'ಆಚಾರ್ಯ' ಚಿತ್ರತಂಡಕ್ಕೆ ಸೋಲಿನ ಭೀತಿ ಉಂಟುಮಾಡಿರುವ ಆ ಐದು ಅಂಶಗಳು

ರಾಜಮೌಳಿ ಸಿನಿಮಾದ ನಂತರ ಫ್ಲಾಪ್ ಪಕ್ಕಾ

ನಿರ್ದೇಶಕ ಧೀರ ರಾಜಮೌಳಿ ಮಾಡುವ ಪ್ರತಿ ಸಿನಿಮಾ ಕೂಡ ಇಂಡಸ್ಟ್ರಿ ಹಿಟ್ ಎನಿಸಿಕೊಳ್ಳುತ್ತದೆ. ಆದರೆ ಅದರ ಜೊತೆಗೆ ಇಲ್ಲಿ ಒಂದು ನಂಬಿಕೆ ವಿಷಯ ಕೂಡ ಗಮನಾರ್ಹವಾಗಿದೆ. ಅವರ ಜೊತೆ ಸಿನಿಮಾ ಮಾಡಿದ ಪ್ರತಿಯೊಬ್ಬ ನಾಯಕನೂ ಕೆರಿಯರ್ ಬೆಸ್ಟ್ ಎಂದು ದಾಖಲಾಗುತ್ತಾರೆ. ಆದರೆ ನಂತರ, ರಾಜಮೌಳಿ ಜೊತೆ ಸಿನಿಮಾ ಮಾಡಿ ಭರ್ಜರಿ ಹಿಟ್ ಹೊಡೆದ ಹೀರೋಗಳು ತಮ್ಮ ಮುಂದಿನ ಸಿನಿಮಾದೊಂದಿಗೆ ಅಟ್ಟರ್ ಫ್ಲಾಪ್ ರುಚಿ ನೋಡುತ್ತಾರೆ. ಹಾಸ್ಯನಟ ಸುನೀಲ್‌ ಇಂದ ಆರಂಭಿಸಿ ಎನ್‌ಟಿಆರ್‌ವರೆಗೂ ಈ ಭಾವನೆ ಬಿಡದೆ ಕಾಡುತ್ತಿತ್ತು. 'ಬಾಹುಬಲಿ' ಸರಣಿಯ ನಂತರ ಪ್ರಭಾಸ್ ಮಾಡಿದ 'ಸಾಹೋ' ಮತ್ತು 'ರಾಧೆ ಶ್ಯಾಮ್' ಫಲಿತಾಂಶ ನಮಗೆ ತಿಳಿದಿದೆ. ರಾಜಮೌಳಿ 'RRR' ರೂಪದಲ್ಲಿ ಚರಣ್‌ಗೆ ಪ್ಯಾನ್ ಇಂಡಿಯಾ ಹಿಟ್ ನೀಡಿದ್ದಾರೆ. 'RRR' ಸಿನಿಮಾದ ನಂತರ ಚರಣ್ ಮಾಡುತ್ತಿರುವ 'ಆಚಾರ್ಯ'ಗೆ ರಾಜಮೌಳಿ ಫ್ಲಾಪ್ ಸೆಂಟಿಮೆಂಟ್ ಬೆನ್ನತ್ತಿದರೆ ಕೆಟ್ಟ ಫಲಿತಾಂಶ ಬರುತ್ತದೆ ಎಂಬುದು ಟಾಲಿವುಡ್ ಸುದ್ದಿ!

ನಾಯಕಿಯ ಬದಲಾವಣೆ ಎಂಬ ಅಶುಭ!

'ಆಚಾರ್ಯ' ಚಿತ್ರಕ್ಕೆ ನಾಯಕಿ ಬದಲಾವಣೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಇಂಡಸ್ಟ್ರಿ ಒಳಗಿನ ಮಂದಿ ಒಳಗೆ ಚಿತ್ರದ ಬಗ್ಗೆ ನಕಾರಾತ್ಮಕತೆಯನ್ನು ಉಂಟುಮಾಡಲು ಇದು ಕೂಡ ಒಂದು ಕಾರಣ ಅಂತ ಹೇಳಲಾಗುತ್ತಿದೆ. ನಿರ್ದೇಶಕ ಕೊರಟಾಲ ಶಿವ ಮೊದಲು ತ್ರಿಷಾ ಅವರನ್ನು ಆಯ್ಕೆ ಮಾಡಿದರು. ಪಾತ್ರಕ್ಕೆ ಆದ್ಯತೆ ಇಲ್ಲದ ಕಾರಣ ಮಧ್ಯದಲ್ಲಿಯೇ ಪ್ರಾಜೆಕ್ಟ್‌ನಿಂದ ಹೊರನಡೆದರು. ತ್ರಿಷಾ ಬದಲಿಗೆ ಕಾಜಲ್ ಬಂದರು. ತೀರಾ ರಿಲೀಸ್ ಆಗುವ ಮುನ್ನವೇ ಆಕೆ ಸಿನಿಮಾದಲ್ಲಿ ಇಲ್ಲವೇ ಇಲ್ಲ, ಹೊಡೆದಾಟಗಳ ಸುರಿಮಳೆ ಹೊಂದಿರುವ 'ಆಚಾರ್ಯ' ಚಿತ್ರದಲ್ಲಿ ನಾಯಕಿಗೆ ಅಂತಹ ಹೇಳಿಕೊಳ್ಳುವ ಪಾತ್ರ ಕೂಡ ಇಲ್ಲ. ಪದೇ ಪದೇ ನಾಯಕಿಯರ ಬದಲಾವಣೆಯನ್ನು ಕೂಡ ಒಂದು ನಕಾರಾತ್ಮಕ ಅಂಶವಾಗಿ ಪರಿಗಣಿಸುತ್ತಿದ್ದಾರೆ. 'ಆಚಾರ್ಯ' ಚಿತ್ರದ ಮುಖ್ಯ ನಾಯಕ ಚಿರಂಜೀವಿಗೆ ನಾಯಕಿ ಇಲ್ಲ. ಅದೊಂದು ದೊಡ್ಡ ಮೈನಸ್ ಪಾಯಿಂಟ್ ಎಂದು ಹೇಳಲಾಗುತ್ತಿದೆ.

ರೀ- ಶೂಟ್ ಮಾಡಿದರೆ ಸಿನಿಮಾ ಗೆಲ್ಲುವುದಿಲ್ಲ

'ಆಚಾರ್ಯ' ಅವರು ಚಿತ್ರದ ಕೆಲವು ದೃಶ್ಯಗಳನ್ನು ರೀ ಶೂಟ್ ಮಾಡಿದ್ದಾರೆ. ನಿಸ್ಸಂಶಯವಾಗಿ ಪ್ರೇಕ್ಷಕರು ರೀಶೂಟ್ ಚಿತ್ರಗಳ ಬಗ್ಗೆ ನಕಾರಾತ್ಮಕ ಅಭಿಪ್ರಾಯವನ್ನು ಹೊಂದಿರುತ್ತಾರೆ. ಮತ್ತೆ ಪ್ರಯತ್ನ ಮಾಡಿದ ಭಾವ ಸರಿಯಾಗಿ ಅಡುಗೆ ಮಾಡಿಲ್ಲವೆಂಬ ಭಾವನೆಯನ್ನು ಉಂಟು ಮಾಡುತ್ತದೆ. 'ಆಚಾರ್ಯ' ಸಿನಿಮಾದ ಕೆಲವು ದೃಶ್ಯಗಳನ್ನು ರೀಶೂಟ್ ಮಾಡಲಾಗಿದೆ ಎಂದು ಸ್ವತಃ ನಿರ್ದೇಶಕ ಕೊರಟಾಲ ಒಪ್ಪಿಕೊಂಡಿದ್ದಾರೆ. ಹಾಗಾಗಿ 'ಆಚಾರ್ಯ'ರ ತೆರೆ ಕಾಣುವ ಮೊದಲೇ ಈ ಚಿತ್ರದ ಬಗ್ಗೆ ಅನೇಕರು ಭವಿಷ್ಯವನ್ನು ನುಡಿಯುತ್ತಿದ್ದಾರೆ.

ಇದು ಚಿರಂಜೀವಿ ಸಿನಿಮಾ ಅಲ್ಲ ರಾಮ್ ಚರಣ್ ಸಿನಿಮಾ!

'ಆಚಾರ್ಯ' ಚಿರಂಜೀವಿ ಕೇಂದ್ರಿತ ಚಿತ್ರವಾಗಿ ಪ್ರಾರಂಭವಾಯಿತು. ರಾಮ್ ಚರಣ್ ಕೇವಲ 40 ನಿಮಿಷಗಳ ಅವಧಿಯ ಪ್ರಮುಖ ಪಾತ್ರವನ್ನು ಮಾಡುತ್ತಿದ್ದಾರೆ ಎಂದು ಟಾಲಿವುಡ್ ಸುದ್ದಿ ಮನೆಗಳು ಹೇಳುತ್ತಿದ್ದವು. ಟ್ರೈಲರ್ ಬಿಡುಗಡೆಯಾದ ನಂತರ ಈ ಪರಿಕಲ್ಪನೆ ಸಂಪೂರ್ಣವಾಗಿ ಬದಲಾಯಿತು. ಚಿರಂಜೀವಿ ಸೆಂಟ್ರಿಕ್ ಸಿನಿಮಾ ಸ್ವಲ್ಪ ರಾಮ್ ಚರಣ್ ಸೆಂಟ್ರಿಕ್ ಆಗಿದೆ. ಜೊತೆಗೆ ಚಿರಂಜೀವಿ ಪಾತ್ರಕ್ಕೆ ನಾಯಕಿ ಇಲ್ಲ, ಚರಣ್ ಪಾತ್ರಕ್ಕೆ ನಾಯಕಿ ಇದ್ದಾರೆ. 'ಆಚಾರ್ಯ' ಸಿನಿಮಾದ ಬಗ್ಗೆ ಪ್ರೇಕ್ಷಕರು ಮೊದಲಿನಿಂದಲೂ ಯೋಚಿಸುತ್ತಿದ್ದ ರೀತಿಯನ್ನು ಟ್ರೈಲರ್ ಬದಲಿಸಿದೆ. ರಾಮ್ ಚರಣ್ ತೇಜ ಈಗ ಚಿತ್ರದ ನಾಯಕ ಅವರ ಹಿಂದಿನ ಚಿತ್ರ 'ಆರ್ ಆರ್ ಆರ್ 'ಭರ್ಜರಿ ಯಶಸ್ಸು ಕಂಡಿದೆ. ರಾಜಮೌಳಿ ಹೀರೋ ಎಂಬ ಭಯ ಈಗ ಅಭಿಮಾನಿಗಳನ್ನು ಕಾಡುತ್ತಿದೆ.

ಪೂಜಾ ಹೆಗ್ಡೆ ಬಗ್ಗೆಯೂ ಒಂದು ನಂಬಿಕೆ ಇದೆ

ಎಲ್ಲದಕ್ಕಿಂತ ಹೆಚ್ಚಾಗಿ ಈಗ ಪೂಜಾ ಹೆಗಡೆ ವಿಚಾರವೇ 'ಆಚಾರ್ಯ' ಚಿತ್ರದಲ್ಲಿ ದೊಡ್ಡ ಮಟ್ಟದ ಚರ್ಚೆಗೆ ಕಾರಣವಾಗಿರುವುದು 'ದುವ್ವಾಡ ಜಗನ್ನಾಥ್', 'ಅರವಿಂದ ಸಮೇತ, 'ಮಹರ್ಷಿ', 'ಗದ್ದಲ ಕೊಂಡ ಗಣೇಶ್', 'ಅಲ ವೈಂಕುಂಠಪುರಮುಲೋ' ಇಂತಹ ದೊಡ್ಡ ಯಶಸ್ಸಿನ ಚಿತ್ರಗಳ ಮೂಲಕ ಗೋಲ್ಡನ್ ಲೆಗ್ ಎನಿಸಿಕೊಂಡಿದ್ದ ಪೂಜಾ ಹೆಗಡೆ 'ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್' , 'ರಾಧೆ ಶ್ಯಾಮ್', ಬೀಸ್ಟ್ ಚಿತ್ರಗಳ ಸತತ ಸೋಲುಗಳಿಂದ ಇಂಡಸ್ಟ್ರಿಯಲ್ಲಿ ಅವರ ಬಗ್ಗೆ ನಕಾರಾತ್ಮಕ ಭಾವ ಎದ್ದಿದೆ, ಈಗ ಇದೆ 'ಆಚಾರ್ಯ' ತಂಡವನ್ನು ಸಾಕಷ್ಟು ಭಯ ಪಡಿಸುತ್ತಿದೆಯಂತೆ. 'ಆಚಾರ್ಯ' ಚಿತ್ರದಲ್ಲಿ ರಾಮ್ ಚರಣ್ ಅವರಿಗೆ ಜೋಡಿಯಾಗಿ ಪೂಜಾ ಹೆಗ್ಡೆ ನಟಿಸುತ್ತಿದ್ದಾರೆ.

ಭಾರಿ ನಿರೀಕ್ಷೆಯೊಂದಿಗೆ ಬಿಡುಗಡೆಯಾಗುತ್ತಿದೆ ಆಚಾರ್ಯ!

ಸಿನಿಮಾ ಮಂದಿಯ ನಂಬಿಕೆ ಏನೇ ಇರಲಿ 'ಆಚಾರ್ಯ' ಚಿತ್ರದ ಹೈಪ್ ಮಾತ್ರ ತುಂಬಾ ದೊಡ್ಡದಾಗಿದೆ. ಮೆಗಾಸ್ಟಾರ್ ಚಿರಂಜೀವಿ ಹಾಗೂ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಜೊತೆಯಾಗಿ ನಟಿಸಿರುವ ಈ ಚಿತ್ರ ಒಂದು ರೇಂಜ್ ನಲ್ಲಿ ಹೈಪ್ ಕ್ರಿಯೇಟ್ ಮಾಡಿದೆ. ಇದರ ಜೊತೆಗೆ ಟಾಲಿವುಡ್‌ನಲ್ಲಿ ಸೋಲಿಲ್ಲದ ಸರದಾರ ಎಂದು ಗುರುತಿಸಿಕೊಂಡಿರುವ ಕೊರಟಾಲ ಈ ಸಿನಿಮಾದ ಮಾಸ್ ಎಲಿಮೆಂಟ್ಸ್‌ನಿಂದ ಭಾರೀ ನಿರೀಕ್ಷೆ ಮೂಡಿಸಿದ್ದಾರೆ. ಚಿರಂಜೀವಿ ಮತ್ತು ರಾಮ್ ಚರಣ್ ಅವರನ್ನು ಬಿಗ್ ಪರದೆಯ ಮೇಲೆ ಯಾವಾಗ ನೋಡುತ್ತೇವೆ! ಎಂದು ಕುತೂಹಲ ಮತ್ತು ಕಾತರದಿಂದ ಮೆಗಾ ಅಭಿಮಾನಿಗಳು ಎದುರುನೋಡುತ್ತಿದ್ದಾರೆ. 'ಮಿರ್ಚಿ', 'ಶ್ರೀಮಂತುಡು', 'ಜನತಾ ಗ್ಯಾರೇಜ್', 'ಭರತ್ ಅನೆ ನೇನು' ಎಂಬಂತಹ ಬ್ಲಾಕ್‌ಬಸ್ಟರ್ ಹಿಟ್‌ಗಳ ಸರಣಿಯನ್ನು ಮುಂದುವರಿಸುತ್ತಾ 'ಆಚಾರ್ಯ' ಚಿತ್ರದ ಮೂಲಕ ಮತ್ತೊಂದು ಸೂಪರ್ ಬ್ಲಾಕ್‌ಬಸ್ಟರ್ ಹಿಟ್ ನೀಡುತ್ತಾರೆ ಎಂಬ ನಂಬಿಕೆಯನ್ನು ಮೆಗಾ ಅಭಿಮಾನಿಗಳು ಹೊಂದಿದ್ದಾರೆ. ನೆಗೆಟಿವ್ ಅಥವಾ ಸೆಂಟಿಮೆಂಟ್ ವಿಷಯಗಳು ಏನೇ ಇದ್ದರೂ ಕೂಡ ಚಿತ್ರ ದೊಡ್ಡ ಮಟ್ಟದಲ್ಲಿ ಯಶಸ್ವಿಯಾಗುತ್ತದೆ ಎಂಬ ನಂಬಿಕೆಯನ್ನು 'ಆಚಾರ್ಯ' ಚಿತ್ರತಂಡ ಹೊಂದಿದೆ.