ಚಿರಂಜೀವಿ ಹುಟ್ಟುಹಬ್ಬಕ್ಕೆ 'ಗಾಡ್ ಫಾದರ್' ಮೆಗಾ ಟ್ರೀಟ್!

ಆಗಸ್ಟ್ 21ಕ್ಕೆ 'ಗಾಡ್ ಫಾದರ್' ಟೀಸರ್

ಆಗಸ್ಟ್ 22ಕ್ಕೆ ಮೆಗಾಸ್ಟಾರ್ ಚಿರಂಜೀವಿ ಹುಟ್ಟುಹಬ್ಬ. ಆದರೆ ಅದಕ್ಕಿಂತ ಒಂದು ದಿನ ಮೊದಲೇ 'ಗಾಡ್ ಫಾದರ್' ಟೀಂ ಅಭಿಮಾನಿಗಳಿಗೆ ಸ್ಪೆಷಲ್ ಟ್ರೀಟ್ ಕೊಡ್ತಿದೆ. ಚಿತ್ರದ ಹೈವೋಲ್ಟೇಜ್ ಟೀಸರ್ ಕಟ್ ಮಾಡ್ತಿದ್ದು, ಚಿರು ಬರ್ತ್‌ಡೇ ಸಂಭ್ರಮವನ್ನು ಡಬ್ ಮಾಡುವಂತಹ ಗಿಫ್ಟ್ ಕೊಡುವುದಕ್ಕೆ ಪ್ಲಾನ್ ನಡೀತಿದೆ. ಮೆಗಾಸ್ಟಾರ್ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ರಕ್ತದಾನ, ನೇತ್ರದಾನ ನೋಂದಣಿ ಶಿಬಿರಗಳನ್ನು ಏರ್ಪಡಿಸುತ್ತಿದ್ದು, 'ಗಾಡ್ ಫಾದರ್' ಟೀಸರ್ ಸಂಭ್ರಮವನ್ನು ಡಬಲ್ ಮಾಡಲಿದೆ.

ಮತ್ತೆ ತೆಲುಗು ಸಿನಿಮಾ ಶೂಟಿಂಗ್‌ಗೆ ಮುಹೂರ್ತ ಫಿಕ್ಸ್: ಸಮಸ್ಯೆ ಪರಿಹಾರ ಆಯ್ತಾ?

'ಗಾಡ್ ಫಾದರ್' ಚಿತ್ರದಲ್ಲಿ ಸಲ್ಲು

ಸಲ್ಮಾನ್ ಖಾನ್ ದಕ್ಷಿಣಭಾರತದ ಸಿನಿಮಾಗಳಲ್ಲಿ ಈವರೆಗೆ ನಟಿಸಿಲ್ಲ. ಆದರೆ ಚಿರಂಜೀವಿ ಜೊತೆಗಿನ ಸ್ನೇಹಕ್ಕೆ ಕಟ್ಟುಬಿಟ್ಟು 'ಗಾಡ್ ಫಾದರ್' ಚಿತ್ರದಲ್ಲಿ ನಟಿಸಿದ್ದಾರೆ. ಇತ್ತೀಚೆಗೆ ಇಬ್ಬರು ಹೆಜ್ಜೆ ಹಾಕಿರುವ ಹಾಡನ್ನು ಸೆರೆಹಿಡಿಯಲಾಯಿತು. ಚಿತ್ರದಲ್ಲಿ ಸಲ್ಲು ಪಾತ್ರಕ್ಕೂ ಸಿಕ್ಕಾಪಟ್ಟೆ ಪ್ರಾಮುಖ್ಯತೆ ಇದ್ದು, ಇಬ್ಬರು ಮೆಗಾಸ್ಟಾರ್‌ಗಳನ್ನು ಒಂದೇ ಸಿನಿಮಾದಲ್ಲಿ ನೋಡಲು ಸಿನಿರಸಿಕರು ಕಾಯುತ್ತಿದ್ದಾರೆ.

ತಡವಾಗುತ್ತಿದೆ 'ಗಾಡ್ ಫಾದರ್' ಎಂಟ್ರಿ

ಕಳೆದ ವರ್ಷ ಆಗಸ್ಟ್‌ನಲ್ಲಿ 'ಗಾಡ್ ಫಾದರ್' ಸಿನಿಮಾ ಚಿತ್ರೀಕರಣ ಶುರುವಾಯಿತು. ಆಸರೆ ಕಾರಣಾಂತರಗಳಿಂದ ಶೂಟಿಂಗ್ ತಡವಾಗುತ್ತಿದೆ. ಕಳೆದ ವರ್ಷ ಚಿರು ಕೈಗೆ ಶಸ್ತ್ರ ಚಿಕಿತ್ಸೆಯಾದ ಬೆನ್ನಲ್ಲೇ ಚಿತ್ರೀಕರಣ ನಿಲ್ಲಿಸಲಾಗಿತ್ತು. ಇನ್ನು ಕೊರೊನಾ ಹಾವಳಿಯಿಂದಲೂ ಶೂಟಿಂಗ್‌ಗೆ ಹಿನ್ನಡೆ ಉಂಟಾಗಿತ್ತು. ಚಿತ್ರದಲ್ಲಿ ನಯನತಾರಾ ನಾಯಕಿಯಾಗಿ ನಟಿಸ್ತಿದ್ದಾರೆ. ಸತ್ಯದೇವ್, ಸುನಿಲ್, ನಿರ್ದೇಶಕ ಪೂರಿ ಜಗನ್ನಾಥ್ ಕೂಡ ಚಿತ್ರದ ತಾರಾ ಬಳಗದಲ್ಲಿದ್ದಾರೆ.

ಕನ್ನಡದಲ್ಲೂ 'ಗಾಡ್ ಫಾದರ್' ಹವಾ

'ಲೂಸಿಫರ್' ಸಿನಿಮಾ ರಿಮೇಕ್ ಆಗಿರುವುದರಿಂದ ಮಲಯಾಳಂ ಬಿಟ್ಟು ತೆಲುಗು, ತಮಿಳು, ಕನ್ನಡ ಹಾಗೂ ಹಿಂದಿ ಭಾಷೆಗಳಲ್ಲಿ ಸಿನಿಮಾ ರಿಲೀಸ್ ಪ್ಲ್ಯಾನ್ ನಡೀತಿದೆ. ಈ ವರ್ಷ್ಯಾಂತ್ಯಕ್ಕೆ ತೆರೆಮೇಲೆ 'ಗಾಡ್ ಫಾದರ್' ಚಿರಂಜೀವಿ ಆರ್ಭಟ ಶುರುವಾಗಲಿದೆ. ತಮ್ಮ ವಯಸ್ಸಿಗೆ ತಕ್ಕ ಪಾತ್ರದಲ್ಲಿ ಚಿರು ಈ ಬಾರಿ ನಟಿಸ್ತಿದ್ದು, ಪೊಲಿಟಿಕಲ್ ಥ್ರಿಲ್ಲರ್ ಸಿನಿಮಾ ನಿರೀಕ್ಷೆ ಮೂಡಿಸಿದೆ.