RRR: ಚಿತ್ರವನ್ನು ಯಾಕೆ ನೋಡಬೇಕು? 3 ಕಾರಣ ಇಲ್ಲಿವೆ ನೋಡಿ!

ನಾಯಕರ ಅದ್ಬುತವಾದ ಇಂಟ್ರೊಡಕ್ಷನ್!

RRR ಚಿತ್ರದಲ್ಲಿ ಮಿಸ್ ಮಾಡದೆ ನೋಡಲೆ ಬೇಕಾದ ರೋಮಾಂಚನಕಾರಿ ದೃಶ್ಯ ಅಂದರೆ ಅದು ಚಿತ್ರದ ನಾಯಕ ನಟರ ಇಂಟ್ರೊಡಕ್ಷನ್ ಸೀನ್. ನಟ ರಾಮ್‌ ಚರಣ್ ತೇಜಾ ಮತ್ತು ಜೂ.ಎನ್‌ಟಿಆರ್ ಇಬ್ಬರ ಇಂಟ್ರೋಡಕ್ಷನ್ ಅತ್ಯದ್ಭುತ ಎನ್ನುತ್ತಾರೆ ಸಿನಿಮಾ ನೋಡಿದವರು. ರಾಜಮೌಳಿ ಸಿನಿಮಾಗಳಲ್ಲಿ ಕಥೆಗೆ ತಕ್ಕಂತೆ ಪಾತ್ರಗಳನ್ನು ವಿನ್ಯಾಸ ಮಾಡಲಾಗುತ್ತದೆ. ಹಾಗಾಗಿ ಕತೆಯ ಮುಖ್ಯ ಪಾತ್ರಗಳ ಪರಿಚಯವನ್ನು ವಿಶೇಷವಾಗಿಯೆ ಮಾಡಿಕೊಡುತ್ತಾರೆ ರಾಜಮೌಳಿ. ಅದಕ್ಕೆ RRR ಚಿತ್ರವೂ ಸಾಕ್ಷಿ ಆಗಿದೆ. ರಾಮ್ ಚರಣ್ ಮತ್ತು ಜೂ.ಎನ್‌ಟಿಆರ್ ಇಬ್ಬರ ಭಿನ್ನ ರೋಚಕ ಇಂಟ್ರೊಡಕ್ಷನ್ ಈ ಚಿತ್ರದಲ್ಲಿ ಕಾಣ ಬಹುದು.

ಇಂಟರ್ವೆಲ್ ಬ್ಲಾಕ್‌ನಲ್ಲಿ ರೋಚಕ ಟ್ವಿಸ್ಟ್!

ಇನ್ನು ಬಾಹುಬಲಿ ಸಿನಿಮಾ ಬಂದಾಗಲೇ ಪಾರ್ಟ್ 2 ಚಿತ್ರಕ್ಕೆ ಮಹತ್ತರ ಲೀಡ್ ಕೊಟ್ಟು, ಟ್ವಿಸ್ಟ್ ಇಟ್ಟು ರಾಜಮೌಳಿ ಗೆದ್ದಿದ್ದಾರೆ. ಮಧ್ಯಂತರ ಅಂದರೆ ಚಿತ್ರದ ಇಂಟ್ರವೆಲ್ ಸಮಯದಲ್ಲಿ ಪ್ರೇಕ್ಷಕರನ್ನು ಹೇಗೆ ಕುತೂಹಲದಿಂದ ಹಿಡಿದಿಡಬೇಕು ಎನ್ನುವ ಕಲೆಯನ್ನು ರಾಜಮೌಳಿ ಕರಗತ ಮಾಡಿಕೊಂಡಿದ್ದಾರೆ. ಅವರ ಸಿನಿಮಾಗಳಲ್ಲಿ ಇಂಟರ್ವೆಲ್ ಘಟ್ಟವೇ ಹೆಚ್ಚಿನ ಪ್ರಾಮುಖ್ಯತೆ ಪಡೆದು ಕೊಂಡಿರುತ್ತದೆ. RRR ಚಿತ್ರ ಇಂಟರ್ವೆಲ್ ಘಟ್ಟ ಅತ್ಯಂತ ರೋಚಕತೆಯಿಂದ ಕೂಡಿದ್ದು, ಇಂತಹ ಜಾದು ಮಾಡಲು ರಾಜಮೌಳಿ ಇಂದ ಮಾತ್ರ ಸಾಧ್ಯ ಎನಿಸುತ್ತದೆ.

RRR ಕ್ಲೈಮ್ಯಾಕ್ಸ್ ಚಿತ್ರದ ಹೈಲೈಟ್!

ರಾಜಮೌಳಿ ಸಿನಿಮಾಗಳಲ್ಲಿ ಕ್ಲೈಮ್ಯಾಕ್ಸ್ ಹೈಲೈಟ್. ಸಿನಿಮಾ ಶುರುವಿನಿಂದ ಹಿಡಿದು, ಕೊನೆಯ ತನಕ ಏನಾಗುತ್ತದೆ ಎನ್ನುವ ಕುತೂಹಲವನ್ನು ಸಾಮಾನ್ಯವಾಗಿ ಕಟ್ಟಿಕೊಟ್ಟಿರುತ್ತಾರೆ ರಾಜಮೌಳಿ. ಆದರೆ ಸಿನಿಮಾ ಕ್ಲೈಮ್ಯಾಕ್ಸ್ ಮಾತ್ರ ಊಹೆಯನ್ನು ಮೀರಿದ್ದಾಗಿರುತ್ತದೆ. ಅಂತೆಯೇ RRR ಚಿತ್ರದ ಕ್ಲೈಮ್ಯಾಕ್ಸ್ ಕೂಡ ಅತ್ಯಂತ ರೋಚಕತೆಯಿಂದ ಕೂಡಿದೆ. ಹ್ಯಾಪಿ ಎಂಡಿಂಗ್ ಆದರೂ ಕೂಡ ಊಹೆಗೂ ಮೀರಿದ ಟ್ವಿಸ್ಟ್ ಕ್ಲೈಮ್ಯಾಕ್ಸ್‌ನಲ್ಲಿ ಇದೆ. ಇದು ರಾಜಮೌಳಿ ನಿರ್ದೇಶನದ ಕಲೆಗೆ ಹಿಡಿದ ಕನ್ನಡಿ ಎನ್ನಬಹುದು.

RRRನಲ್ಲಿ ಅದ್ದೂರಿ ದೃಶ್ಯ ವೈಭವ!

ಬಾಹುಬಲಿ ಸಿನಿಮಾವನ್ನು ತಲೆಯಲ್ಲಿ ಇಟ್ಟುಕೊಂಡು RRR ಚಿತ್ರವನ್ನು ನೋಡಲು ಬರುವವರಿಗೆ ರಾಜಮೌಳಿ ನಿರಾಸೆ ಮಾಡಿಲ್ಲ. ಕಥೆಯನ್ನು ಚೆನ್ನಾಗಿ ಕಟ್ಟಿ ಕೊಡುವುದರ ಜೊತೆಗೆ ಸಿನಿಮಾದಲ್ಲಿ ಅದ್ಭುತ ದೃಶ್ಯ ವೈಭವವನ್ನು ಸೃಷ್ಟಿಸಿದ್ದಾರೆ. ಬಾಹುಬಲಿ ಸಿನಿಮಾದ ಮಾದರಿಯಲ್ಲಿ ಈ ಚಿತ್ರದಲ್ಲೂ ದೃಶ್ಯ ವೈಭವ ಇದೆ. ಏನಿಲ್ಲ ಅಂದರೂ ಸಿನಿಮಾದಲ್ಲಿ ಕಟ್ಟಿಕೊಡಲಾದ ಅದ್ಭುತ ದೃಶ್ಯಾವಳಿಗಳನ್ನು ನೋಡಲೆಂದೆ ಸಿನಿಮಾ ನೋಡಬಹುದು. ಅಷ್ಟರ ಮಟ್ಟಿಗೆ RRR ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತದೆ.