ರಾಮಲಕ್ಷ್ಮಿ ಪಾತ್ರಕ್ಕೆ ಅನುಪಮಾ ಆಡಿಷನ್: ಚೆನ್ನಾಗಿ ನಟಿಸಿದ್ರು ಸುಕುಮಾರ್ ರಿಜೆಕ್ಟ್ ಮಾಡಿದ್ದೇಕೆ?

ಅನುಪಮಾಗೆ ಸುಕ್ಕು ಬಹುಪರಾಕ್

'ರಂಗಸ್ಥಳಂ' ಚಿತ್ರದಲ್ಲಿ ಸಮಂತಾ ಲಂಗಾ ದಾವಣಿಯಲ್ಲಿ ಹಳ್ಳಿ ಹುಡುಗಿಯಾಗಿ ಮಿಂಚಿದ್ದರು. ಇದೇ ಪಾತ್ರಕ್ಕೆ ಅನುಪಮಾ ಸೂಟ್ ಆಗುತ್ತಾರೆ ಎಂದು ಸುಕುಮಾರ್ ಅಂದುಕೊಂಡಿದ್ದರಂತೆ. "ಆಕೆ ಒಳ್ಳೆ ನಟಿ, ನೋಡಲು ಸುಂದರವಾಗಿದ್ದಾರೆ. ತೆಲುಗು ಕೂಡ ಮಾತನಾಡುತ್ತಾರೆ. ಇದು ಆಕೆಗೆ ಇರುವ ಮತ್ತೊಂದು ಒಳ್ಳೆ ಕ್ವಾಲಿಟಿ. ಅನುಪಮಾ ರಂಗಸ್ಥಳಂ ಚಿತ್ರದಲ್ಲೂ ನಟಿಸಬೇಕಿತ್ತು" ಎಂದಿದ್ದಾರೆ.

ಅನುಪಮಾ ರಿಜೆಕ್ಟ್ ಆಗಿದ್ದೇಕೆ?

"ಚಿತ್ರದ ಆಡಿಷನ್‌ಗೆ ಅನುಪಮಾ ಬಂದಿದ್ದರು. ಚೆನ್ನಾಗಿ ನಟಿಸಿ ತೋರಿಸಿದ್ದರು. ಆದರೆ ಏನೇ ಕೇಳಿದರೂ ಅವರ ಅಮ್ಮನ ಮುಖ ನೋಡುತ್ತಿದ್ದರು. ವಯಸ್ಸಿನಲ್ಲಿ ಚಿಕ ಹುಡುಗಿ. ಹಾಗಾಗಿ ಸಂದೇಹ ಬಂದು ಆಕೆಯನ್ನು ರಿಜೆಕ್ಟ್ ಮಾಡಿದ್ದೆ. ಅನುಪಮಾ ಆ ಚಿತ್ರದಲ್ಲಿ ನಟಿಸಿದ್ದರೆ ಚೆನ್ನಾಗಿತ್ತು. ಮುಂದಿನ ದಿನಗಳಲ್ಲಿ ಖಂಡಿತ ಆಕೆಯ ಜೊತೆ ಸಿನಿಮಾ ಮಾಡುತ್ತೇನೆ" ಎಂದು ಸುಕುಮಾರ್ ವಿವರಿಸಿದ್ದಾರೆ.

ಹಳ್ಳಿ ತುಂಟ ಹುಡ್ಗಿಯಾಗಿ ಸ್ಯಾಮ್

ಅನುಪಮಾಗೆ ಆತ್ಮವಿಶ್ವಾಸ ಕಮ್ಮಿ ಇತ್ತು. ಹಾಗಾಗಿ ಆಕೆಯನ್ನು 'ರಂಗಸ್ಥಳಂ' ಚಿತ್ರದಿಂದ ಕೈಬಿಟ್ಟಿದ್ದಾಗಿ ಸುಕುಮಾರ್ ಪರೋಕ್ಷವಾಗಿ ಹೇಳಿದ್ದಾರೆ. ಅನುಭವಿ ನಟಿ ಸಮಂತಾ ಅವರನ್ನು ಪಾತ್ರಕ್ಕೆ ಆಯ್ಕೆ ಮಾಡಿಕೊಂಡಿದ್ದರು. ಸ್ಯಾಮ್ ಕರಿಯರ್‌ನಲ್ಲಿ ಇದು ಒಳ್ಳೆ ಸಿನಿಮಾ ಎನಿಸಿಕೊಂಡಿದ್ದು ಸುಳ್ಳಲ್ಲ. ಹಳ್ಳಿಯ ತುಂಟ ಹುಡುಗಿ ರಾಮಲಕ್ಷ್ಮಿಯಾಗಿ ಚಿಟ್ಟಿಬಾಬುನ ಕಾಡಿದ್ದರು.

ಈ ವಾರ '18 ಪೇಜಸ್' ರಿಲೀಸ್

'ರಂಗಸ್ಥಳಂ' ಚಿತ್ರದಲ್ಲಿ ಅನುಪಮಾ ನಟಿಸಿದ್ದರೆ ಒಳ್ಳೆ ಬ್ರೇಕ್ ಸಿಗುತ್ತಿತ್ತು. ಸ್ಟಾರ್ ನಟರ ಜೊತೆ ನಟಿಸೋ ಅವಕಾಶಗಳು ಅರಸಿ ಬರುತ್ತಿತ್ತು. ಒಳ್ಳೆ ಅವಕಾಶವನ್ನು ಕೈಯಾರ ಹಾಳು ಮಾಡಿಕೊಂಡಂತೆ ಕಾಣ್ತಿದೆ. ಇನ್ನು 'ಪುಷ್ಪ- 2' ಸಿನಿಮಾ ಶೂಟಿಂಗ್‌ನಲ್ಲಿ ಬ್ಯುಸಿಯಾಗಿರುವ ನಿರ್ದೇಶಕ ಸುಕುಮಾರ್ ಮತ್ತೊಂದು ಕಡೆ '18 ಪೇಜಸ್' ಚಿತ್ರ ರಿಲೀಸ್ ಮಾಡುತ್ತಿದ್ದಾರೆ.