ಅಯ್ಯಯ್ಯೋ.. ರಶ್ಮಿಕಾ ಮಂದಣ್ಣ ಹೆಸರನ್ನ ಚಿರಂಜೀವಿ ಹೀಗಾ ಕರೆಯೋದು.!?

ಮುಖ್ಯ ಅತಿಥಿಯಾಗಿ ಬಂದಿದ್ದ ಚಿರಂಜೀವಿ

ನಟ ಮಹೇಶ್ ಬಾಬು, ರಶ್ಮಿಕಾ ಮಂದಣ್ಣ, ವಿಜಯಶಾಂತಿ ಅಭಿನಯದ 'ಸರಿಲೇರು ನೀಕ್ಕೆವ್ವರು' ಚಿತ್ರದ ಟ್ರೈಲರ್ ಬಿಡುಗಡೆ ಸಮಾರಂಭ ಇತ್ತೀಚೆಗಷ್ಟೇ ಅದ್ಧೂರಿಯಾಗಿ ನಡೆದಿತ್ತು. ಈ ಟ್ರೈಲರ್ ಬಿಡುಗಡೆ ಸಮಾರಂಭಕ್ಕೆ ಚಿರಂಜೀವಿ ಮುಖ್ಯ ಅತಿಥಿಯಾಗಿ ಬಂದಿದ್ದರು. ಚಿರಂಜೀವಿಯ ಆಶೀರ್ವಾದ ಪಡೆದು ''ಮೆಗಾ ಸ್ಟಾರ್ ಚಿರಂಜೀವಿ ನನಗೆ ಲಕ್ಕಿ ಚಾರ್ಮ್'' ಎಂದು ಇದೇ ಸಮಾರಂಭದಲ್ಲಿ ವೇದಿಕೆ ಮೇಲೆ ರಶ್ಮಿಕಾ ಮಂದಣ್ಣ ಹೇಳಿದರು.

ಟಾಲಿವುಡ್ ನಲ್ಲೂ 'ಓವರ್ ಆಕ್ಟಿಂಗ್ ರಾಣಿ' ಎಂದು ಟ್ರೋಲ್ ಆದ ರಶ್ಮಿಕಾ ಮಂದಣ್ಣ.!

ಅಯ್ಯಯ್ಯೋ.. ಚಿರಂಜೀವಿ ಹೀಗಾ ಕರೆಯೋದು.?

ಇದೇ ಕಾರ್ಯಕ್ರಮದಲ್ಲಿ ರಶ್ಮಿಕಾ ಮಂದಣ್ಣ ಬಗ್ಗೆ ಮಾತನಾಡಿದ ಚಿರಂಜೀವಿ, ಆಕೆಯ ಹೆಸರನ್ನು ಉಚ್ಛಾರಣೆ ಮಾಡಿದ್ದು ''ರಶ್ಮಿ ಮಂಡುಕ'' ಅಂತ.! ಇಡೀ ಕಾರ್ಯಕ್ರಮದಲ್ಲಿ ''ರಶ್ಮಿ ಮಂಡುಕ'' ಅಂತಲೇ ಚಿರಂಜೀವಿ ಕರೆಯುತ್ತಿದ್ದರು. ಅದನ್ನ ಸರಿ ಪಡಿಸಲು ಯಾರೂ ಮುಂದಾಗಲಿಲ್ಲ. ಚಿರಂಜೀವಿ ''ರಶ್ಮಿ ಮಂಡುಕ'' ಅಂತ ಕರೆದಿರುವುದೇ ಈಗ ಟ್ರೋಲ್ ಆಗುತ್ತಿದೆ.

ಒಂದು ಚಿತ್ರವನ್ನ ಒಪ್ಪಿಕೊಳ್ಳಲು ರಶ್ಮಿಕಾ 'ಇದನ್ನೆಲ್ಲ' ನೋಡ್ತಾರಾ.?

ರಶ್ಮಿಕಾ ಬಗ್ಗೆ ಚಿರಂಜೀವಿ ಹೇಳಿದ್ದೇನು.?

''ಚಲೋ' ಚಿತ್ರದ ಕಾರ್ಯಕ್ರಮಕ್ಕೆ ನನ್ನ ಆಹ್ವಾನಿಸಿದರು. ಅಲ್ಲಿಗೆ ಹೋದರೆ ಇದೇ (ರಶ್ಮಿಕಾ ಮಂದಣ್ಣ) ಹುಡುಗಿ. ನಮ್ಮದೇ 'ಗೀತ ಗೋವಿಂದಂ' ಚಿತ್ರದ ಕಾರ್ಯಕ್ರಮಕ್ಕೆ ಹೋದೆ. ಅಲ್ಲೂ ಇದೇ ಹುಡುಗಿ. ಈಗ ಇಲ್ಲಿಗೆ ಬಂದೆ. ಇಲ್ಲೂ ರಶ್ಮಿ ಮಂಡುಕನೇ ಇದ್ದಾರೆ. ನನ್ನನ್ನ ನಿಮ್ಮ ಸಿನಿಮಾಗಳಿಗೆ ಕಾಂಟ್ರ್ಯಾಕ್ಟ್ ತೆಗೆದುಕೊಂಡಿದ್ದೀರಾ.?'' ಎಂದು ತಮಾಷೆಯಾಗಿ ರಶ್ಮಿಕಾ ಮಂದಣ್ಣ ರನ್ನ ಚಿರಂಜೀವಿ ಕೇಳಿದರು.

ಲಕ್ಕಿ ಚಾರ್ಮ್ ಎಂದಿದ್ದ ರಶ್ಮಿಕಾ

''ನನ್ನ 'ಚಲೋ' ಚಿತ್ರಕ್ಕೆ ಚಿರಂಜೀವಿ ಬಂದಿದ್ದರು. ಅದು ಹಿಟ್ ಆಯ್ತು. 'ಗೀತ ಗೋವಿಂದಂ' ಚಿತ್ರಕ್ಕೂ ಚಿರಂಜೀವಿ ಬಂದಿದ್ದರು. ಅದೂ ಹಿಟ್ ಅಯ್ತು. ಈಗ 'ಸರಿಲೇರು ನೀಕ್ಕೆವ್ವರು' ಚಿತ್ರಕ್ಕೆ ಚಿರಂಜೀವಿ ಬಂದಿದ್ದಾರೆ. ಅವರು ನನಗೆ ಲಕ್ಕಿ ಚಾರ್ಮ್'' ಎಂದು ರಶ್ಮಿಕಾ ಮಂದಣ್ಣ ಹೇಳಿದ್ದಾರೆ.