ಗಂಡನ 'ಪ್ರೇಯಸಿ'ಯನ್ನು ಮನತುಂಬಿ ಹೊಗಳಿದ ಸಮಂತಾ

ಲವ್‌ ಸ್ಟೋರಿ ಸಿನಿಮಾದ ಭಾಗ ನೋಡಿರುವ ಸಮಂತಾ

ಲವ್ ಸ್ಟೋರಿ ಸಿನಿಮಾದಲ್ಲಿ ನಾಗಚೈತನ್ಯಾ ಗೆ ನಾಯಕಿಯಾಗಿ ನಟಿ ಸಾಯಿ ಪಲ್ಲವಿ ನಟಿಸುತ್ತಿದ್ದಾರೆ. ಚಿತ್ರದ ಚಿತ್ರೀಕರಣ ಶೇ 80 ರಷ್ಟು ಮುಗಿದಿದೆ. ಈ ಸಿನಿಮಾದ ನಟನೆ ನೋಡಿಯೇ ಸಮಂತ ಸಾಯಿ ಪಲ್ಲವಿಯನ್ನು ಹೊಗಳಿರುವುದು.

ಸಾಯಿ ಪಲ್ಲವಿಯನ್ನು ಹೊಗಳಿದ ಸಮಂತಾ

ಚಿತ್ರೀಕರಣ ಆಗಿರುವ ಭಾಗವನ್ನು ಸಮಂತಾ ಗೆ ನಾಗಚೈತನ್ಯ ತೋರಿಸಿದ್ದಾರಂತೆ. ಸಿನಿಮಾವನ್ನು ಹಿನ್ನೆಲೆ ಸಂಗೀತ ಇಲ್ಲದೆ ನೋಡಿದ ಸಮಂತಾ, 'ಸಾಯಿ ಪಲ್ಲವಿ ತನ್ನ ಪ್ರತಿಭೆಯಿಂದ ಎಲ್ಲರನ್ನೂ ಮೀರಿಸುತ್ತಿದ್ದಾಳೆ' ಎಂದರಂತೆ.

ಅಸೂಯೆಯಿಂದ ಹೇಳಿದ ಮಾತೇ ಅದು?

ಸಾಯಿ ಪಲ್ಲವಿಯ ಪ್ರತಿಭೆಯನ್ನು ಸಮಂತಾ ಹೊಗಳಿದರೋ ಅಥವಾ ಸಿನಿಮಾದಲ್ಲಿ ನಾಗಚೈತನ್ಯರನ್ನು ಪಕ್ಕಕ್ಕೆ ಸರಿಸುವಂತಹಾ ನಟನೆ ಮಾಡಿದ್ದಾರೆ ಎಂಬ ಅಸೂಯೆಯಿಂದ ಈ ಮಾತು ಹೇಳಿದರೇ ಅನುಮಾನ ಎದ್ದಿದೆ.

ಸಾಯಿ ಪಲ್ಲವಿ ಜೊತೆ ನರ್ತಿಸಲು ತಿಣುಕಾಡಿದ ಚೈತನ್ಯ

ಲವ್ ಸ್ಟೋರಿ ಸಿನಿಮಾದ ಹಾಡಿನ ಚಿತ್ರೀಕರಣದ ಸಮಯದಲ್ಲಿ ನಾಗ ಚೈತನ್ಯ, ಸಾಯಿ ಪಲ್ಲವಿ ಜೊತೆಯಾಗಲಿ ನರ್ತಿಸಲು ಕಷ್ಟಪಡುತ್ತಿದ್ದಾರೆ ಎಂಬ ಸುದ್ದಿ ಜೋರಾಗಿ ಹರಿದಾಡಿತ್ತು. ಸಾಯಿ ಪಲ್ಲವಿ ಅದ್ಭುತ ನೃತ್ಯಗಾರ್ತಿ ಹಾಗಾಗಿ ನಾಗ ಚೈತನ್ಯ ಅವರೊಟ್ಟಿಗೆ ನರ್ತಿಸಲು ಹಲವು ಪಡಿಪಾಟಲು ಪಡುತ್ತಿದ್ದಾರೆಂದು ಈ ಹಿಂದೆ ವರದಿ ಆಗಿತ್ತು.

ಬಹು ನಿರೀಕ್ಷೆಯ ಚಿತ್ರ ಲವ್‌ ಸ್ಟೋರಿ

ಇನ್ನು ಲವ್‌ ಸ್ಟೋರಿ ಸಿನಿಮಾವನ್ನು ಸೂಕ್ಷ್ಮ ಸಂವೇದನೆಯ ನಿರ್ದೇಶಕ ಶೇಖರ್ ಕಮ್ಮುಲ ನಿರ್ದೇಶಿಸಿದ್ದು, ಈ ಕತೆ ಇಬ್ಬರು ಬೇರೆ ಜಾತಿಗಳ ಹುಡುಗ-ಹುಡುಗಿ ನಡುವೆ ನಡೆಯುವ ಪ್ರೇಮಕತೆಯಾಗಿದೆ. ಸಿನಿಮಾ ಬಗ್ಗೆ ಹೆಚ್ಚಿನ ನಿರೀಕ್ಷೆಗಳು ಇವೆ.