ಜೂ.ಎನ್‌ಟಿಆರ್ ಮದುವೆ ಖರ್ಚು ₹100 ಕೋಟಿ: ಅಥಿತಿಗಳ ಲೆಕ್ಕ ಕೇಳಿದ್ರೆ ತಲೆ ತಿರುಗುತ್ತೆ!

ಜೂ.ಎನ್‌ಟಿಆರ್ ಅವ್ರದ್ದು ₹100 ಕೋಟಿ ಮದುವೆ!

ನಟ ಜೂ.ಎನ್‌ಟಿಆರ್ ಎನ್‌ಟಿಆರ್ ಮದುವೆ ಆಗಿ ಹಲವು ವರ್ಷಗಳು ಕಳೆದು ಹೋಗಿವೆ. ಅದರೆ ಈಗ ಮದುವೆ ಬಗ್ಗೆ ಸ್ವಾರಸ್ಯಕರವಾದ ಸಂಗತಿ ಒಂದು ಹರಿದಾಡುತ್ತಿದೆ. ಮದುವೆ ಆದರೆ, ಅದರಲ್ಲೂ ಸ್ಟಾರ್ ನಟರ ಮದುವೆ ಅಂದರೆ ಅದು ಅದ್ಧೂರಿಯಾಗೇ ಇರುತ್ತೆ. ಹಾಗಾಗಿ ಅದ್ಧೂರಿ ಮದುವೆಗಳ ಖರ್ಚಿನ ಲೆಕ್ಕವೂ ಸರಿಯಾಗಿ ಸಿಗುವುದಿಲ್ಲ. ಆದರೆ ನಟ ಜೂ.ಎನ್‌ಟಿಆರ್ ಮದುವೆಗೆ ₹100 ಕೋಟಿ ಖರ್ಚು ಮಾಡಲಾಗಿದೆ ಎನ್ನವ ಸುದ್ದಿ ಈಗ ಹರಿದಾಡುತ್ತಿದೆ.

JrNTR ಮದುವೆಯಲ್ಲಿ 15 ಸಾವಿರ ಅತಿಥಿಗಳು!

ಜೂ.ಎನ್‌ಟಿಆರ್ ಮದುವೆಯಲ್ಲಿ ಸಾವಿರಾರು ಮಂದಿ ಭಾಗಿ ಆಗಿದ್ದರು. ವರದಿಯ ಪ್ರಕಾರ, ಒಟ್ಟು 15 ಸಾವಿರ ಮಂದಿ ಭಾಗಿ ಆಗಿದ್ದರು. ಈ ಪೈಕಿ 12 ಸಾವಿರ ಜನ ಜೂ.ಎನ್‌ಟಿಆರ್ ಅಭಿಮಾನಿಗಳು ಎಂದರೆ ನಂಬಲೇ ಬೇಕು. ಜೂ.ಎನ್‌ಟಿಆರ್‌ಗೆ ಅಷ್ಟೊಂದು ದೊಡ್ಡ ಮಟ್ಟದ ಕ್ರೇಜ್ ಇದೆ. ಈ ಕಾರಣಕ್ಕೆ ಮದುವೆಯಲ್ಲಿ 12 ಸಾವಿರ ಅಭಿಮಾನಿಗಳು ಭಾಗಿಯಾಗಿದ್ದರು ಎನ್ನುವುದು ಕೂಡ ದಾಖಲೆ ಎನ್ನುತ್ತಿದೆ ಟಾಲಿವುಡ್.

2011ರಲ್ಲಿ JrNTR ಮದುವೆ!

2011ರಲ್ಲಿ ನಟ ಜೂ.ಎನ್‌ಟಿಆರ್ ಮದುವೆ ನೆರವೇರಿದೆ. ಲಕ್ಷ್ಮಿ ಪ್ರಣತಿ ಜೊತೆಗೆ ಜೂ.ಎನ್‌ಟಿಆರ್ ಮದುವೆ ಆಗಿದ್ದಾರೆ. ಹೈದರಾಬಾದ್‌ನಲ್ಲಿ ಅದ್ಧೂರಿಯಾಗಿ ಮದುವೆ ಮಾಡಲಾಯಿತು. ಈಗ ಈ ದಂಪತಿಗಳಿಗೆ ಇಬ್ಬರು ಮದ್ದಾದ ಮಕ್ಕಳು ಇದ್ದಾರೆ. 10 ವರ್ಷದ ಹಿಂದೆಯೇ ಮದುವೆಗಾಗಿ ₹100 ಕೋಟಿ ಖರ್ಚು ಮಾಡಲಾಗಿದೆ ಎಂದರೆ ಸಾಮಾನ್ಯ ವಿಚಾರ ಅಲ್ಲ.

ಪತ್ನಿ ವಿಚಾರದಲ್ಲಿ JrNTR ಮೇಲೆ ದೂರು!

ನಟ ಜೂ.ಎನ್‌ಟಿಆರ್ ಮದುವೆ ವಿಚಾರದಲ್ಲಿ ಕೂಡ ಸಾಕಷ್ಟು ಸುದ್ದಿಯಾಗಿದ್ದರು. ಒಮ್ಮೆ ಮದುವೆಗೆ ತಯಾರಿ ಮಾಡಿಕೊಂಡು, ಮದುವೆ ರದ್ದು ಮಾಡಿದ್ದರು. ಜೂ.ಎನ್‌ಟಿಆರ್ ಪತ್ನಿ ಲಕ್ಷ್ಮಿಗೆ 17 ವರ್ಷದವರಿದ್ದಾಗಲೇ ಮದುವೆ ತಯಾರಿ ನಡೆದಿತ್ತು. ಹಾಗಾಗಿ ವಕೀಲರೊಬ್ಬರು ಈ ಬಗ್ಗೆ ದೂರು ದಾಖಲಿಸಿದರು. ಬಳಿಕ ಒಂದು ವರ್ಷ ಬಿಟ್ಟು ಮದುವೆ ಆಯ್ತು ಈ ಜೋಡಿ.