'ಬುಟ್ಟಾ ಬೊಮ್ಮಾ' ಆಯ್ತು ಈಗ ಬಾಹುಬಲಿಯಾದ ಕ್ರಿಕೆಟಿಗ ಡೇವಿಡ್ ವಾರ್ನರ್

ಹಲವು ತೆಲುಗು ಹಾಡುಗಳಿಗೆ ಟಿಕ್‌ ಟಾಕ್

ಡೇವಿಡ್ ವಾರ್ನರ್ ಟಿಕ್‌ ಟಾಕ್ ವಿಡಿಯೋಗಳನ್ನು ಬಹಳವಾಗಿಯೇ ಗಂಭೀರವಾಗಿ ಪರಿಗಣಿಸಿದಂತಿದೆ. ಬುಟ್ಟ ಬೊಮ್ಮಾ, ರಾಮುಲೋ ರಾಮುಲಾ ಹಾಡಿನ ಬಳಿಕ ಈ ಬಾಹುಬಲಿ ಡೈಲಾಗ್‌ ನ ಟಿಕ್ ಟಾಕ್ ವಿಡಿಯೋ ಹರಿಬಿಟ್ಟಿದ್ದಾರೆ ವಾರ್ನರ್.

ಬಹುತೇಕ ತೆಲುಗು ಸಿನಿಮಾ ಟಿಕ್‌ಟಾಕ್‌ಗಳೇ ಹೆಚ್ಚು

ಸನ್‌ ರೈಸಸ್ ಹೈದರಾಬಾದ್ ತಂಡದ ನಾಯಕರೂ ಆಗಿರುವ ವಾರ್ನರ್ ಬಹುತೇಕ ತೆಲುಗು ಹಾಡುಗಳಿಗೆ ಟಿಕ್‌ ಟಾಕ್ ಮಾಡುತ್ತಿದ್ದಾರೆ. ಅದರಲ್ಲಿಯೂ ಅಲ್ಲೂ ಅರ್ಜುನ್ ಅವರ 'ಅಲಾ ವೈಕುಂಟಪುರಂಲೋ' ಸಿನಿಮಾದ ಎರಡು ಹಾಡಿಗೆ ಟಿಕ್‌ ಟಾಕ್ ಮಾಡಿದ್ದಾರೆ. ಪೋಕಿರಿ ಸಿನಿಮಾದ ದೃಶ್ಯದ ಟಿಕ್‌ ಟಾಕ್ ಸಹ ಮಾಡಿದ್ದಾರೆ.

ಬಾಹುಬಲಿ ಸಿನಿಮಾದ ದೃಶ್ಯದ ಟಿಕ್‌ ಟಾಕ್

ಈಗ ಬಾಹುಬಲಿ ರೀತಿಯ ಕಾಸ್ಟ್ಯೂಮ್ ಹಾಕಿಕೊಂಡು 'ಬಾಹುಬಲಿ' ಸಿನಿಮಾದ ಮಾಸ್ ಸೀನ್‌ಗಳಲ್ಲಿ ಒಂದಾದ ಅಮರೇಂದ್ರ ಬಾಹುಬಲಿ ಸೇನಾಧ್ಯಕ್ಷನಾಗಿ ಪ್ರಮಾಣ ಸ್ವೀಕಾರ ಮಾಡುವ ದೃಶ್ಯದ ಪ್ರಾರಂಭದ ಡೈಲಾಗ್ ಅನ್ನು ಟಿಕ್‌ ಟಾಕ್ ಮಾಡಿದ್ದಾರೆ. ವಾರ್ನರ್ ಮಗಳೂ ಸಹ ವಿಡಿಯೋದಲ್ಲಿದ್ದಾಳೆ.

ವಾರ್ನರ್‌ ಗೆ ಸಿನಿಮಾ ಅವಕಾಶ

ಡೇವಿಡ್ ವಾರ್ನರ್ ವಿಡಿಯೋಗಳನ್ನು ನೋಡಿ ನಿರ್ದೇಶಕ ಪುರಿ ಜಗನ್ನಾಥ್ ವಾರ್ನರ್ ಅವರಿಗೆ ಸಿನಿಮಾದಲ್ಲಿ ಅವಕಾಶ ಕೊಡುವುದಾಗಿ ಹೇಳಿದ್ದಾರೆ. ಜಗನ್ನಾಥ್ ನಿರ್ದೇಶಿಸಿದ್ದ ಸಿನಿಮಾ ಪೋಕಿರಿಯ ಡೈಲಾಗ್‌ ನ ಟಿಕ್ ಟಾಕ್ ಸಹ ವಾರ್ನರ್ ಮಾಡಿದ್ದರು.