ಸಿನಿಮಾ ನಟಿಯರ ಬಗ್ಗೆ ತುಚ್ಛವಾಗಿ ಮಾತನಾಡಿದ ನಿರ್ದೇಶಕ

ಹಿಂದಿನ ಘಟನೆ ನೆನದ ಗೀತ ಕೃಷ್ಣ

''ಒಮ್ಮೆ ಮುಂಬೈನಲ್ಲಿ ಯುವತಿಯೊಬ್ಬಳ ಫೋಟೊಶೂಟ್ ಮಾಡಿಸಿದೆ. ಆದರೆ ಅಲ್ಲಿನ ಕೋಆರ್ಡಿನೇಟರ್ ಒಬ್ಬ, 'ಆ ಹುಡುಗಿ ನಿನಗೆ 'ಸಹಕರಿಸುವುದಿಲ್ಲ' ಎಂದ. ಆಗ ನನಗೆ ಅದು ಅರ್ಥವಾಗಲಿಲ್ಲ. ಆ ನಂತರ ಆ ಯುವತಿಯೇ ಬಿಡಿಸಿ ಹೇಳಿದಳು. ಆದರೆ ಆ ಯುವತಿ 'ಆ ರೀತಿಯ' ವ್ಯಕ್ತಿತ್ವದ ಯುವತಿ ಆಗಿರಲಿಲ್ಲ. ಅದಕ್ಕೆ ನಾನು ಆ ಯುವತಿಯನ್ನು ನನ್ನ ಸಿನಿಮಾಕ್ಕೆ ಆಯ್ಕೆ ಮಾಡಿದೆ. ಆದರೆ ಕಾರಣಾಂತರಗಳಿಂದ ಆ ಪಾತ್ರದಲ್ಲಿ ಸಿಮ್ರನ್ ನಟಿಸಬೇಕಾಯ್ತು'' ಎಂದು ಹಳೆಯ ಘಟನೆ ನೆನಪು ಮಾಡಿಕೊಂಡಿದ್ದಾನೆ ಈ ನಿರ್ದೇಶಕ ಮಹಾಷಯ.

ಪುರುಷರಿಗೆ, ಯುವತಿಯರನ್ನು ಆಸೆಯಾಗುತ್ತದೆ: ಗೀತ ಕೃಷ್ಣ

''ಚಿತ್ರರಂಗದಲ್ಲಿ ಕಾಸ್ಟಿಂಗ್ ಕೌಚ್ ಎನ್ನುವುದು ನಿರ್ಮೂಲನೆ ಆಗುವುದಿಲ್ಲ, ಮುಂದಿನ ದಿನಗಳಲ್ಲಿ ಇನ್ನೂ ಹೆಚ್ಚಾಗುತ್ತದೆ. ಪುರುಷರಿಗೆ, ಯುವತಿಯರನ್ನು ನೋಡಿದರೆ ಅವರೊಟ್ಟಿಗೆ ಮಲಗಬೇಕು ಎನಿಸುತ್ತದೆ. ಯುವತಿಯರಿಗೂ ಅಷ್ಟೆ ಪುರುಷರನ್ನು ಮರುಳು ಮಾಡಿ ಹಣ ಮಾಡಬೇಕು ಎಂಬ ಆಸೆ ಮೂಡುತ್ತದೆ. ನಟಿಯರು ಸಹ ತಮ್ಮ ಅಂದ ಮುಂದೆ ಮಾಡಿ ಹನಿಟ್ರಾಪ್ ಮಾಡುತ್ತಿದ್ದಾರೆ'' ಎಂದಿದ್ದಾರೆ ಗೀತ ಕೃಷ್ಣ.

ಸಂಗೀತ ನಿರ್ದೇಶಕರಿಗೆ ಗಾಯಕಿಯರನ್ನು 'ಬಳಸಿಕೊಳ್ಳುತ್ತಾರೆ'

''ಲೈಂಗಿಕ ಸೇವೆ' ಎನ್ನುವುದು ಈಗ ಬಂದಿರುವುದಲ್ಲ, ದಶಕಗಳ ಹಿಂದಿನಿಂದಲೂ ಇದೆ. ಅದರಲ್ಲಿಯೂ ಇದು ಜಾಹೀರಾತಿನಿಂದ ಬಂತು. ಅಲ್ಲಿ ಹೆಚ್ಚು ಕಾಸ್ಟಿಂಗ್ ಕೌಚ್ ನಡೆಯುತ್ತಿತ್ತು. ನಿನ್ನನ್ನು ಬ್ರ್ಯಾಂಡ್ ಮಾಡುತ್ತೇವೆ ಎಂದು ಹೇಳಿ ಯುವತಿಯರನ್ನು ಬಳಸಿಕೊಳ್ಳಲಾಗುತ್ತಿತ್ತು'' ಎಂದಿರುವ ಗೀತ ಕೃಷ್ಣ, ತಮಿಳು ಸ್ಟಾರ್ ನಟರಿಗೆಲ್ಲರಿಗೂ ಯುವತಿಯರ ಚಟವಿದೆ'' ಎಂದಿದ್ದಾನೆ. ಅಲ್ಲದೆ ತೆಲುಗು ಚಿತ್ರರಂಗದಲ್ಲಿ ಸಂಗೀತ ನಿರ್ದೇಶಕರಿಗೂ 'ಆ' ಚಟ ಇದೆ. ಸುಂದರವಾದ ಹಾಡುಗಾರ್ತಿಯರು ತಮ್ಮೊಟ್ಟಿಗೆ ಮಲಗಿಕೊಳ್ಳಲಿ ಎಂಬ ಆಸೆ ಅವರಿಗೆ ಇದೆ'' ಎಂದು ಗೀತ ಕೃಷ್ಣ ಹೇಳಿದ್ದಾನೆ.

ಕನ್ನಡ ಚಿತ್ರೋದ್ಯಮದ ಬಗ್ಗೆ ಕೆಟ್ಟ ಮಾತು

ಕನ್ನಡ ಚಿತ್ರೋದ್ಯಮದ ಬಗ್ಗೆಯೂ ಕೆಟ್ಟದಾಗಿ ಮಾತನಾಡಿರುವ ಗೀತ ಕೃಷ್ಣ, '' ಅಸಲಿಗೆ ಕಾಸ್ಟಿಂಗ್ ಕೌಚ್ ಹುಟ್ಟಿದ್ದೇ ತಮಿಳು ಚಿತ್ರರಂಗದಲ್ಲಿ, ಅವರಂಥಹಾ ಅಸಹ್ಯದ ಜನ ಇನ್ನೆಲ್ಲೂ ಇಲ್ಲ, ಕನ್ನಡದವರಂತೂ ಇನ್ನೂ ಅಸಹ್ಯದವರು, ಕೊಳಕು ಜನ. ಒಮ್ಮೆ ಒಂದು ಸಿನಿಮಾ ಚಿತ್ರೀಕರಣಕ್ಕೆ ಹೋಗಿದ್ದಾಗ ಒಬ್ಬ ಹುಡುಗಿ ಸಿಕ್ಕಳು, ಹೈದರಾಬಾದ್‌ಗೆ ಬಾ, ನನ್ನ ಅಸಿಸ್ಟೆಂಟ್ ಡೈರೆಕ್ಟರ್‌ ಆಗಿ ಇರು ಎಂದೇ, ಆಕೆ ನನ್ನನ್ನೇ ಬಲೆಗೆ ಬೀಳಿಸಿಕೊಳ್ಳಲು ಬಂದಲು, ನಾನು ಅಲ್ಲಿಂದ ಕೂಡಲೇ ವಿಮಾನ ನಿಲ್ದಾಣಕ್ಕೆ ಓಡಿ ಹೋದೆ. ಕನ್ನಡ ಚಿತ್ರರಂಗದ ಸಹವಾಸವೇ ನನಗೆ ಬೇಡ ಎಂದು ಓಡಿ ಬಂದೆ. ಕನ್ನಡ ಚಿತ್ರರಂಗದವರು ಬಹಳ ಅಸಹ್ಯ, ಅಲ್ಲಿ ವಿಪರೀತ ಕಾಸ್ಟಿಂಗ್ ಕೌಚ್ ಇದೆ'' ಎಂದು ಬಾಯಿಗೆ ಬಂದಂತೆ ತುಚ್ಛವಾಗಿ ಕನ್ನಡ ಚಿತ್ರರಂಗದ ಬಗ್ಗೆ ಮಾತನಾಡಿದ್ದಾನೆ ಈ ನಿರ್ದೇಶಕ.