2ನೇ ಸಲ ಲವ್ವಲ್ಲಿ ಬಿದ್ರಾ ಸಮಂತಾ ? ಮುಖ ತೋರಿಸದೇ ಚೈತುಗೆ ಟಾಂಗ್ ಕೊಟ್ರಾ? ಪೋಸ್ಟ್ ವೈರಲ್!

ಮತ್ತೆ ಲವ್ವಲ್ಲಿ ಬಿದ್ರಾ ಸಮಂತಾ?

ಸಮಂತಾ ಟೀಶರ್ಟ್‌ನಲ್ಲಿ ''ಯು ವಿಲ್ ನೆವರ್ ವಾಕ್ ಅಲೋನ್' ಎಂದು ಬರೆದಿದೆ. ಅಂದರೆ ನೀನು ಒಂಟಿಯಾಗಿ ಪ್ರಯಾಣ ಮಾಡಲಾಗದು ಎಂದು ಅರ್ಥ. ಇಲ್ಲಿ ಸಮಂತಾ ಯಾರ ಏಕಾಂಗಿ ಪ್ರಯಾಣವನ್ನು ಉದ್ದೇಶಿಸಿ ಮಾತನಾಡುತ್ತಿದ್ದರೋ ಅರ್ಥವಾಗುತ್ತಿಲ್ಲ. ಡಿವೋರ್ಸ್ ನಂತರ ಸ್ಯಾಮ್, ಚೈತು ಇಬ್ಬರೂ ಒಂಟಿಯಾಗಿಯೇ ಇದ್ದಾರೆ. 2ನೇ ಮದುವೆ ಆಗ್ತಾರೋ ಇಲ್ವೋ ಗೊತ್ತಿಲ್ಲ. ಇನ್ನು ಯಾರೊಟ್ಟಿಗಾದರೂ ರಿಲೇಷನ್‌ನಲ್ಲಿದ್ದಾರೆ ಎನ್ನುವ ಬಗ್ಗೆಯೂ ಮಾಹಿತಿ ಇಲ್ಲ. ಆದರೆ ಕೆಲ ದಿನಗಳ ಹಿಂದೆ ಮತ್ತೆ ಪ್ರೀತಿಲಿ ಬೀಳುವಷ್ಟು ಟೈಮ್ ಇಲ್ಲ ಎಂದು ಸಮಂತಾ ಹೇಳಿದ್ದರು.

ಮಾಜಿ ಪತಿ ನಾಗಚೈತನ್ಯಾಗೆ ಟಾಂಗ್ ಕೊಟ್ರಾ?

ನಾಗ ಚೈತನ್ಯ ಏಕಾಂಗಿಯಾಗಿ ಇರುವುದಿಲ್ಲ. ಎರಡನೇ ಮದುವೆ ಮಾಡಿಕೊಳ್ಳುತ್ತಾನೆ ಎಂದು ಸಮಂತಾ ಸಟೈರ್ ಹಾಕಿದ್ದಾರೆ, ಸಂಗಾತಿ ಇಲ್ಲದೇ ಚೈತು ಇರಲ್ಲ ಎಂದು ಚೈತನ್ಯಗೆ ಸೆಟೈರ್ ಹಾಕಿದ್ದಾರೆ ಎನ್ನುವುದು ಕೆಲವರ ವಾದ. ಒಟ್ಟಿನಲ್ಲಿ ಸಮಂತಾ ಪರೋಕ್ಷವಾಗಿ ಸಟೈರ್ ಹಾಕುವುದನ್ನು ಮಾತ್ರ ನಿಲ್ಲಿಸುತ್ತಿಲ್ಲ. ಡಿವೋರ್ಸ್ ಪಡೆದ ಹೊಸತರಲ್ಲೂ ಸಮಂತಾ ಮಾಡಿದ್ದ ಕೆಲ ಪೋಸ್ಟ್‌ಗಳು ಇದೇ ರೀತಿ ಸದ್ದು ಮಾಡಿತ್ತು.

ನೆಟ್ಟಿಗರಿಂದ ಭಿನ್ನ ವಿಭಿನ್ನ ಕಾಮೆಂಟ್ಸ್

ಇನ್ನು ಸಮಂತಾ ಮಾಡಿರುವ ಪೋಸ್ಟ್‌ಗೆ ನೆಟ್ಟಿಗರು ಭಿನ್ನ ವಿಭಿನ್ನವಾಗಿ ಪ್ರತಿಕ್ರಿಯಿಸುತ್ತಿದ್ದಾರೆ. ಸಮಂತಾಗೆ ಒಂಟಿ ಜೀವನ ಸಾಕಾಯ್ತಾ? ಬೇರೆಯವರ ಜೊತೆ ರಿಲೇಷನ್‌ಶಿಪ್‌ನಲ್ಲಿದ್ದಾರಾ? ಮತ್ತೆ ಮದುವೆಗೆ ಸಿದ್ಧತೆ ನಡೆಸಿದ್ದಾರಾ? ಹೀಗೆ ಪ್ರಶ್ನೆಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಮತ್ತೆ ಕೆಲವರು ಮೊನ್ನೆ ಮಾಡಿದ್ದ ಪೋಸ್ಟ್‌ಗೂ ಹೊಸ ಪೋಸ್ಟ್‌ಗೂ ಲಿಂಕ್ ಮಾಡಿ, ಸಮಂತಾ ಮತ್ತೆ ಪ್ರೀತಿಲಿ ಬಿದ್ದಿದ್ದಾರೆ ಎನ್ನುವ ಅನುಮಾನ ವ್ಯಕ್ತಪಡಿಸುತ್ತಿದ್ದಾರೆ. ಕೆಲವರು ಮಾತ್ರ ಪೋಸ್ಟ್ ನೋಡಿ ಏನೇನೋ ಅಂದುಕೊಳ್ಳಬೇಡಿ. ಇದು ಲಿವರ್‌ಪೂಲ್ಸ್‌ ಫುಟ್‌ಬಾಲ್ ಕ್ಲಬ್ ಆಂಥಮ್. ಕೋಟ್ ಇಷ್ಟವಾಗಿ ಸ್ಯಾಮ್ ಫೋಟೊ ಹಿಡಿದು ಪೋಸ್ಟ್ ಮಾಡಿದ್ದಾರೆ ಅಷ್ಟೇ ಎನ್ನುತ್ತಿದ್ದಾರೆ.

ಸಮಂತಾ ಚರ್ಮದ ಸಮಸ್ಯೆ ನಿಜಾನಾ?

ತಮ್ಮ ಅನಾರೋಗ್ಯದ ಬಗ್ಗೆ ಸಮಂತಾ ಪರೋಕ್ಷವಾಗಿ ಇತ್ತೀಚೆಗೆ ಪೋಸ್ಟ್ ಮಾಡಿದ್ದರು. 'ಡೌನ್ ನಾಟ್ ಔಟ್' ಎನ್ನುವುದಕ್ಕೆ ಅರ್ಥ ನಾನು ಸೋತಿದ್ದೀನಿ, ಆದರೆ ಆಟದಿಂದ ಹೊರಬಿದ್ದಿಲ್ಲ ಎಂದು. ಅಂದರೆ ಸಮಂತಾ ತಮ್ಮ ಆರೋಗ್ಯದ ಬಗ್ಗೆಯೇ ಈ ರೀತಿ ಬರೆದಿದ್ದಾರೆ. ಮತ್ತೆ ವಾಪಸ್ ಎದ್ದು ಬರುವು ಸುಳಿವು ಕೊಟ್ಟಿದ್ದಾರೆ ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ. ಸಮಂತಾ ಚರ್ಮದ ಸಮಸ್ಯೆಯಿಂದ ಬಳಲುತ್ತಿದ್ದು, ಅಮೆರಿಕಾದಲ್ಲಿ ಚಿಕಿತ್ಸೆ ಪಡೆಯಲು ಹೋಗ್ತಿದ್ದಾರೆ ಎಂದು ಇತ್ತೀಚೆಗೆ ಗುಸುಗುಸು ಕೇಳಿಬಂದಿತ್ತು. ಸಮಂತಾ ಸದ್ಯ 'ಶಾಕುಂತಲಂ', 'ಯಶೋಧ', 'ಖುಷಿ' ಸಿನಿಮಾಗಳಲ್ಲಿ ಕೆಲಸ ಮಾಡ್ತಿದ್ದಾರೆ.