ವಿಡಿಯೋ: ಅಬ್ಬಾ! ಎನಿಸುವಂತಿದೆ ಭಾರತದ ಅತಿ ದೊಡ್ಡ ಸಿನಿಮಾ ಸೆಟ್‌

20 ಎಕರೆಯಲ್ಲಿ ನಿರ್ಮಿಸಲಾಗಿರುವ ಸೆಟ್

ಹೈದರಾಬದ್‌ ಹೊರ ಭಾಗದಲ್ಲಿ ಬರೋಬ್ಬರಿ 20 ಎಕರೆ ಪ್ರದೇಶದಲ್ಲಿ ದೊಡ್ಡ ಟೆಂಪಲ್ ಟೌನ್ ಅನ್ನು ನಿರ್ಮಿಸಲಾಗಿದೆ. ಸೆಟ್‌ನ ಮುಂಭಾಗವಾದ ದೇವಸ್ಥಾನದ ಗಾಳಿಗೋಪುರದ ವಿಡಿಯೋವನ್ನು ಚಿರಂಜೀವಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಅದ್ಭುತವಾಗಿ ನಿರ್ಮಿಸಲಾಗಿರುವ ಗೋಪುರ

ಚಿರಂಜೀವಿ ಹಂಚಿಕೊಂಡಿರುವ ವಿಡಿಯೋದಲ್ಲಿರುವ ಗಾಳಿ ಗೋಪುರ ನಿಜದ ಗೋಪುರವೇನೋ ಎಂಬಂತೆ ಅದ್ಭುತವಾಗಿ ಸೃಷ್ಟಿಸಲಾಗಿದೆ. ದೇವತೆಗಳು, ಪ್ರಾಣಿಗಳು ಪ್ರತಿಯೊಂದು ಸಣ್ಣ ವಿವರಗಳ ಮೇಲೂ ವಿಶೇಷ ಕಾಳಜಿ ವಹಿಸಿ ನಿರ್ಮಿಸಿರುವುದು ವಿಡಿಯೋದಲ್ಲಿ ತಿಳಿದುಬರುತ್ತಿದೆ.

ಕಲಾ ನಿರ್ದೇಶಕ ಸುರೇಶ್ ಸೆಲ್ವರಾಜನ್

ವಿಡಿಯೋದಲ್ಲಿ ಮಾತನಾಡಿರುವ ಚಿರಂಜೀವಿ, ಈ ಸೆಟ್ ನಿರ್ಮಿಸಿದ ಕಲಾ ನಿರ್ದೇಶಕ ಸುರೇಶ್ ಸೆಲ್ವರಾಜನ್, ಸೆಟ್‌ ನ ಕಲ್ಪನೆ ಮಾಡಿದ ನಿರ್ದೇಶಕ ಕೊರಟಾಲ ಶಿವ, ನಿರ್ಮಾಪಕರಾದ ನಿರಂಜನ ರೆಡ್ಡಿ, ರಾಮ್ ಚರಣ್ ಅವರುಗಳಿಗೆ ಅಭಿನಂದಿಸಿದ್ದಾರೆ ಚಿರಂಜೀವಿ.

ಭಾರಿ ಬಜೆಟ್‌ನ ಸೆಟ್‌

ಈ ಬೃಹತ್ ಸೆಟ್‌ಗಾಗಿ ಸುಮಾರು 80 ಕೋಟಿ ಖರ್ಚಾಗಿದೆ ಎನ್ನಲಾಗುತ್ತಿದೆ. ಆಚಾರ್ಯ ಸಿನಿಮಾದಲ್ಲಿ ಚಿರಂಜೀವಿ, ಕಾಜಲ್ ಅಗರ್ವಾಲ್ ನಟಿಸುತ್ತಿದ್ದಾರೆ. ಸಿನಿಮಾದಲ್ಲಿ ರಾಮ್ ಚರಣ್ ತೇಜ ಒಂದು ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗಿದ್ದು, ಕೆಲವೇ ತಿಂಗಳಲ್ಲಿ ಬಿಡುಗಡೆ ಆಗಲಿದೆ.