ್ವಂ' ಸಿನಿಮಾದ ಲುಕ್ ರಿಲೀಸ್

ಸಾಯಿ ಪಲ್ಲವಿ ಡಿ ಗ್ಲಾಮ್ ನಲ್ಲಿ ಕಾಣಿಸಿಕೊಂಡಿರುವುದು ವಿರಾಟಪರ್ವಂ ಸಿನಿಮಾಗಾಗಿ. ನಟ ರಾಣದಗ್ಗುಬಾಟಿ ನಾಯಕನಾಗಿ ಕಾಣಿಸಿಕೊಂಡಿರುವ ಈ ಸಿನಿಮಾದಲ್ಲಿ ಸಾಯಿ ಪಲ್ಲವಿ ನಕ್ಸಲ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ರಿಲೀಸ್ ಆಗಿರುವ ಲುಕ್ ನಲ್ಲಿ ಸಾಯಿ ಒಂದು ಬ್ಯಾಗ್ ಜೊತೆಯಲ್ಲಿಟ್ಟುಕೊಂಡಿದ್ದಾರೆ. ಕೈಯಲ್ಲಿ ಪೆನ್ನು ಹಿಡಿದು, ಆಳವಾಗಿ ಯೋಚಿಸುತ್ತಾ ಯಾರೋ ಬರುವ ದಾರಿಯನ್ನು ಕಾಯುತ್ತಿರುವ ಹಾಗೆ ಇದೆ. ಸಾಯಿ ಇದುವರೆಗೂ ಮಾಡಿರದ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಆಕ್ಷನ್-ಥ್ರಿಲ್ಲಿಂಗ್ ಸಿನಿಮಾದಲ್ಲಿ ಹೃದಯಸ್ಪರ್ಶಿ ಪ್ರೇಮಕಥೆ

'ವಿರಾಟಪರ್ವಂ' ವೇಣು ಉಡುಗುಲ ಸಾರಥ್ಯದಲ್ಲಿ ಮೂಡಿಬರುತ್ತಿರುವ ಸಿನಿಮಾ. ಚಿತ್ರದಲ್ಲಿ ನಕ್ಸಲಿಸಂ ಬಗ್ಗೆ ಇದೆಯಂತೆ. ಜೊತೆಗೆ ಹೃದಯಸ್ಪರ್ಶಿ ಪ್ರೇಮ ಕಥೆ ಚಿತ್ರದ ಹೈಲೆಟ್ ಎಂದು ಹೇಳಲಾಗುತ್ತಿದೆ. ತುಂಬಾ ನ್ಯಾಚುರಲ್ ಆಗಿ ಸಿನಿಮಾ ಮೂಡಿಬರಲಿದೆಯಂತೆ. ಸದ್ಯ ರಿಲೀಸ್ ಆಗಿರುವ ಸಾಯಿ ಪಲ್ಲವಿ ಲುಕ್ ಕೂಡ ತುಂಬ ನ್ಯಾಚುರಲ್ ಆಗಿಯೇ ಇದೆ. ಹಾಗಾಗಿ ಸಿನಿಮಾದ ಮೇಲಿನ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ.

ಗಮನ ಸೆಳೆಯುತ್ತಿದೆ ಸಾಯಿ ಲವ್ ಸ್ಟೋರಿ

ಸಾಯಿ ಪಲ್ಲವಿ ವಿರಾಟಪರ್ವಂ ಸಿನಿಮಾ ಜೊತೆಗೆ ಲವ್ ಸ್ಟೋರಿ ಸಿನಿಮಾದಲ್ಲಿಯೂ ಬ್ಯುಸಿಯಾಗಿದ್ದಾರೆ. ಈಗಾಗಲೆ ಲವ್ ಸ್ಟೋರಿ ಸಿನಿಮಾದ ಟೀಸರ್ ರಿಲೀಸ್ ಆಗಿದ್ದು ಅಭಿಮಾನಿಗಳ ಮನಗೆದ್ದಿದೆ. ಸಿನಿಮಾಗಾಗಿ ಚಿತ್ರಪ್ರಿಯರು ಕಾತರರಾಗಿದ್ದಾರೆ. ಚಿತ್ರದಲ್ಲಿ ನಾಯಕನಾಗಿ ನಾಗ್ ಚೈತನ್ಯ ಕಾಣಿಸಿಕೊಂಡಿದ್ದಾರೆ.