ಬೇಸರದಲ್ಲಿದ್ದ ರಶ್ಮಿಕಾ ಮಂದಣ್ಣ ಅಭಿಮಾನಿಗಳಿಗೆ ಗುಡ್ ನ್ಯೂಸ್!

ರಶ್ಮಿಕಾ ಎದುರಾಗಿ ಮತ್ತೊಬ್ಬ ನಟಿ?

ಬಹುನಿರೀಕ್ಷಿತ ಚಿತ್ರ 'ಪುಷ್ಪಾ' ದಲ್ಲಿ ರಶ್ಮಿಕಾ ಗೆ ಎದುರಾಗಿ ಇನ್ನಾವುದೇ ನಾಯಕಿ ಇರುವುದಿಲ್ಲವಂತೆ. ರಶ್ಮಿಕಾ ಅವರೇ ಚಿತ್ರದ ನಾಯಕಿಯಾಗಿದ್ದಾರೆ ಎಂದು ಚಿತ್ರತಂಡವೇ ಸ್ಪಷ್ಟನೆ ನೀಡಿದೆ ಎನ್ನಲಾಗಿದೆ.

ಅಲ್ಲು ಅರ್ಜುನ್ ನಾಯಕಿಯಾಗಿ ನಿವೇದಾ ಥಾಮಸ್?

ಪುಷ್ಪಾ ಸಿನಿಮಾದಲ್ಲಿ ನಿವೇದಾ ಥಾಮಸ್ ನಾಯಕಿಯಾಗಿ ನಟಿಸುತ್ತಿದ್ದಾರೆ. ರಶ್ಮಿಕಾ ಎರಡನೇ ನಾಯಕಿಯ ಪಾತ್ರದಲ್ಲಿದ್ದು, ಅರಣ್ಯಾಧಿಕಾರಿ ನಾಯಕನಿಗೆ ಸಹಾಯ ಮಾಡುವ ಪಾತ್ರ ಅವರದ್ದಾಗಿದೆ ಎಂಬ ಗುಲ್ಲು ಹರಿದಾಡಿತ್ತು. ಆದರೀಗ ಅದೆಲ್ಲವೂ ಸುಳ್ಳಾಗಿದೆ.

ರಶ್ಮಿಕಾ ಮಂದಣ್ಣ ನಾಯಕಿ

ಸುಕುಮಾರ್ ನಿರ್ದೇಶನದ ಈ ಬಹುನಿರೀಕ್ಷಿತ 'ಪುಷ್ಪಾ' ಸಿನಿಮಾದಲ್ಲಿ ನಟಿ ರಶ್ಮಿಕಾ ಮಂದಣ್ಣ ಅವರೇ ನಾಯಕಿಯಾಗಿದ್ದು, ಅವರು ಅರಣ್ಯಾಧಿಕಾರಿ ಪಾತ್ರ ನಿರ್ವಹಿಸುತ್ತಿದ್ದಾರೆಯೋ ಅಥವಾ ಅಲ್ಲು ಅರ್ಜುನ್ ನ ಪ್ರೇಯಸಿಯ ಪಾತ್ರವೋ ಗೊತ್ತಾಗಬೇಕಿದೆ.

ಡಾಲಿ ಧನಂಜಯ್ ನಟನೆ

ಇನ್ನು ಪುಷ್ಪಾ ಸಿನಿಮಾದಲ್ಲಿ ಅಲ್ಲು ಅರ್ಜುನ್ ಎದುರಾಗಿ ನಟ ಡಾಲಿ ಧನಂಜಯ್ ನಟಿಸುತ್ತಿದ್ದಾರೆ. ವಿಜಯ್ ಸೇತುಪತಿ ನಿರ್ವಹಿಸಬೇಕಿದ್ದ ಈ ಪಾತ್ರಕ್ಕೆ ಡಾಲಿ ಆಯ್ಕೆ ಆಗಿದ್ದಾರೆ. ವಿಲನ್ ಆಗಿ ಪ್ರತಿಭೆಯನ್ನು ಸಾಬೀತುಪಡಿಸಿರುವ ಡಾಲಿ, ನೆರೆಯ ರಾಜ್ಯದಲ್ಲಿ ಮಿಂಚುತ್ತಾರಾ ನೋಡಬೇಕಿದೆ.