ಪುಷ್ಪ: ಅಲ್ಲು ಅರ್ಜುನ್-ರಶ್ಮಿಕಾ ಸಿನಿಮಾಕ್ಕೆ ಮತ್ತೊಬ್ಬ ನಟಿಯ ಎಂಟ್ರಿ

ಮೆರುಗು ತರಲಿದ್ದಾರೆ ಐಶ್ವರ್ಯಾ ರಾಜೇಶ್

ಪ್ರತಿಭಾವಂತ ನಟಿ ಐಶ್ವರ್ಯಾ ರಾಜೇಶ್ ಹಲವಾರು ಸವಾಲಿನ ಪಾತ್ರಗಳಲ್ಲಿ ಅದ್ಭುತವಾಗಿ ನಟಿಸಿ ಅದ್ಭುತ ನಟಿ ಎನಿಸಿಕೊಂಡಿದ್ದಾರೆ. ಇವರನ್ನು 'ಪುಷ್ಪ' ಸಿನಿಮಾದಲ್ಲಿನ ಪ್ರಮುಖ ಪಾತ್ರವೊಂದಕ್ಕೆ ಕರೆತರಾಗುತ್ತಿದೆ. ಈಗಾಗಲೇ ದೊಡ್ಡ ತಾರಾಗಣ ಹೊಂದಿರುವ ಪುಷ್ಪ ಸಿನಿಮಾಕ್ಕೆ ಐಶ್ವರ್ಯಾ ರಾಜೇಶ್ ಇನ್ನಷ್ಟು ಮೆರಗು ತರಲಿದ್ದಾರೆ.

ಐಶ್ವರ್ಯಾ ರಾಜೇಶ್ ಸಿನಿಮಾಕ್ಕೆ ನಾಯಕಿ ಅಲ್ಲ

ಐಶ್ವರ್ಯಾ ಅವರು ಸಿನಿಮಾದಲ್ಲಿ ನಾಯಕಿ ಪಾತ್ರದಲ್ಲಿ ನಟಿಸುತ್ತಿಲ್ಲ ಬದಲಿಗೆ ಅಲ್ಲು ಅರ್ಜುನ್ ಸಹೋದರಿ ಪಾತ್ರದಲ್ಲಿ ನಟಿಸಲಿದ್ದಾರೆ. ಈಗಾಗಲೇ ಐಶ್ವರ್ಯಾ ರಾಜೇಶ್‌ಗೆ ಕತೆ ಹೇಳಿದ್ದು ಅವರ ಒಪ್ಪಿಗೆಗಾಗಿ ತಂಡ ಕಾಯುತ್ತಿದೆ.

ಐಶ್ವರ್ಯಾ ರಾಜೇಶ್‌ಗೆ ಬಹಳ ಮಹತ್ವದ ಪಾತ್ರ

ಐಶ್ವರ್ಯಾ ರಾಜೇಶ್‌ಗೆ ನೀಡಲಾಗುತ್ತಿರುವ ಪಾತ್ರ ತೆರೆಯ ಮೇಲೆ ಇರುವ ಅವಧಿ ಕಡಿಮೆ ಆದರೆ ಸಿನಿಮಾಕ್ಕೆ ದೊಡ್ಡ ತಿರುವು ನೀಡುವ ಮತ್ತು ಕತೆಯಲ್ಲಿ ಅತ್ಯಂತ ಮಹತ್ವದ ಹಾಗೂ ಬಹಳ ಅಭಿನಯ ಪ್ರತಿಭೆಯನ್ನು ಬೇಡುವ ಕೆಲವು ಸನ್ನಿವೇಶಗಳು ಆ ಪಾತ್ರಕ್ಕೆ ಇದೆ ಹಾಗಾಗಿ ಪ್ರತಿಭಾವಂತ ನಟಿಯಾದ ಐಶ್ವರ್ಯಾ ಅವರನ್ನೇ ಚಿತ್ರತಂಡ ಸಂಪರ್ಕಿಸಿದೆ.

Recommended Video

ಚಿರು ಇಲ್ಲದ‌ ಸ್ಥಿತಿಗೆ ಭಾವುಕರಾಗಿ ಕಣ್ಣೀರು ತರಿಸುವ ಫೋಟೋ ಶೇರ್ ಮಾಡಿದ ಮೇಘನಾ ರಾಜ್ | Filmibeat Kannada

ಆಗಸ್ಟ್ 13 ರಂದು ಸಿನಿಮಾ ತೆರೆಗೆ

'ಪುಷ್ಪ' ಸಿನಿಮಾವನ್ನು ತೆಲುಗಿನ ಖ್ಯಾತ ನಿರ್ದೇಶಕ ಸುಕುಮಾರ್ ನಿರ್ದೇಶನ ಮಾಡುತ್ತಿದ್ದಾರೆ. ಮೈತ್ರಿ ಮೂವೀಸ್ ನಿರ್ಮಾಣದ ಹೊಣೆ ಹೊತ್ತಿದೆ. ಸುಕುಮಾರ್‌ಗೆ ಅಲ್ಲು ಅರ್ಜುನ್‌ಗೆ ಜೊತೆಗೆ ಮೂರನೇ ಸಿನಿಮಾ. ಈ ಹಿಂದೆ ಆರ್ಯ ಮತ್ತು ಆರ್ಯ2 ಸಿನಿಮಾ ನಿರ್ದೇಶಿಸಿದ್ದರು. ಸಿನಿಮಾದ ಟ್ರೇಲರ್ ಕೆಲವು ದಿನಗಳ ಹಿಂದಷ್ಟೆ ಬಿಡುಗಡೆ ಆಗಿತ್ತು. ಸಿನಿಮಾ ಆಗಸ್ಟ್ 13ರಂದು ಬಿಡುಗಡೆ ಆಗಲಿದೆ.