ನಮಿತಾ ಅಶ್ಲೀಲ ವಿಡಿಯೋ ಮತ್ತು ಆನ್‌ಲೈನ್ ಬೆದರಿಕೆ: ಏನಿದು ವಿವಾದ?

ಮೊದಲು ಖಾಸಗಿ ಮೆಸೆಜ್ ಮಾಡಿ ಕೆಟ್ಟದಾಗಿ ಮಾತನಾಡಿದ ಯುವಕ

ವ್ಯಕ್ತಿಯೊಬ್ಬ ನಮಿತಾ ಗೆ ಖಾಸಗಿ ಮೆಸೆಜ್ ಮಾಡಿ, 'ಹೇಯ್ ಐಟಮ್' ಹಾಗೂ ಇನ್ನಿತರೆ ಕೀಳು ಪದಗಳನ್ನು ಹೆಸರಿಸಿ ಕರೆದಿದ್ದನಂತೆ. ಇದಕ್ಕೆ ನಮಿತಾ ವಿರೋಧ ವ್ಯಕ್ತಪಡಿಸಿದ್ದಾರೆ. ಆಗ ಆತ ಅಕೌಂಟ್ ಹ್ಯಾಕ್ ಆಗಿದೆ ಎಂದು ಸಬೂಬು ಹೇಳಿದ್ದಾರೆ.

ಪಾರ್ನ್ ವಿಡಿಯೋ ಇಂಟರ್ನೆಟ್‌ ಗೆ ಹಾಕುತ್ತೀನಿ: ಬೆದರಿಕೆ

ಆದರೆ ನಂತರ, ಅದೇ ವ್ಯಕ್ತಿ ನಮಿತಾ ಗೆ 'ನಾನು ನಿಮ್ಮ ಪಾರ್ನ್ ವಿಡಿಯೋ ನನ್ನ ಬಳಿ ಇದೆ, ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗಪಡಿಸುತ್ತೇನೆ' ಎಂದು ಬೆದರಿಕೆ ಹಾಕಿದ್ದಾನೆ.

ಪಾರ್ನ್ ವಿಡಿಯೋ ಬಹಿರಂಗಪಡಿಸುವಂತೆ ನಮಿತಾ ಸವಾಲು

ಇದಕ್ಕೆ ಆತನಿಗೆ ಉತ್ತರಿಸಿದ ನಮಿತಾ, 'ಬಹಿರಂಗ ಪಡಿಸು' ಎಂದು ಹೇಳಿದ್ದಾರೆ. ಅಷ್ಟೆ ಅಲ್ಲದೆ, ತಮಗೆ ಬೆದರಿಕೆ ಹಾಕಿದವನ ಚಿತ್ರವನ್ನು ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ ಪ್ರಕಟಿಸಿ, ಆತನಿಗೆ ಛೀಮಾರಿ ಹಾಕಿದ್ದಾರೆ. ನಮಿತಾ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕುತ್ತಲೆ ಆತ ತನ್ನ ಖಾತೆಯನ್ನು ಡಿಲೀಟ್ ಮಾಡಿದ್ದಾನೆ.

ನನ್ನ ಮೌನವನ್ನು ಬಲಹೀನತೆ ಎಂದುಕೊಳ್ಳಬೇಡಿ: ನಮಿತಾ

ನಾನು ಏಕೆ ಆತನ ಮಾತನ್ನು ಕೇಳಬೇಕು, ನಾನು ಗ್ಲಾಮರ್ ಉದ್ದಿಮೆಯಲ್ಲಿರುವುದಕ್ಕಾ? ನಾನು ಸೆಲೆಬ್ರಿಟಿ ಆಗಿರುವುದಕ್ಕಾ? ನಾನು ಸಿನಿಮಾದಲ್ಲಿ ಕಾಣಿಸಿಕೊಳ್ಳುವ ರೀತಿಯಲ್ಲಿಯೇ ವೈಯಕ್ತಿಕವಾಗಿ ಇದ್ದೇನೆ ಎಂದುಕೊಂಡಿದ್ದಾನಾ? ಆತ ನನ್ನನ್ನು ವೈಯಕ್ತಿಕವಾಗಿ ಬಲ್ಲನಾ? 'ನನ್ನ ಮೌನವನ್ನು ನನ್ನ ಬಲಹೀನತೆ ಎಂದುಕೊಳ್ಳಬೇಡ'' ಎಂದು ಆತನಿಗೆ ಎಚ್ಚರಿಕೆಯನ್ನೂ ನೀಡಿದ್ದಾರೆ ನಮಿತಾ.

ದುರ್ಗಾ ಪೂಜೆ, ಮಹಿಳಾ ದಿನಾಚರಣೆ ಮಾಡಿದರೆ ಸಾಲದು: ನಮಿತಾ

''ನಾನು ಚಿತ್ರರಂಗದ ಹಿನ್ನೆಲೆಯಿಂದ ಬಂದಿದ್ದೇನೆ ಎಂಬ ಕಾರಣಕ್ಕೆ ಆತ ಹೀಗೆಲ್ಲಾ ಹೀಗಳೆಯುವ ಪ್ರಯತ್ನ ಮಾಡುತ್ತಿದ್ದಾನೆ. ಇಂತಹಾ ಕೆಟ್ಟ ಮನಸ್ಥಿತಿ ಇಟ್ಟುಕೊಂಡವರು, ನವರಾತ್ರಿ ದುರ್ಗಾ ಪೂಜೆ, ಮಹಿಳಾ ದಿನ ಆಚರಣೆ ಮಾಡಿದರೆ ಏನು ಪ್ರಯೋಜನ. ಮಹಿಳೆಯನ್ನು ಗೌರವಿಸುವುದನ್ನು ಮೊದಲು ಕಲಿಯಿರಿ'' ಎಂದು ಆಕ್ರೋಶ ಪ್ರಕಟಿಸಿದ್ದಾರೆ.