ಸ್ಟಾರ್ ಕ್ರಿಕೆಟರ್ ಜೊತೆ ಮದುವೆ ವದಂತಿ: ಸ್ಪಷ್ಟನೆ ಕೊಟ್ಟ ಅನುಷ್ಕಾ ಶೆಟ್ಟಿ.!

ಎಲ್ಲಾ ಸುಳ್ಳು.. ಸುಳ್ಳು..

''ಕ್ರಿಕೆಟರ್ ಜೊತೆಗಿನ ಡೇಟಿಂಗ್ ಮತ್ತು ಮದುವೆ ಸುದ್ದಿ ಶುದ್ಧ ಸುಳ್ಳು. ನಾನು ಯಾವ ಕ್ರಿಕೆಟರ್ ಜೊತೆಗೂ ಎಂಗೇಜ್ ಆಗಿಲ್ಲ. ಅದರ ಬಗ್ಗೆ ಮಾತನಾಡುವ ಮುನ್ನ ಸತ್ಯವನ್ನು ತಿಳಿದುಕೊಳ್ಳಿ'' ಎಂದು ಹೇಳುವ ಮೂಲಕ ಎಲ್ಲಾ ಗಾಸಿಪ್ ಗೆ ಫುಲ್ ಸ್ಟಾಪ್ ಇಟ್ಟಿದ್ದಾರೆ ನಟಿ ಅನುಷ್ಕಾ ಶೆಟ್ಟಿ.

ಅಪ್ಪ-ಅಮ್ಮ ತೋರಿಸಿದ ಹುಡುಗನ ಜೊತೆಗೆ ಮದುವೆ

''ಕುಟುಂಬದವರ ಇಚ್ಛೆಯಂತೆ ನನ್ನ ಮದುವೆ ನಡೆಯಲಿದೆ. ಅಪ್ಪ-ಅಮ್ಮ ತೋರಿಸಿದ ಹುಡುಗನನ್ನು ನಾನು ಮದುವೆ ಆಗುತ್ತೇನೆ. ಫ್ಯಾಮಿಲಿಯ ಇಷ್ಟದಂತೆ ಆದಷ್ಟು ಬೇಗ ಮದುವೆ ಆಗುತ್ತೇನೆ'' ಎಂದು ಅನುಷ್ಕಾ ಶೆಟ್ಟಿ ತಿಳಿಸಿದ್ದಾರೆ.

ಅನುಷ್ಕಾ ಮದುವೆ ಗಾಸಿಪ್ ಒಂದೆರಡಲ್ಲ.!

ಬೆಂಗಳೂರು ಮೂಲದ ಬಿಸಿನೆಸ್ ಮ್ಯಾನ್ ಒಬ್ಬರನ್ನ ಅನುಷ್ಕಾ ಶೆಟ್ಟಿ ಮದುವೆ ಆಗ್ತಾರಂತೆ ಎಂಬ ಅಂತೆ-ಕಂತೆ ಮೊದಲು ಕೇಳಿಬಂದಿತ್ತು. ಆನಂತರ 'ಬಾಹುಬಲಿ' ಪ್ರಭಾಸ್ ಜೊತೆಗೆ ಅನುಷ್ಕಾ ಶೆಟ್ಟಿ ಹೆಸರು ತಳುಕು ಹಾಕಿಕೊಂಡಿತ್ತು. ಬಳಿಕ ಕ್ರಿಕೆಟರ್ ಜೊತೆಗೆ ಅನುಷ್ಕಾ ಶೆಟ್ಟಿ ವಿವಾಹ ಎಂಬ ಗಾಸಿಪ್ ಹಬ್ಬಿತ್ತು. ಈ ಎಲ್ಲಾ ಗಾಸಿಪ್ ಗಳಿಗೂ ಸ್ಪಷ್ಟನೆ ಕೊಟ್ಟು ಬ್ರೇಕ್ ಹಾಕಿದ್ದಾರೆ ನಟಿ ಅನುಷ್ಕಾ ಶೆಟ್ಟಿ.

ಅತ್ಯಂತ ದುಬಾರಿ ನಟಿ

ಟಾಲಿವುಡ್ ನಲ್ಲಿ ಸದ್ಯ ಬಹು ಬೇಡಿಕೆಯ ಮತ್ತು ಅತ್ಯಂತ ದುಬಾರಿ ನಟಿ ಎಂಬ ಖ್ಯಾತಿಗೆ ಅನುಷ್ಕಾ ಶೆಟ್ಟಿ ಪಾತ್ರರಾಗಿದ್ದಾರೆ. ಅನುಷ್ಕಾ ಶೆಟ್ಟಿ ಅಭಿನಯದ 'ನಿಶಬ್ಧಂ' ಬಿಡುಗಡೆಗೆ ಸಿದ್ಧವಾಗಿದೆ. ಅನುಷ್ಕಾ ಶೆಟ್ಟಿ ಕೈಯಲ್ಲಿ ಇನ್ನೂ ಎರಡ್ಮೂರು ಚಿತ್ರಗಳಿವೆ.