"ನಾನು, ರಮ್ಯಾಕೃಷ್ಣ ಒಟ್ಟಿಗಿಲ್ಲ.. ಮಗ ಕ್ರಾಸ್‌ಬೀಡ್": ಡೈವೋರ್ಸ್ ಬಗ್ಗೆ ಕೃಷ್ಣವಂಶಿ ಮಾತು

ನಾನು, ರಮ್ಯಾಕೃಷ್ಣ ಒಟ್ಟಿಗಿಲ್ಲ- ಕೃಷ್ಣವಂಶಿ

ರಮ್ಯಾಕೃಷ್ಣ ಹಾಗೂ ಕೃಷ್ಣವಂಶಿ ದಂಪತಿ ದೂರಾಗಿದ್ದಾರೆ. ಇಬ್ಬರೂ ಡೈವೋರ್ಸ್ ತಗೆದುಕೊಳ್ಳುತ್ತಿದ್ದಾರೆ ಅನ್ನುವ ಮಾತುಗಳು ಬಹಳ ದಿನಗಳಿಂದ ಕೇಳಿಬರ್ತಿದೆ. ಈ ಬಗ್ಗೆ ಮಾತನಾಡಿರುವ ಕೃಷ್ಣವಂಶಿ "ನಾನು ತಾಯಿ ಜೊತೆ ಹೈದರಾಬಾದ್‌ನಲ್ಲಿದ್ದೀನಿ, ಆಕೆ ಪೋಷಕರ ಜೊತೆ ಚೆನ್ನೈನಲ್ಲಿ ಇದ್ದಾಳೆ. ಮಗ ರಿತ್ವಿಕ್ ಕೂಡ ಆಕೆಯ ಜೊತೆ ಇದ್ದಾನೆ. ಹಾಗಂತ ನಾವಿಬ್ಬರು ದೂರಾಗಿಲ್ಲ. ಪ್ರತಿದಿನ ಫೋನ್ ಮಾಡಿ ಮಾತನಾಡುತ್ತೇವೆ. ಸಮಯ ಸಿಕ್ಕಾಗಲೆಲ್ಲಾ ಆಕೆ ನಮ್ಮ ಮನೆಗೆ ಬರ್ತಾಳೆ, ನಾನು ಅವರ ಮನೆಗೆ ಹೋಗುತ್ತೇನೆ. ದೂರ ಇದಷ್ಟು ನಮ್ಮಿಬ್ಬರ ಬಂಧ ಗಟ್ಟಿಯಾಗುತ್ತದೆ" ಎಂದಿದ್ದಾರೆ.

ಮಗ ರಿತ್ವಿಕ್ ಕ್ರಾಸ್‌ಬ್ರೀಡ್!

"ನಮ್ಮ ಮಗ ರಿತ್ವಿಕ್ ಸಿಕ್ಕಾಪಟ್ಟೆ ಶಾರ್ಪ್, ಆಕ್ಟೀವ್. ಎಷ್ಟೇ ಆದರೂ ಕ್ರಾಸ್‌ಬ್ರೀಡ್ ಅಲ್ಲವಾ? ನನ್ನದು ತೆಲುಗು, ರಮ್ಯಾಕೃಷ್ಣ ತಮಿಳು. ನಾನು ನಿರ್ದೇಶಕ, ಆಕೆ ನಟಿ, ಹಾಗಾಗಿ ಕ್ರಾಸ್‌ಬ್ರೀಡ್. ರಿತ್ವಿಕ್ ಈಗ 10ನೇ ತರಗತಿ ಓದುತ್ತಿದ್ದಾನೆ. ಒಮ್ಮೆ ಕ್ರಿಕೆಟ್ ಪ್ಲೇಯರ್ ಆಗ್ತೀನಿ ಅಂತಾನೆ, ಮತ್ತೊಮ್ಮೆ ಬ್ಯುಸಿನೆಸ್‌ ಮಾಡ್ತೀನಿ ಅಂತಾನೆ, ಮಗದೊಮ್ಮೆ ಕ್ರಿಪ್ಟೊ ಕರೆನ್ಸಿ ಅಂತ ಹೇಳ್ತಿರ್ತಾನೆ. ಅವನದು ಟೀನೇಜ್, ಏನು ಮಾಡುವುದಕ್ಕೆ ಆಗುವುದಿಲ್ಲ. ಆ ವಯಸ್ಸಿನಲ್ಲಿ ಆಯೋಚನೆಗಳು ಅದೇ ರೀತಿ ಇರುತ್ತದೆ".

ಡೈವೋರ್ಸ್ ಗಾಸಿಪ್ ಕೃಷ್ಣವಂಶಿ ಮಾತು

ರಮ್ಯಾಕೃಷ್ಣ ಚೆನ್ನೈನಲ್ಲಿ, ನೀವು ಹೈದರಾಬಾದ್‌ನಲ್ಲಿ ವಾಸಿಸುತ್ತಿದ್ದೀರಾ. ಹಾಗಾಗಿ ಡೈವೋರ್ಸ್ ಗಾಸಿಪ್‌ ಶುರುವಾಗಿದೆ ಅನ್ನುವ ಪ್ರಶ್ನೆಗೆ "ಅದಕ್ಕೆ ನಾವು ತಲೆ ಕೆಡಿಸಿಕೊಳ್ಳುವುದಿಲ್ಲ. ಇನ್ನು ಮಗ ಕೂಡ ಅದನ್ನು ಕಿವಿ ಹಾಕಿಕೊಳ್ಳುವುದಿಲ್ಲ. ಯಾರು ಏನು ಆತಂಕಪಡುವುದು ಬೇಡ. ಬೇಸರಗೊಳ್ಳುವುದು ಬೇಡ. ನಾನು ರಮ್ಯಾಕೃಷ್ಣ ಒಂದಾಗಿ ಇದ್ದೀವಿ. ಇಂತಹ ಗಾಸಿಪ್‌ಗಳು ಸರ್ವೇಸಾಮಾನ್ಯ. ಎಲ್ಲರಿಗೂ ಗಾಸಿಪ್ ಅಂದರೆ ಇಷ್ಟ. ಇದು ಕೇವಲ ಫನ್‌ಗಾಗಿ ಅಷ್ಟೇ" ಎಂದು ಕೃಷ್ಣವಂಶಿ ಹೇಳಿದ್ದಾರೆ.

ರಮ್ಯಾಕೃಷ್ಣಗೆ ಪೈಪೋಟಿ ನೀಡಲು ಸಾಧ್ಯವಾಗುತ್ತಿಲ್ಲ

"ಪತ್ನಿ ರಮ್ಯಾಕೃಷ್ಣ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಾ ಜೋರಾಗಿ ಮಿಂಚುತ್ತಿದ್ದಾರೆ. ನಾಲ್ಕೈದು ವರ್ಷಗಳಿಂದ ನನ್ನ ಸಿನಿಮಾಗಳು ಗೆಲ್ಲುತ್ತಿಲ್ಲ. ಆಕೆಗೆ ಪೈಪೋಟಿ ನೀಡುವುದು ಕಷ್ಟವಾಗುತ್ತಿದೆ. ಆದಷ್ಟು ಮತ್ತೆ ಗೆಲುವಿನ ಲಯಕ್ಕೆ ಮರಳುವ ವಿಶ್ವಾಸ ಇದೆ" ಎಂದು ನಿರ್ದೇಶಕ ಕೃಷ್ಣವಂಶಿ ಯೂಟ್ಯೂಬ್ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ. ಕೃಷ್ಣವಂಶಿ ನಿರ್ದೇಶನದ 'ರಂಗ ಮಾರ್ತಾಂಡ' ಸಿನಿಮಾ ಶೀಘ್ರದಲ್ಲೇ ತೆರೆಗೆ ಬರಲಿದೆ. ಇನ್ನು ನಟಿ ರಮ್ಯಾಕೃಷ್ಣ ಕನ್ನಡ ಸೇರಿದಂತೆ ದಕ್ಷಿಣ ಭಾರತದ ಎಲ್ಲಾ ಭಾಷೆಗಳಲ್ಲೂ ನಟಿಸಿದ್ದಾರೆ.