ಟೈಟ್ ಜಿಮ್‌ ಡ್ರೆಸ್‌ನಲ್ಲಿ ಅನಸೂಯಾ ಭಾರಧ್ವಜ್ ಹಾಟ್ ವರ್ಕ್‌ಔಟ್: ವಿಡಿಯೋ ಫುಲ್ ವೈರಲ್

ತೆಲುಗು ನಟಿ, ನಿರೂಪಕಿ ಅನಸೂಯಾ ಭಾರಧ್ವಜ್ ಇತ್ತೀಚಿಗೆ ಬಿಕಿನಿ ಫೋಟೊಗಳನ್ನು ಶೇರ್ ಮಾಡಿ ಸುದ್ದಿ ಆಗಿದ್ದರು. ಪತಿಯ ಜೊತೆ ವಿದೇಶ ಪ್ರವಾಸ ಕೈಗೊಂಡಿದ್ದ ಚೆಲುವೆ ಬಿಳಿ ಬಣ್ಣದ ಬಿಕಿನಿ ತೊಟ್ಟು ಕಾಣಿಸಿಕೊಂಡಿದ್ದರು. ಆ ಫೋಟೊ, ವಿಡಿಯೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇದೀಗ 'ಪುಷ್ಪ' ಸಿನಿಮಾ ಬೆಡಗಿ ಜಿಮ್ ವರ್ಕೌಟ್ ವಿಡಿಯೋ ಪೋಸ್ಟ್ ಮಾಡಿದ್ದಾರೆ.

'ಜಬರ್ದಸ್ತ್' ಕಿರುತೆರೆ ಕಾಮಿಡಿ ಶೋನಿಂದ ನೇಮು ಫೇಮು ಗಳಿಸಿದ ಅನಸೂಯ ನಂತರ ಚಿತ್ರರಂಗಕ್ಕೆ ಬಂದರು. ರಾಮ್‌ಚರಣ್‌ ನಟನೆಯ 'ರಂಗಸ್ಥಳಂ' ಚಿತ್ರದಲ್ಲಿ ರಂಗಮ್ಮತ್ತ ಪಾತ್ರದಲ್ಲಿ ಮಿಂಚಿದರು. ಬಳಿಕ ಸುಕುಮಾರ್ ನಿರ್ದೇಶನದ 'ಪುಷ್ಪ' ನೆಗೆಟಿವ್ ರೋಲ್‌ನಲ್ಲಿ ಕಾಣಿಸಿಕೊಂಡು ಗಮನ ಸೆಳೆದರು. ಇದೀಗ ಕಿರುತೆರೆಗೆ ಗುಡ್‌ಬೈ ಹೇಳಿ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. 2 ಮಕ್ಕಳ ತಾಯಿಯಾದರೂ ಈಗಲೂ ಸಿಕ್ಕಾಪಟ್ಟೆ ಗ್ಲಾಮರಸ್‌ ಆಗಿ ಅನು ಕಾಣಿಸಿಕೊಳ್ಳುತ್ತಾರೆ.

ಅನಸೂಯ ಇತ್ತೀಚೆಗೆ ಪೋಸ್ಟ್ ಮಾಡಿದ್ದ ಬಿಕಿನಿ ಫೋಟೊಗಳು, ವಿಡಿಯೋಗಳು ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಲಕ್ಷ ಲಕ್ಷ ಲೈಕ್ಸ್, ಕಾಮೆಂಟ್ಸ್ ಗಿಟ್ಟಿಸಿಕೊಂಡಿತ್ತು. ಕೆಲವರು ಇದೆಲ್ಲಾ ಬೇಕಾ ಎಂದು ಟ್ರೋಲ್ ಮಾಡಿದ್ದರು. ಆದರೆ ಅದಕ್ಕೆಲ್ಲಾ ತಲೆ ಕೆಡಿಸಿಕೊಳ್ಳದೇ ನನ್ನ ಲೈಫ್, ನನ್ನ ಇಷ್ಟ ನಿಮಗೇನು ಸಮಸ್ಯೆ ಎನ್ನುವಂತೆ ತಿರುಗೇಟು ನೀಡಿದ್ದರು. ಆದರೆ ಸುಖಾಸುಮ್ಮನೆ ತಮ್ಮ ಹೆಸರು ಎಳೆದು ತಂದು ಟ್ರೋಲ್ ಮಾಡುವವರ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದರು.

ಜಿಮ್‌ನಲ್ಲಿ ಹಾಟ್ ವರ್ಕೌಟ್

ಬಿಕಿನಿ ತೊಟ್ಟು ಮೈಮಾಟ ಪ್ರದರ್ಶಿಸಿ ಅಭಿಮಾನಿಗಳ ಮನಗೆದ್ದ ಅನಸೂಯ ಭಾರಧ್ವಜ್ ಈಗ ಜಿಮ್‌ ವಿಡಿಯೋ ಶೇರ್ ಮಾಡಿದ್ದಾರೆ. ಟೈಟ್ ಜಿಮ್ ಡ್ರೆಸ್‌ನಲ್ಲಿ ಸಿಕ್ಕಾಪಟ್ಟೆ ದೇಹ ದಂಡಿಸಿದ್ದಾರೆ. ಎಂಡ್ ವಿತ್ ಆಬ್ಸ್ ಎಂದು ಬರೆದು ವಿಡಿಯೋವನ್ನು ಇನ್‌ಸ್ಟಾ ಸ್ಟೋರಿಯಲ್ಲಿ ಹಾಕಿದ್ದಾರೆ. ಬ್ಲಾಕ್‌ ಕಲರ್ ಜಿಮ್ ಕಾಸ್ಟ್ಯೂಮ್‌ನಲ್ಲಿ ಸಿಕ್ಕಾಪಟ್ಟೆ ಬಿಂದಾಸ್ ಆಗಿ ಅನು ದರ್ಶನ ಕೊಟ್ಟಿದ್ದಾರೆ.

ಸಣ್ಣಗಾಗಲೂ ಅನು ದೇಹದಂಡನೆ

ಇತ್ತೀಚೆಗೆ ಬರೀ ಸಿನಿಮಾಗಳಲ್ಲಿ ಅನಸೂಯ ನಟಿಸುತ್ತಿದ್ದಾರೆ. ಅದಕ್ಕಾಗಿ ಮತ್ತಷ್ಟು ಗ್ಲಾಮರಸ್ ಆಗಿ ಕಾಣಿಸಿಕೊಳ್ಳಲು ಸಣ್ಣಗಾಗುತ್ತಿದ್ದಾರೆ. ಇತ್ತೀಚೆಗೆ ಆಕೆಯ ಬಿಕಿನಿ ಫೋಟೊಗಳನ್ನು ನೋಡಿ ನೆಟ್ಟಿಗನೊಬ್ಬ ಬರೀ ಕೊಬ್ಬು ಎಂದು ಕಾಮೆಂಟ್ ಮಾಡಿದ್ದ. ಆತನಿಗೆ ಅನು ತಿರುಗೇಟು ಕೂಡ ನೀಡಿದ್ದರು. ಇದೀಗ ಮತ್ತಷ್ಟು ಸಣ್ಣಗಾಗಲು ಶ್ರಮಿಸುತ್ತಿದ್ದಾರೆ. ಇತ್ತೀಚೆಗೆ ರಾತ್ರಿಯಿಡೀ ಸಿನಿಮಾ ಚಿತ್ರೀಕರಣದಲ್ಲಿ ಭಾಗಿ ಆಗಿದ್ದ ವಿಚಾರವನ್ನು ಹಂಚಿಕೊಂಡಿದ್ದರು.

ದೇವರಕೊಂಡ ಫ್ಯಾನ್ಸ್‌ ಜೊತೆ ಕಿರಿಕ್

ಕಳೆದ ಕೆಲ ದಿನಗಳಿಂದ ವಿಜಯ್ ದೇವರಕೊಂಡ ಅಭಿಮಾನಿಗಳು ಅನುಸೂಯಾಗೆ 'ಆಂಟಿ' ಎಂದು ಟ್ರೋಲ್ ಮಾಡುತ್ತಿದ್ದಾರೆ. ವಿಜಯ್ ದೇವರಕೊಂಡ ನಟಿಸಿದ 'ಲೈಗರ್' ಸಿನಿಮಾ ಹೀನಾಯವಾಗಿ ಸೋತಿದ್ದು ಗೊತ್ತೇಯಿದೆ. ಈ ಸೋಲಿಗೆ ಆತನ ಕರ್ಮ ಕಾರಣ ಎನ್ನುವ ಅರ್ಥದಲ್ಲಿ ಅನಸೂಯ ಒಂದು ಟ್ವೀಟ್ ಮಾಡಿದ್ದರು. ಇದರ ಬೆನ್ನಲ್ಲೇ ದೇವರಕೊಂಡ ಅಭಿಮಾನಿಗಳು ಆಕೆಯ ವಿರುದ್ಧ ತಿರುಗಿ ಬಿದ್ದಿದ್ದರು. ಆಕೆ ಏನೇ ಪೋಸ್ಟ್ ಮಾಡಿದರೂ ನೆಗೆಟಿವ್ ಕಾಮೆಂಟ್ ಮಾಡಲು ಆರಂಭಿಸಿದರು.

ಟ್ರೋಲಿಗರಲ್ಲಿ ಅನಸೂಯ ಮನವಿ

ಇತ್ತೀಚೆಗೆ ಸರಣಿ ಟ್ವೀಟ್ ಮಾಡಿದ್ದ ಅನಸೂಯಾ, "ಎಲ್ಲರಿಗೂ ನಮಸ್ಕಾರ. ಕೆಲ ದಿನಗಳಿಂದ ನನ್ನ ಕುರಿತಾಗಿ ಸಾಕಷ್ಟು ಟ್ವೀಟ್‌ ನೋಡುತ್ತಿದ್ದೇನೆ. ಸಿನಿಮಾ ಹಾಗೂ ರಾಜಕೀಯ ಮುಖಂಡರಿಗೆ ಅಗೌರವ ತೋರಲು ನನ್ನ ಹೆಸರು ಬಳಸಲಾಗುತ್ತಿದೆ. ಇದರಿಂದ ನನ್ನ ಗೌರವಕ್ಕೆ ಧಕ್ಕೆ ಬರುತ್ತಿದೆ. ಅವರಿಗೂ ನನಗೂ ಯಾವುದೇ ಸಂಬಂಧವಿಲ್ಲ. ಇದರಿಂದ ಅನಗತ್ಯ ನೋವು ಉಂಟಾಗುತ್ತಿದೆ. ಇದು ನನ್ನ ಜೀವನ. ಕೊಚ್ಚಿಕೊಳ್ಳಲು ನನ್ನ ಬಳಿ PR ಟೀಂ ಇಲ್ಲ. ನನ್ನ ಬಗ್ಗೆ ನೀವು ಮೆಚ್ಚುಗೆ ಸೂಚಿಸದಿದ್ದರೂ ಪರವಾಗಿಲ್ಲ ಕನಿಷ್ಠ ಪಕ್ಷ ನನ್ನಿಂದ ದೂರ ಇರಿ" ಎಂದು ಮನವಿ ಮಾಡಿದ್ದರು.