ಸ್ಟೀಟಿಯ ನಯವಾದ ಕೆನ್ನೆ ನೆಕ್ಕಿದ ಶ್ವಾನ: ಹ್ಯಾಪು ಮೋರೆ ಹಾಕಿಕೊಂಡ ಫ್ಯಾನ್ಸ್!

ಆ ಶ್ವಾನವಾಗಿ ಹುಟ್ಟಿದ್ದರೆ ಚೆನ್ನಾಗಿತ್ತು!

ತಮ್ಮ ಅಂದ ಹಾಗೂ ಅಭಿನಯದಿಂದ ಸ್ವೀಟಿ ಅಭಿಮಾನಿಗಳ ಮನಗೆದ್ದಿದ್ದಾರೆ. ಅನುಷ್ಕಾ ಶೆಟ್ಟಿನ ಒಮ್ಮೆ ನೋಡಬೇಕು, ಮಾತನಾಡಬೇಕು ಅಂತ ಅದೆಷ್ಟೊ ಅಭಿಮಾನಿಗಳು ಕಾಯುತ್ತಿದ್ದಾರೆ. ಸದ್ಯ ಸ್ವೀಟಿ ಶ್ವಾನದ ಜೊತೆಗಿರೋ ವಿಡಿಯೋ ನೋಡಿ 'ಅಯ್ಯೋ ನಾನು ಆ ಶ್ವಾನದ ತರ ಹುಟ್ಟಿದ್ದರೆ ಚೆನ್ನಾಗಿತ್ತು' ಅಂತ ಒಬ್ಬ ಅಭಿಮಾನಿ ಕಾಮೆಂಟ್ ಮಾಡಿದ್ದರೆ ಮತ್ತೊಬ್ಬ 'ಆ ಶ್ವಾನ ನಾನಾಗಬೇಕಿತ್ತು' ಅಂತ ಹ್ಯಾಪಿ ಮೋರೆ ಹಾಕಿಕೊಂಡಿದ್ದಾನೆ. ಮತ್ತೊಬ್ಬರು '777 ಚಾರ್ಲಿ' ಎಂದು ಬರೆದಿದ್ದಾನೆ.

ದಯವಿಟ್ಟು ಪ್ರಭಾಸ್‌ನ ಮದುವೆ ಮಾಡಿಕೊಳ್ಳಿ!

ಬಿಲ್ಲಾ, ಮಿರ್ಚಿ ಹಾಗೂ ಬಾಹುಬಲಿ ಸರಣಿ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿ ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ಜೋಡಿ ಪ್ರೇಕ್ಷಕರಿಗೆ ಮೋಡಿ ಮಾಡಿತ್ತು. ಇವರಿಬ್ಬರು ಮದುವೆ ಆಗಬೇಕು ಅನ್ನುವುದು ಕೆಲ ಅಭಿಮಾನಿಗಳ ಆಸೆ. ಪ್ರನುಷ್ಕಾ ಜೋಡಿ ನಡುವೆ ಸಮ್‌ಥಿಂಗ್ ಸಮ್‌ಥಿಂಗ್ ನಡೀತಿದೆ. ಇಬ್ಬರೂ ಮದುವೆ ಆಗ್ತಾರೆ ಅನ್ನೋ ಚರ್ಚೆ ಸೋಶಿಯಲ್ ಮೀಡಿಯಾದಲ್ಲಿ ನಡೀತಾನೆ ಇರುತ್ತದೆ. ಆದರೆ ಇದರ ಬಗ್ಗೆ ಇಬ್ಬರು ಸ್ಪಷ್ಟನೆ ನೀಡುವ ಗೋಜಿಗೆ ಹೋಗಲಿಲ್ಲ. 'ದಯವಿಟ್ಟು ಪ್ರಭಾಸ್‌ನ ಮದುವೆ ಮಾಡಿಕೊಳ್ಳಿ' ಅಂತ ಮತ್ತೊಬ್ಬ ಅಭಿಮಾನಿ ಕಾಮೆಂಟ್ ಮಾಡಿ ಮನವಿ ಮಾಡಿಕೊಂಡಿದ್ದಾನೆ.

'ಸೈಜ್ ಜೀರೋ'ಗಾಗಿ ತೂಕ ಹೆಚ್ಚಿಸಿಕೊಂಡಿದ್ದ ಸ್ವೀಟಿ!

ಪಾತ್ರಗಳ ವಿಚಾರದಲ್ಲಿ ಸಾಕಷ್ಟು ಪ್ರಯೋಗಗಳನ್ನು ಮಾಡಿರುವ ಅನುಷ್ಕಾ ಶೆಟ್ಟಿ 'ಸೈಜ್ ಜೀರೋ' ಚಿತ್ರದ ಸೌಂದರ್ಯ ಪಾತ್ರಕ್ಕಾಗಿ ತೂಕ ಹೆಚ್ಚಿಸಿಕೊಳ್ಳುವ ಸಾಹಸ ಮಾಡಿದ್ದರು. ಸಿನಿಮಾ ಮುಗಿದ ಬಳಿಕ ಮತ್ತೆ ಹಳೇ ಫಿಸಿಕ್ ಅನ್ನು ವಾಪಸ್ ಪಡೆಯಲು ಸಾಧ್ಯವಾಗಲೇ ಇಲ್ಲ. ಇದರಿಂದ ಅಭಿಮಾನಿಗಳ ನೆಚ್ಚಿನ 'ಭಾಗಮತಿ' ಸಾಕಷ್ಟು ಅವಕಾಶಗಳನ್ನು ಕಳೆದುಕೊಳ್ಳುವಂತಾಯಿತು.

ನವೀನ್​ ಪೊಲಿಶೆಟ್ಟಿ ತೆರೆಹಂಚಿಕೊಳ್ಳುತ್ತಾರೆ ಸ್ವೀಟಿ!

ತೆಲುಗಿನ ಯುವನಟ ನವೀನ್​ ಪೊಲಿಶೆಟ್ಟಿ ನಟನೆಯ ಮುಂದಿನ ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ಬಣ್ಣ ಹಚ್ಚುವ ಬಗ್ಗೆ ಚರ್ಚೆ ನಡೀತಿದೆ. ಈ ಸಿನಿಮಾದಲ್ಲಿ ವಿಭಿನ್ನ ಪ್ರೇಮಕಥೆ ಇರಲಿದ್ದು, 40ರ ಹರೆಯದ ಹುಡುಗಿ ಮತ್ತು 25ರ ಹರೆಯದ ಹುಡುಗನ ನಡುವಿನ ಪ್ರೀತಿಯನ್ನು ಇಲ್ಲಿ ಹೇಳಗುತ್ತಿದೆಯಂತೆ. 'ರಾ ರಾ ಕೃಷ್ಣಯ್ಯ' ಸಿನಿಮಾ ಖ್ಯಾತಿಯ ಮಹೇಶ್ ಆಕ್ಷನ್ ಕಟ್ ಹೇಳುತ್ತಿದ್ದು, ಪ್ರಭಾಸ್ ಸೋದರನ ಯುವಿ ಕ್ರಿಯೇಷನ್ಸ್‌ ಬ್ಯಾನರ್‌ನಡಿಯಲ್ಲಿ ಸಿನಿಮಾ ನಿರ್ಮಾಣ ಆಗುತ್ತಿದೆ.