'ಬಾಹುಬಲಿ' ಬಿಟ್ಟರೆ ಟಾಲಿವುಡ್ ಕಲೆಕ್ಷನ್ ನಲ್ಲಿ ಅಲ್ಲು ಅರ್ಜುನ್ 'ಕಿಂಗ್'.!

ಒಟ್ಟು ಕಲೆಕ್ಷನ್ ಎಷ್ಟು.?

ತೆಲಂಗಾಣ ಮತ್ತು ಆಂಧ್ರಪ್ರದೇಶದಲ್ಲಿ ಮಾತ್ರ 15 ದಿನಗಳಲ್ಲಿ 116.44 ಕೋಟಿ ಕಲೆಕ್ಷನ್ ಮಾಡಿದೆ 'ಅಲಾ ವೈಕುಂಠಪುರಮುಲೋ' ಚಿತ್ರ. ರಾಜಮೌಳಿ ನಿರ್ದೇಶನದ 'ಬಾಹುಬಲಿ' ಬಿಟ್ಟರೆ ತೆಲಂಗಾಣ ಮತ್ತು ಆಂಧ್ರಪ್ರದೇಶದಲ್ಲಿ ಇಷ್ಟೊಂದು ಕಲೆಕ್ಷನ್ ಮಾಡಿರೋದು 'ಅಲಾ ವೈಕುಂಠಪುರಮುಲೋ' ಚಿತ್ರ ಮಾತ್ರ.

ರೇಸ್ ನಲ್ಲಿ ಗೆದ್ದಿದ್ದು ಅಲ್ಲು ಅರ್ಜುನ್

ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಅಲ್ಲು ಅರ್ಜುನ್ ಅಭಿನಯದ 'ಅಲಾ ವೈಕುಂಠಪುರಮುಲೋ' ಮತ್ತು ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಸಿನಿಮಾ ಒಂದು ದಿನದ ಅಂತರದಲ್ಲಿ ಬಿಡುಗಡೆ ಆಗಿತ್ತು. ಈ ಎರಡು ಚಿತ್ರಗಳ ಪೈಕಿ ಅತಿ ಹೆಚ್ಚು ಕಲೆಕ್ಷನ್ ಮಾಡುತ್ತಾ ಮುನ್ನುಗ್ಗುತ್ತಿರುವುದು 'ಅಲಾ ವೈಕುಂಠಪುರಮುಲೋ'.!

'ಸರಿಲೇರು ನೀಕೆವ್ವರು' ಮಾಡಿರುವ ಕಲೆಕ್ಷನ್ ಎಷ್ಟು.?

ಬಿಡುಗಡೆ ಆದ 16 ದಿನಗಳಲ್ಲಿ ಮಹೇಶ್ ಬಾಬು ನಟನೆಯ 'ಸರಿಲೇರು ನೀಕೆವ್ವರು' ಚಿತ್ರ 109.94 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಕಲೆಕ್ಷನ್ ರೇಸ್ ನಲ್ಲಿ ಅಲ್ಲು ಅರ್ಜುನ್ ನ ಹಿಂದಕ್ಕೆ ತಳ್ಳುವಲ್ಲಿ ಮಹೇಶ್ ಬಾಬು ಯಶಸ್ವಿ ಆಗಿಲ್ಲ.

ವರ್ಲ್ಡ್ ವೈಡ್ ಕಲೆಕ್ಷನ್ ಎಷ್ಟು.?

ವರದಿಯೊಂದರ ಪ್ರಕಾರ, ಭಾರತದಲ್ಲಿ 'ಅಲಾ ವೈಕುಂಠಪುರಮುಲೋ' ಚಿತ್ರದ ಕಲೆಕ್ಷನ್ 183.40 ಕೋಟಿ. ಇನ್ನೂ ವರ್ಲ್ಡ್ ವೈಡ್ ಲೆಕ್ಕಾಚಾರ ತೆಗೆದುಕೊಂಡರೆ 15 ದಿನಗಳಲ್ಲಿ ಅಲ್ಲು ಅರ್ಜುನ್ ಚಿತ್ರ 247 ಕೋಟಿ ಬಾಚಿಕೊಂಡಿದೆ. ಅಲ್ಲು ಅರ್ಜುನ್ ವೃತ್ತಿ ಜೀವದಲ್ಲಿಯೇ ಇದು ಹೊಸ ದಾಖಲೆ.

ಅಲ್ಲು ಅರ್ಜುನ್ ಗೆ ಖುಷಿಯೋ ಖುಷಿ.!

'ನಾ ಪೇರು ಸೂರ್ಯ' ಫ್ಲಾಪ್ ಆದ್ಮೇಲೆ ಒಂದು ವರ್ಷ ಗ್ಯಾಪ್ ತೆಗೆದುಕೊಂಡು 'ಅಲಾ ವೈಕುಂಠಪುರಮುಲೋ' ಮೂಲಕ ಬಂದ ಅಲ್ಲು ಅರ್ಜುನ್ ಇದೀಗ ಚಿತ್ರದ ಯಶಸ್ಸಿನಿಂದ ಸಿಕ್ಕಾಪಟ್ಟೆ ಖುಷಿಯಲ್ಲಿದ್ದಾರೆ. ಇದೇ ಖುಷಿಯಲ್ಲಿ ಚಿತ್ರತಂಡ, ಗೆಳೆಯರು ಮತ್ತು ಪತ್ರಿಕಾ-ಮಾಧ್ಯಮ ಮಿತ್ರರಿಗೆ ಲ್ಯಾವಿಶ್ ಪಾರ್ಟಿ ಕೊಡುತ್ತಿದ್ದಾರೆ ಅಲ್ಲು ಅರ್ಜುನ್.