ಕೆಜಿಎಫ್ 2 ಭಾರಿ ಡಿಮ್ಯಾಂಡ್: ಹಕ್ಕು ಖರೀದಿಗೆ ತೆಲುಗು ನಿರ್ಮಾಪಕರ ಸಾಲು

ಕಳೆದ ಬಾರಿ ಸಾಯಿ ಕೊರ್ರಪಾಟಿ ಖರೀದಿಸಿದ್ದರು

ಕಳೆದ ಬಾರಿ ಕೆಜಿಎಫ್ ತೆಲುಗು ಹಕ್ಕು ಖರೀದಿಸಿ ವಿತರಿಸಿದ್ದ ಸಾಯಿ ಕೊರ್ರಪಾಟಿ ಈ ಬಾರಿಯೂ ಹಕ್ಕು ಖರೀದಿಸಲು ಉತ್ಸುಕರಾಗಿದ್ದು, ಕಳೆದ ಬಾರಿಗಿಂತಲೂ ಹೆಚ್ಚಿನ ಹಣ ಖರೀದಿಸಲು ತಯಾರಾಗಿದ್ದಾರೆ. ಅವರು ಸುಮಾರು 20 ಕೋಟಿ ಹಣ ನೀಡಲು ತಯಾರಾಗಿದ್ದಾರೆ ಎನ್ನಲಾಗುತ್ತಿದೆ.

ಇನ್ನೂ ಹಲವು ನಿರ್ಮಾಪಕರಿದ್ದಾರೆ

ಸಾಯಿ ಕೊರ್ರಪಾಟಿ ಜೊತೆಗೆ ಖ್ಯಾತ ನಿರ್ಮಾಪಕ ದಿಲ್ ರಾಜು, ಏಷಿಯನ್ ಸುನಿಲ್ ಮತ್ತು ಇನ್ನೂ ಕೆಲವರು ಹಕ್ಕು ಖರೀದಿಗೆ ಕೈಯಲ್ಲಿ ಹಣ ಹಿಡಿದು ತಯಾರಾಗಿದ್ದಾರೆ. ಈಗಾಗಲೇ ನಿರ್ಮಾಣ ಸಂಸ್ಥೆಯೊಂದಿಗೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗುತ್ತಿದೆ.

ಕೆಜಿಎಫ್ 2 ನಿರ್ಮಾಪಕರು ಕೇಳುತ್ತಿರುವುದೆಷ್ಟು?

ಕೆಜಿಎಫ್ 2 ನಿರ್ಮಾಪಕರು 40-50 ಕೋಟಿ ರೂಪಾಯಿಗೆ ತೆಲುಗು ಹಕ್ಕು ಮಾರಾಟ ಮಾಡಲು ಚಿಂತಿಸಿದ್ದಾರೆ ಎನ್ನಲಾಗುತ್ತಿದ್ದು, ಇದು ದೊಡ್ಡ ಮೊತ್ತವೆಂಬ ಅಭಿಪ್ರಾಯ ಸಹ ತೆಲುಗು ಸಿನಿವಲಯದಲ್ಲಿ ಕೇಳಿ ಬರುತ್ತಿದೆಯಂತೆ.

ತಾವೇ ವಿತರಣೆ ಮಾಡುತ್ತಾರೆಯೇ?

ಕೆಜಿಎಫ್ 2 ನಿರ್ಮಾಪಕ ವಿಜಯ್ ಕಿರಗಂದೂರು ಅವರು ತೆಲುಗು ಹಕ್ಕನ್ನು ಮಾರುತ್ತಾರೆಯೋ ಅಥವಾ ಸ್ವತಃ ಅವರೇ ತೆಲುಗಿನಲ್ಲೂ ಸಿನಿಮಾ ವಿತರಣೆ ಮಾಡುತ್ತಾರೆಯೋ ಕಾದು ನೋಡಬೇಕಿದೆ.