ಕಲೆಕ್ಷನ್ ನಲ್ಲಿ ಮಹೇಶ್ ಬಾಬು ಸಿನಿಮಾ ಹಿಂದಿಕ್ಕಿ ದಾಖಲೆ ಬರೆದ ನಟ ಅಲ್ಲು ಅರ್ಜುನ್

'ಯು ಎಸ್ ಎ'ಲ್ಲಿ ಭಾರತೀಯ ಸಿನಿಮಾಗಳ ದರ್ಬಾರ್

ಯು ಎಸ್ ಎ ಯಲ್ಲಿ ಭಾರತದ ಐದು ಸಿನಿಮಾಗಳು ಪೈಪೂಟಿಗೆ ಬಿದ್ದಂತೆ ಪ್ರದರ್ಶನ ನೀಡುತ್ತಿವೆ. ವಿಶೇಷ ಅಂದರೆ ಈ ಐದು ಸಿನಿಮಾಗಳಲ್ಲಿ ದಕ್ಷಿಣ ಭಾರತದ ಮೂರು ಸಿನಿಮಾಗಳಿವೆ. ಸರಿಲೇರು ನೀಕೆವ್ವರು, 'ಅಲಾ ವೈಕುಂಠಪುರಂಲೋ' ಮತ್ತು ದರ್ಬಾರ್ ಸಿನಿಮಾಗಳು ವಿದೇಶ ನೆಲದಲ್ಲೂ ರಾರಾಜಿಸುತ್ತಿವೆ. ಇದೆ ಮೊದಲ ಬಾರಿಗೆ ದಕ್ಷಿಣ ಭಾರತೀಯ ಸಿನಿಮಾಗಳು ವಿದೇಶಿ ನೆಲದಲ್ಲಿ ಎಲ್ಲಾ ಸಿನಿಮಾಗಳನ್ನು ಹಿಂದಿಕ್ಕಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ.

ಮಹೇಶ್ ಬಾಬು ಸಿನಿಮಾ ಹಿಂದಿಕ್ಕಿದ್ದ ಅಲ್ಲು ಅರ್ಜುನ್

ಯು ಎಸ್ ಎ ನಲ್ಲಿ ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಸಿನಿಮಾ ಕಲೆಕ್ಷನ್ ಅನ್ನು ಹಿಂದಿಕ್ಕಿ 'ಅಲಾ ವೈಕುಂಠಪುರಂಲೋ' ಸಿನಿಮಾ ದಾಖಲೆ ಮಾಡಿದೆ. ಮಹೇಶ್ ಬಾಬು ಸಿನಿಮಾ USD 23,287 ಗಳಿಕೆ ಮಾಡಿದರೆ, ಅಲ್ಲು ಅರ್ಜುನ್ ಸಿನಿಮಾ USD 81,383 ಬಾಚಿಕೊಂಡಿದೆ. 'ಸರಿಲೇರು ನೀಕೆವ್ವರು' ಸಿನಿಮಾಗಿಂತ 'ಅಲಾ ವೈಕುಂಠಪುರಂಲೋ' ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಅಲ್ಲು ಅರ್ಜುನ್ ಜೊತೆ ನಾಯಕಿಯಾಗಿ ಪೂಜಾ ಹೆಗ್ಡೆ ಕಾಣಿಸಿಕೊಂಡಿದ್ದಾರೆ.

ಸಾರ್ವಕಾಲಿಕ ದಾಖಲೆ ಮಾಡಿದ ಅಲ್ಲು ಸಿನಿಮಾ

'ಅಲಾ ವೈಕುಂಠಪುರಂಲೋ' ಸಿನಿಮಾ ನ್ಯೂಜಿಲ್ಯಾಂಡ್ ನಲ್ಲಿ ಸಾರ್ವಕಾಲಿಕ ದಾಖಲೆ ನಿರ್ಮಿಸಿದೆ. ಇದುವರೆಗೂ ತೆಲುಗು ಸಿನಿಮಾ ಮಾಡದೆ ಇರುವಷ್ಟು ಕಲೆಕ್ಷನ್ ಅಲ್ಲು ಅರ್ಜುನ್ ಸಿನಿಮಾ ಮಾಡಿದೆ. ತೆಲುಗಿನ ಸೂಪರ್ ಹಿಟ್ ಬಾಹುಬಲಿ ಸಿನಿಮಾ ಕೂಡ ಮಾಡದೆ ಇರುವಷ್ಟು ಕಲೆಕ್ಷನ್ ಅಲ್ಲು ಅರ್ಜುನ್ ಸಿನಿಮಾ ಮಾಡಿದೆ. 'ಅಲಾ ವೈಕುಂಠಪುರಂಲೋ' NZD 34,625 ಕಲೆಕ್ಷನ್ ಮಾಡಿದೆ. ಬಾಹುಬಲಿ ಸಿನಿಮಾ NZD 20,750 ಬಾಚಿಕೊಂಡಿತ್ತು

ಹಿಂದಿ ಸಿನಿಮಾಗಳನ್ನು ಹಿಂದಿಕ್ಕಿದ ದಕ್ಷಿಣದ ಸಿನಿಮಾ

ಮೊದಲ ಬಾರಿಗೆ ಹಿಂದಿ ಸಿನಿಮಾಗಳನ್ನು ಹಿಂದಿಕ್ಕಿ ದಕ್ಷಿಣ ಭಾರತೀಯ ಚಿತ್ರಗಳು ವಿದೇಶಿ ನೆಲದಲ್ಲಿ ರಾರಾಜಿಸುತ್ತಿವೆ. ಯು ಎಸ್ ಎ ರಿಪೋರ್ಟ್ ನೋಡುವುದಾದರೆ 'ಅಲಾ ವೈಕುಟಂಠಪುರಂಲೋ' ಸಿನಿಮಾ ಅತೀ ಹೆಚ್ಚು ಕಲೆಕ್ಷನ್ ಮಾಡಿ ಟಾಪ್ ನಲ್ಲಿ ಇದೆ. ಇನ್ನು ನಂತರದ ಸ್ಥಾನದಲ್ಲಿ ಹಿಂದಿಯ ಐತಿಹಾಸಿಕ ಸಿನಿಮಾ 'ತನ್ಹಾಜಿ' ಇದೆ. ಆ ನಂತರದ ಸ್ಥಾನದಲ್ಲಿ 'ಸರಿಲೇರು ನೀಕೆವ್ವರು', 'ಚಪಾಕ್' ಮತ್ತು 'ದರ್ಬಾರ್' ಸಿನಿಮಾಗಳಿವೆ.