Don't Miss!
- News Reliance: ರಿಲಯನ್ಸ್ ಎಂದು ಹೆಸರು ಬರಲು ಕಾರಣವೇನು? ಇಲ್ಲಿದೆ ಇಂಟ್ರಸ್ಟಿಂಗ್ ಮಾಹಿತಿ
- Technology ಸದ್ಯ ನೀವೇನಾದರೂ ಹೊಸ ರೆಡ್ಮಿ ಫೋನ್ ಖರೀದಿಸ್ತೀರಾ?..ಹಾಗಿದ್ರೆ, ಇಲ್ಲಿ ಗಮನಿಸಿ!
- Lifestyle ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- Finance Binance: ಫೈನ್ ಕಟ್ಟಿ ಭಾರತಕ್ಕೆ ಮರಳಿ ಬರಲಿದೆ ಕ್ರಿಫ್ಟೋಕರೆನ್ಸಿ ವಿನಿಮಯ ಕೇಂದ್ರ!
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಬುಟ್ಟ ಬೊಮ್ಮಾ' ಹಾಡಿಗೆ ಆನೆ ಜತೆ ಟಿಕ್ ಟಾಕ್ ಮಾಡಿದ ಅಲ್ಲು ಅರ್ಜುನ್ ಅಭಿಮಾನಿ: ವಿಡಿಯೋ ವೈರಲ್
ಅಲ್ಲು ಅರ್ಜುನ್ ಅಭಿನಯದ 'ಅಲಾ ವೈಕುಂಠಪುರಮುಲೋ' ಈ ವರ್ಷದ ಬ್ಲಾಕ್ಬಸ್ಟರ್ ಚಿತ್ರಗಳಲ್ಲಿ ಒಂದು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ತ್ರಿವಿಕ್ರಂ ಶ್ರೀನಿವಾಸ್ ನಿರ್ದೇಶನದ ಈ ಚಿತ್ರ, 'ಬಾಹುಬಲಿ' ಬಳಿಕ ತೆಲುಗಿನಲ್ಲಿ ಸಾರ್ವಕಾಲಿಕ ಅತಿ ಹೆಚ್ಚು ಗಳಿಕೆ ಕಂಡಿದೆ. ಸಿನಿಮಾ ಚಿತ್ರರಸಿಕರ ಮನಗೆದ್ದಿದ್ದಲ್ಲದೆ, ಅದರ ಹಾಡುಗಳೂ ಸೂಪರ್ ಹಿಟ್ ಆಗಿವೆ. 'ಬುಟ್ಟ ಬೊಮ್ಮಾ', 'ರಾಮುಲೋ ರಾಮುಲಾ' ಹಾಗೂ ಇತರೆ ಹಾಡುಗಳು 2020ರ ಚಾರ್ಟ್ ಬಸ್ಟರ್ ಹಾಡುಗಳೆಂಬ ಕೀರ್ತಿಗೆ ಭಾಜನವಾಗಿವೆ.
Recommended Video
ಈ ಚಿತ್ರದ ಹಾಡುಗಳು ಜನಪ್ರಿಯವಾಗಲು ಸಿನಿಮಾದಲ್ಲಿನ ಅದರ ನೃತ್ಯ ಸಂಯೋಜನೆಯೂ ಕಾರಣ. ಹೀಗಾಗಿ ಈ ಹಾಡುಗಳು ಶಾಲಾ ಕಾಲೇಜುಗಳ ಕಾರ್ಯಕ್ರಮಗಳಲ್ಲಿಯೂ ಬಳಕೆಯಾಗುತ್ತಿವೆ.
ಅಲ್ಲು ಅರ್ಜುನ್ ವಿರುದ್ಧ ತೊಡೆತಟ್ಟಲು ಕನ್ನಡಿಗ ಸಜ್ಜು
ಈ ಮಧ್ಯೆ ಅಲ್ಲು ಅರ್ಜುನ್ ಅಭಿಮಾನಿಗಳು ಮತ್ತೊಂದು ಮಟ್ಟಕ್ಕೆ ಹೋಗಿದ್ದಾರೆ. ಸಿನಿಮಾದಲ್ಲಿ ಅಲ್ಲು ಅರ್ಜುನ್ ನೃತ್ಯಭಂಗಿ ಎಲ್ಲರ ಗಮನ ಸೆಳೆದಿದೆ. ನೃತ್ಯ ಕೌಶಲವನ್ನು ಮೆಚ್ಚಿಕೊಂಡ ಅಭಿಮಾನಿಗಳು ವಿಭಿನ್ನ ಪ್ರಯೋಗಗಳನ್ನು ಮಾಡಿ ಮೆಚ್ಚುಗೆ ಗಳಿಸುತ್ತಿದ್ದಾರೆ. ಮುಂದೆ ಓದಿ...
ಬುಟ್ಟ ಬೊಮ್ಮಾ ಸೂಪರ್ ಹಿಟ್
'ಅಲಾ ವೈಕುಂಟಪುರಮುಲೋ' ಚಿತ್ರದ ಹಾಡುಗಳಲ್ಲಿಯೇ ಅತಿ ಹೆಚ್ಚು ಜನಪ್ರಿಯತೆ ಗಳಿಸಿರುವುದು, ಕ್ಯಾಚಿ ಎನಿಸಿರುವುದು 'ಬುಟ್ಟ ಬೊಮ್ಮಾ' ಹಾಡು. ಇದು ಎಲ್ಲರ ಅಚ್ಚುಮೆಚ್ಚಿನ ಗೀತೆಯಾಗಿದೆ. ಪೂಜಾ ಹೆಗ್ಡೆ ಜತೆ ಸ್ಟೈಲಿಶ್ ಸ್ಟಾರ್ ಅಲ್ಲು ಹಾಕಿದ ಹೆಜ್ಜೆಗಳನ್ನು ಮತ್ತೆ ಮತ್ತೆ ನೋಡಿ ಅಭಿಮಾನಿಗಳು ಅನುಕರಿಸುತ್ತಿದ್ದಾರೆ.
ಆನೆ ಜತೆ ಟಿಕ್ ಟಾಕ್ ವಿಡಿಯೋ
ಇದರ ನಡುವೆ ಅಲ್ಲು ಅರ್ಜುನ್ ಅಭಿಮಾನಿಯೊಬ್ಬರ ಟಿಕ್ ಟಾಕ್ ನೃತ್ಯದ ವಿಡಿಯೋ ವೈರಲ್ ಆಗಿದೆ. ಆನೆಯ ಜತೆಗೆ 'ಬುಟ್ಟ ಬೊಮ್ಮಾ' ಹಾಡಿನ ಟಿಕ್ ಟಾಕ್ ವಿಡಿಯೋ ನೆಟ್ಟಿಗರ ಮನಗೆದ್ದಿದೆ. ಫ್ಯಾನ್ಸ್ ಹೀಗೆ ವಿಶಿಷ್ಟ ಪ್ರಯೋಗಗಳನ್ನು ಮಾಡುವುದು ಹೊಸತಲ್ಲ. ಆದರೆ ಆನೆಯ ಜತೆಗಿನ ಟಿಕ್ ಟಾಕ್ ಮುದ್ದಾಗಿದೆ ಎನ್ನುವುದು ಎಲ್ಲರ ಅಭಿಪ್ರಾಯ.
ಅಲಾ ವೈಕುಂಠಪುರಂಲೋ ಸಕ್ಸಸ್: ಮುಂಬೈಯಲ್ಲಿ ಮನೆ ಖರೀದಿಸಲು ಅಲ್ಲು ಪ್ಲಾನ್
|
ಹಾಡಿಗೆ ನರ್ತಿಸಿದ ಅನೆ
ಈ ವಿಡಿಯೋದಲ್ಲಿ ಅಲ್ಲು ಅರ್ಜುನ್ ಅಭಿಮಾನಿಯೊಬ್ಬ 'ಬುಟ್ಟ ಬೊಮ್ಮಾ' ಹಾಡಿಗೆ ಆನೆಯ ಜತೆಗೆ ನರ್ತಿಸಿದ್ದಾರೆ. ಸನ್ ಗ್ಲಾಸ್ ಹಾಕಿಕೊಂಡ ಅಭಿಮಾನಿ, ಕಪ್ಪು ಅಂಗಿ ಮತ್ತು ನೀಲಿ ಜೀನ್ಸ್ ಪ್ಯಾಂಟ್ನಲ್ಲಿ ಅಲ್ಲು ಅವರನ್ನು ಅನುಕರಿಸಿದ್ದಾರೆ. ಅವರ ಹಿಂದೆ ನೀರಿನಲ್ಲಿ ನಿಂತ ಆನೆ ಹಾಡಿನ ಲಯಕ್ಕೆ ತಕ್ಕಂತೆ ತನ್ನ ಸೊಂಡಿಲು ಆಡಿಸಿದೆ. ನಾಯಿ, ಬೆಕ್ಕುಗಳನ್ನು ಟಿಕ್ ಟಾಕ್ ವಿಡಿಯೋಕ್ಕೆ ಬಳಸಿಕೊಳ್ಳುವುದನ್ನು ನೋಡಿದ್ದೇವೆ. ಆದರೆ ಆನೆಯೊಂದು ಹೀಗೆ ಹಾಡಿಗೆ ತನ್ನ ದೇಹ ಬಳುಕಿಸಿರುವುದು ವಿಶೇಷ ಎನಿಸಿದೆ.
40 ಮಿಲಿಯನ್ ವೀಕ್ಷಣೆ
ಅಂದಹಾಗೆ, ಅಲಾ ವೈಕುಂಠಪುರಮುಲೋ ಚಿತ್ರದ ಬುಟ್ಟ ಬೊಮ್ಮಾ ವಿಡಿಯೋ ಹಾಡು ಯೂಟ್ಯೂಬ್ನಲ್ಲಿ 40 ಮಿಲಿಯನ್ ಬಾರಿ ವೀಕ್ಷಣೆಗೆ ಒಳಗಾಗಿದೆ. ಅರ್ಮಾನ್ ಮಲಿಕ್ ಹಾಡಿರುವ ಈ ಹಾಡಿಗೆ ಸಂಗೀತ ನೀಡಿರುವುದು ಎಸ್. ತಮನ್. ಇದರಲ್ಲಿನ ಅಲ್ಲು ಅರ್ಜುನ್ ಮತ್ತು ಪೂಜಾ ಹೆಗ್ಡೆ ನೃತ್ಯಕ್ಕೂ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.