ವಿಡಿಯೋ: ರಷ್ಯಾದಲ್ಲೂ ಪ್ರಭಾಸ್ ಅಬ್ಬರ, ಟಿವಿಯಲ್ಲಿ ಬಾಹುಬಲಿ ಪ್ರಸಾರ

ರಷ್ಯಾ ಇನ್ ಇಂಡಿಯಾ ಟ್ವೀಟ್

ಭಾರತದಲ್ಲಿನ ರಷ್ಯಾದ ಧೂತಾವಾಸದ ಅಧಿಕೃತ ಟ್ವಿಟ್ಟರ್ ಖಾತೆ 'ರಷ್ಯಾ ಇನ್ ಇಂಡಿಯಾ ' ಟ್ವೀಟ್ ಮಾಡಿದ್ದು, 'ಭಾರತೀಯ ಸಿನಿಮಾ ರಷ್ಯಾದಲ್ಲಿ ಜನಪ್ರಿಯವಾಗಿದೆ. ನೋಡಿ ರಷ್ಯಾ ಟಿವಿಯಲ್ಲಿ ಬಾಹುಬಲಿ ಪ್ರಸಾರವಾಗುತ್ತಿದೆ' ಎಂದು ಬಾಹುಬಲಿ ಟಿವಿಯಲ್ಲಿ ಪ್ರಸಾರವಾಗುತ್ತಿರುವ ವಿಡಿಯೋ ಅಪ್‌ಲೋಡ್ ಮಾಡಿದ್ದಾರೆ.

ರಷ್ಯನ್ ಭಾಷೆಯಲ್ಲಿ ಬಾಹುಬಲಿ

ಬಾಹುಬಲಿ ಸಿನಿಮಾಕ್ಕೆ ರಷ್ಯನ್ ಭಾಷೆಯ ವಾಯ್ಸ್ ಓವರ್ ನೀಡಿ ರಷ್ಯಾದ ಟಿವಿಯಲ್ಲಿ ಪ್ರಸಾರ ಮಾಡಲಾಗುತ್ತಿದೆ. ರಷ್ಯನ್ ಭಾಷೆಯಲ್ಲಿ ಬಾಹುಬಲಿ, ರಾಜಮಾತಾ, ದೇವಸೇನಾ ಮಾತನಾಡುವುದು ಕೇಳುವುದಕ್ಕೆ ಮಜವೆನಿಸುತ್ತದೆ.

ನಿರ್ದೇಶಕ ರಾಜಮೌಳಿ ಹಿಂದೆ ಅವಿತುಕೊಂಡಿರುವ ಮಹಿಳೆ ಯಾರು?

ಕೆಜಿಎಫ್ ಸಿನಿಮಾವನ್ನು ರಷ್ಯನ್ ಭಾಷೆಗೆ ಡಬ್ ಮಾಡಲು ಮನವಿ

ಬಾಹುಬಲಿ ಸಿನಿಮಾ ನೋಡಿದ್ದಕ್ಕೆ ಧನ್ಯವಾದಗಳು, ಮುಂದೆ ಕೆಜಿಎಫ್ ಸಿನಿಮಾವನ್ನು ಟ್ರೈ ಮಾಡಿ ಎಂದು ಕೆಜಿಎಫ್ ಅಭಿಮಾನಿಯೊಬ್ಬರು ರಷ್ಯಾ ಧೂತಾವಾಸದ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದಾರೆ.

ಪಸಿವಾಡಿ ಪ್ರಾಣಂ ಸಿನಿಮಾ ಡಬ್ ಆಗಿತ್ತು

ಈ ಹಿಂದೆ ಚಿರಂಜೀವಿ ಅಭಿನಯದ 'ಪಸಿವಾಡಿ ಪ್ರಾಣಂ' ಸಿನಿಮಾ ರಷ್ಯನ್ ಭಾಷೆಗೆ ಡಬ್ ಆಗಿತ್ತೆಂದು ಚಿರಂಜೀವಿ ಅಭಿಮಾನಿಯೊಬ್ಬ ನೆನಪಿಸಿದ್ದಾರೆ. ಬಾಹುಬಲಿ ಸಿನಿಮಾ ರಷ್ಯಾದಲ್ಲಿ ಜನಪ್ರಿಯವಾಗಿರುವುದು ಪ್ರಭಾಸ್ ಅಭಿಮಾನಿಗಳಲ್ಲಿ ಭಾರಿ ಸಂತಸ ತಂದಿದೆ.