ಬಿಗ್‌ ಬಾಸ್ ಮನೆ ಪ್ರವೇಶಿಸುತ್ತಿರುವ ದರ್ಶನ್ ಸಿನಿಮಾ ನಾಯಕಿ

ದರ್ಶನ್ ಗೆ ನಾಯಕಿಯಾಗಿ ನಟನೆ

'ತಂಗಿಗಾಗಿ' ಸಿನಿಮಾದಲ್ಲಿ ದರ್ಶನ್ ಜೊತೆಗೆ ನಟಿಸಿದ್ದ ಪೂನಂ ಬಜ್ವಾ ಈ ಬಾರಿ ತೆಲುಗು ಬಿಗ್‌ಬಾಸ್‌ ರಿಯಾಲಿಟಿ ಶೋನ ಸ್ಪರ್ಧಿ ಆಗಿರಲಿದ್ದಾರೆ. ಈ ಬಾರಿಯ ತೆಲುಗು ಬಿಗ್‌ಬಾಸ್‌ ಮನೆಯ ಪ್ರಮುಖ ಸ್ಪರ್ಧಿ ಇವರೇ ಆಗಿರಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಮೂರು ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ

ತಂಗಿಗಾಗಿ ಮಾತ್ರವಲ್ಲದೆ ಇನ್ನೂ ಎರಡು ಕನ್ನಡ ಸಿನಿಮಾದಲ್ಲಿ ಪೂನಂ ಬಜ್ವಾ ನಟಿಸಿದ್ದಾರೆ. ಶಿಕಾರಿ ಮತ್ತು ಮಸ್ತ್ ಮೊಹಬ್ಬತ್ ಎಂಬ ಕನ್ನಡ ಸಿನಿಮಾಗಳಲ್ಲಿ ಪೂನಂ ಬಣ್ಣ ಹಚ್ಚಿದ್ದಾರೆ. ನಾಗಾರ್ಜುನ ಜೊತೆಗೆ ಬಾಸ್, ಅಲ್ಲು ಅರ್ಜುನ್ ಅವರ ಪರುಗು, ಬಾಲಕೃಷ್ಣ ಜೊತೆ ಎನ್‌ಟಿಆರ್ ಕಥಾನಾಯಕುಡು ಸಿನಿಮಾಗಳಲ್ಲಿ ನಟಿಸಿದ್ದಾರೆ ಪೂನಂ.

ನಾಗಾರ್ಜುನ ನಿರೂಪಕರಾಗಿ ಫಿಕ್ಸ್

ತೆಲುಗು ಬಿಗ್‌ಬಾಸ್‌ 4 ನೇ ಸೀಸನ್ ಇದಾಗಿದ್ದು, ನಾಗಾರ್ಜುನ ಅವರೇ ನಿರೂಪಕರಾಗಿ ಬಹುತೇಕ ಫಿಕ್ಸ್ ಆಗಿದ್ದಾರೆ. ಇನ್ನುಳಿದಂತೆ ತೆರೆ ಹಿಂದಿನ ಕೆಲಸಗಳು ವೇಗದಿಂದ ನಡೆಯುತ್ತಿದ್ದು, ಸಂಪೂರ್ಣ ಅನ್‌ಲಾಕ್ ಆಗುವ ಮುನ್ನವೇ ಬಿಗ್‌ಬಾಸ್‌ 4 ಅನ್ನು ಕಿರುತೆರೆಗೆ ತರಲು ಯೋಜನೆ ರೂಪಿಸಲಾಗಿದೆ.

ಗ್ಲಾಮರ್ ತುಂಬುವ ಯತ್ನ

ಪೂನಂ ಹೊರತುಪಡಿಸಿ ಕಾರ್ಯಕ್ರಮಕ್ಕೆ ಗ್ಲಾಮರ್ ತುಂಬುವ ಉದ್ದೇಶದಿಂದ ಯಾಮಿನಿ ಭಾಸ್ಕರ್, ಹಂಸನಂದಿನಿ, ಶ್ರದ್ಧಾ ದಾಸ್ ಸೇರಿ ಇನ್ನೂ ಕೆಲವು ವಿವಾದಾತ್ಮಕ ವ್ಯಕ್ತಿಗಳನ್ನು ಬಿಗ್‌ಬಾಸ್‌ಗೆ ಸೆಳೆಯುವ ಪ್ರಯತ್ನ ನಡೆದಿದೆ. ವರ್ಮಾ ನಿರ್ದೇಶನದ ನಗ್ನಂ ಸಿನಿಮಾ ನಾಯಕಿಯನ್ನು ಸಹ ಸಂಪರ್ಕಿಸಲಾಗಿದೆ ಎನ್ನಲಾಗುತ್ತಿದೆ.