"ನಿನ್ನ ರೇಟ್ ಎಷ್ಟು" ? ಎಂದವನಿಗೆ ಮುಟ್ಟಿ ನೋಡಿಕೊಳ್ಳುವಂಥಾ ಉತ್ತರ ಕೊಟ್ಟ ಅನಸೂಯ!

ನಿನ್ನ ರೇಟ್ ಎಷ್ಟು ಎಂದವನಿಗೆ ತಿರುಗೇಟು!

ನಾನು ಯಾಕಾದರೂ ವಿಜಯ್ ದೇವರಕೊಂಡನ ಕೆಣಕಿದೆನೋ ಎಂದು ಪಶ್ಚಾತಾಪ ಪಡುವಂತೆ ಸೋಶಿಯಲ್ ಮೀಡಿಯಾದಲ್ಲಿ ಅನಸೂಯನ ಕೆಲವರು ಟ್ರೋಲ್ ಮಾಡುತ್ತಿದ್ದಾರೆ. ಅದರಲ್ಲೂ ಒಬ್ಬ ನೆಟ್ಟಿನ 'ನಿನ್ನ ರೇಟ್ ಎಷ್ಟು' ಎನ್ನುವಂತೆ ಟ್ವೀಟ್ ಮಾಡಿದ್ದಾನೆ. ಇದಕ್ಕೆ ಜವಾಬು ಕೊಟ್ಟಿರುವ ಅನಸೂಯ "ನಿಮ್ಮ ತಂಗಿಯನ್ನೋ ಅಥವಾ ನಿಮಗೆ ಮದುವೆ ಆಗಿದ್ದು, ಅಥವಾ ತಂಗಿಗೆ ಒಂದು ದಿನಕ್ಕೆ ಎಷ್ಟು? ಅದೇ ಒಂದು ದಿನ ಆಫೀಸ್‌ನಲ್ಲಿ ಎಷ್ಟು? ಎಂದು ಕೇಳಿದರೆ ಏನ್ ಹೇಳುತ್ತೀರಾ?" ತಿರುಗೇಟು ನೀಡಿದ್ದಾರೆ.

ಈ ಟ್ವೀಟ್ ಗಲಾಟೆ ಶುರುವಾಗಿದ್ದು ಹೇಗೆ?

5 ವರ್ಷಗಳ ಹಿಂದೆ ವಿಜಯ್ ದೇವರಕೊಂಡ ನಟನೆಯ 'ಅರ್ಜುನ್ ರೆಡ್ಡಿ' ಸಿನಿಮಾ ರಿಲೀಸ್ ಆಗಿತ್ತು. ಚಿತ್ರದಲ್ಲಿ ವಿಜಯ್ ದೇವರಕೊಂಡ ಮ್ಯಾನರಿಸಂ ಹಾಗೂ ಆಟಿಟ್ಯೂಡ್ ಬಹಳ ವಿಭಿನ್ನವಾಗಿ ಇತ್ತು. ಸಿಕ್ಕಾಪಟ್ಟೆ ರಗಡ್ ಆಗಿ ಕ್ಯಾರೆಕ್ಟರೈಸೇಷನ್ ಮಾಡಲಾಗಿತ್ತು. ಚಿತ್ರದ ದೃಶ್ಯವೊಂದರಲ್ಲಿ ತಾಯಿಯನ್ನು ಬೈಯುವಂತಹ ಸಂಭಾಷಣೆ ಇತ್ತು. ಸೆನ್ಸಾರ್ ಮಂಡಳಿ ಇದನ್ನು ಮ್ಯೂಟ್ ಮಾಡಿಸಿತ್ತು. ಆದರೆ ಚಿತ್ರದ ಪ್ರೀ ರಿಲೀಸ್ ಈವೆಂಟ್‌ನಲ್ಲಿ ಇದೇ ಪದವನ್ನು ಅಭಿಮಾನಿಗಳ ಬಾಯಲ್ಲಿ ವಿಜಯ್ ದೇವರಕೊಂಡ ಹೇಳಿಸಿದ್ದರು. ಇದಕ್ಕೆ ನಿರೂಪಕಿ ಅನಸೂಯ ಆಕ್ಷೇಪ ವ್ಯಕ್ತಪಡಿಸಿದ್ದರು. ಅಂದು ತಾಯಿ ಬಗ್ಗೆ ದೇವರಕೊಂಡ ಬೈದ ಪಾಪಕ್ಕೆ 'ಲೈಗರ್' ಚಿತ್ರ ಸೋತಿದೆ ಅನ್ನುವ ಅರ್ಥದಲ್ಲಿ ಅನಸೂಯ ಟ್ವೀಟ್ ಮಾಡಿದ್ದರು.

ಅನಸೂಯಾಗೆ ನಟಿ ಶ್ರದ್ಧಾ ದಾಸ್ ಬೆಂಬಲ

ವಯಸ್ಸಿನ ಕಾರಣಕ್ಕೆ ಆಂಟಿ ಎಂದು ಅವಮಾನ ಮಾಡಬೇಡಿ ಎಂದು ಅನಸೂಯ ಹೇಳುತ್ತಾ ಬರುತ್ತಿದ್ದಾರೆ. ಇದೇ ವಿಚಾರಕ್ಕೆ ಸಂಬಂಧಿಸಿ ನಟಿ ಶ್ರದ್ಧಾ ದಾಸ್ ಟ್ವೀಟ್ ಮಾಡಿದ್ದರು. "ನಿನಗಿಂತ ಅರ್ಧ ವಯಸ್ಸಿಯ ಹುಡುಗಿಯರಿಗಿಂತ ನೀನೇ ಚೆನ್ನಾಗಿದ್ದೀಯಾ. ನಿನಗಿಂತ ಹೆಚ್ಚು ವಯಸ್ಸಿನ ಅಂಕಲ್‌ಗಳಿಗಿಂತ ನೀನೇ ಹಾಟ್ ಆಗಿ ಕಾಣಿಸುತ್ತೀಯಾ, ನಾನು ಯಾವಾಗಲೂ ನಿನಗೆ ಅಭಿಮಾನಿ" ಎಂದು ಬರೆದುಕೊಂಡಿದ್ದರು. ಇದೇ ಕಾರಣಕ್ಕೆ ನಟಿ ಶ್ರದ್ಧಾ ದಾಸ್‌ನ ಕೆಲವರು ಟ್ರೋಲ್ ಮಾಡಿದ್ದರು.

ಕಿರುತೆರೆಯ ಜನಪ್ರಿಯ ನಿರೂಪಕಿ ಅನಸೂಯ

ಕಿರುತೆರೆಯ 'ಜಬರ್ದಸ್ತ್‌' ಕಾಮಿಡಿ ಶೋ ನಿರೂಪಕಿಯಾಗಿ ಅನಸೂಯ ಭಾರಧ್ವಜ್ ಜನಪ್ರಿಯತೆ ಗಳಿಸಿದರು. ನಂತರ ಒಂದಷ್ಟು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. 'ರಂಗಸ್ಥಳಂ' ಹಾಗೂ 'ಪುಷ್ಪ' ಆಕೆಯ ನಟನೆಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಇತ್ತೀಚಿಗೆ 'ಜಬರ್ದಸ್ತ್‌' ಶೋ ಬಿಟ್ಟು ಹೊರ ಬಂದಿರುವ ಅನಸೂಯ ಮತ್ತೊಂದು ವಾಹಿನಿಯಲ್ಲಿ 'ಅಗಟ್ಟುನುಂಟಾವಾ ಈಗಟ್ಟುಕೊಸ್ತಾವಾ' ಅನ್ನುವ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದಾರೆ. 'ಪುಷ್ಪ'- 2 ಚಿತ್ರದಲ್ಲೂ ನಟಿಸಲಿದ್ದಾರೆ.