ಪುಷ್ಪ ಸಿನಿಮಾದ ವಿಲನ್‌ಗಳ ಪಟ್ಟಿಗೆ ಮತ್ತೊಬ್ಬ ಖ್ಯಾತ ನಟ ಸೇರ್ಪಡೆ

ನಟನರನ್ನು ಬದಲಾಯಿಸಲಾಗಿದೆ

ಮೊದಲಿಗೆ ತಮಿಳಿನ ಖ್ಯಾತ ನಟ ವಿಜಯ್ ಸೇತುಪತಿ ವಿಲನ್ ಪಾತ್ರ ನಿರ್ವಹಿಸುತ್ತಾರೆ ಎನ್ನಲಾಗಿತ್ತು. ಆದರೆ ಅವರು ಸಂಭಾವನೆ ಹೆಚ್ಚು ಕೇಳಿದರು ಎಂದು ಅವರ ಸ್ಥಾನಕ್ಕೆ ಕನ್ನಡದ ಧನಂಜಯ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂಬ ಸುದ್ದಿಗಳು ಹರಿದಾಡಿದವು.

ಪುಷ್ಪ ಸಿನಿಮಾದ ವಿಲನ್ ಪಾತ್ರಕ್ಕೆ ಆದಿ ಪಿನಿಶೆಟ್ಟಿ

ಆದರೆ ಈಗ ಬಂದಿರುವ ಹೊಸ ಸುದ್ದಿ ಪ್ರಕಾರ ಪುಷ್ಪ ಸಿನಿಮಾದ ವಿಲನ್ ಪಾತ್ರಕ್ಕೆ ನಾಯಕ ನಟನಾಗಿ ಗುರುತಿಸಿಕೊಂಡಿದ್ದ ಆದಿ ಪಿನಿಶೆಟ್ಟಿ ಅವರನ್ನು ಆಯ್ಕೆ ಮಾಡಿಲಾಗಿದೆಯಂತೆ. ಆದಿ ಪಿನಿಶೆಟ್ಟಿ ವಿಲನ್ ಆಗಿರುತ್ತಾರೆಯೇ, ಅಥವಾ ಬೇರೆ ವಿಲನ್‌ಗಳ ಜೊತೆಗೆ ಇವರೂ ಒಬ್ಬರಾಗಿರುತ್ತಾರೆಯೋ ಕಾದು ನೋಡಬೇಕಿದೆ.

ಅಲ್ಲು ಅರ್ಜುನ್ ಅಣ್ಣನ ಪಾತ್ರದಲ್ಲಿ ಆದಿ

ಮೂಲಗಳ ಪ್ರಕಾರ ಆದಿ ಪಿನಿಶೆಟ್ಟಿ ಪುಷ್ಪ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಅಣ್ಣನ ಪಾತ್ರ ನಿರ್ವಹಿಸಲಿದ್ದಾರಂತೆ. ಜೊತೆಗೆ ಆದಿ ಪಿನಿಶೆಟ್ಟಿ ಊರಿನ ಪಂಚಾಯಿತಿ ಅಧ್ಯಕ್ಷರಾಗಿಯೂ ಕಾಣಿಸಿಕೊಳ್ಳಲಿದ್ದಾರೆ. ಆದರೆ ಆದಿ ಅವರದ್ದು ನೆಗೆಟಿವ್ ಶೇಡ್ ಇರುವ ಪಾತ್ರವಂತೆ.

ಪುಷ್ಪ ಸಿನಿಮಾದಲ್ಲಿ ಯಾರ್ಯಾರಿರಲಿದ್ದಾರೆ?

ಆದಿ ಪಿನಿಶೆಟ್ಟಿ ಜೊತೆಗೆ ಪುಷ್ಪ ಸಿನಿಮಾದಲ್ಲಿ ಪ್ರಕಾಶ್ ರೈ, ಜಗಪತಿ ಬಾಬು, ವೆನ್ನೆಲ ಕಿಶೋರ್, ಹರೀಶ್ ಉತ್ತಮನ್ ಇರಲಿದ್ದಾರೆ. ಅಲ್ಲು ಅರ್ಜುನ್ ಜೊತೆಯಾಗಿ ಸರೈನೋಡು ಸಿನಿಮಾದಲ್ಲಿ ಆದಿ ಪಿನಿಶೆಟ್ಟಿ ಅಭಿನಯಿಸಿದ್ದರು. ರಂಗಸ್ಥಳಂ ಸಿನಿಮಾದಲ್ಲಿ ಆದಿ ಪಿನಿಶೆಟ್ಟಿ ರಾಮ್ ಚರಣ್ ತೇಜ ಸಹೋದರನ ಪಾತ್ರ ನಿರ್ವಹಿಸಿದ್ದರು.